skvr07111110
Laatokan Karjala (Raja-Karjala) — Suojärvi
Härkönen, Iivo
1901
1 | Täll' on muall' on Luoja vanhin, | |||
2 | Sidä tahotah Hiijen vägi kädeh suaha. | |||
3 | Heittybö Luoja Hiijen väil kädeh; | |||
4 | Luoja ristoih naulittihi. | |||
5 | 5 "Kunnebo tämä Luojoi pannah?" | |||
6 | "Kaivammo hauvan yheksiä syldä syvän, | |||
7 | Puolen syldä kymmenettä." | |||
8 | Sinnebö Luojoi hauvattihe, | |||
9 | Hiijen vägi vahtimahe. | |||
10 | 10 Luoja hauvassa ruguoli: | |||
11 | "Hoi, sie armas auringoine, | |||
12 |
Tule siivettömänä siruisen',1 Tekstissä seuraa: |Tule, paista palavasti.|
|
|||
13 | Piättömänä on kanaisen', | |||
14 | *Tule, paista palavasti, | |||
15 | 15 Hiilluttele hiilavasti!*" | |||
16 | Tuli päivöi, paistoi palavasti, | |||
17 | Hiillutteli hiilavasti: | |||
18 | Hiijen vägi hiilluttihe, | |||
19 | Pagana vägi puavuttihe, | |||
20 | 20 Nuoret miehet nojevuttih keijosien nojah, | |||
21 | Vanhat miekköjen varahe. | |||
22 | Nousi Luoja hauvas poisi, | |||
23 | Puisteloh, pömähtelööbe; | |||
24 | Lähti astuo marshsimahe, | |||
25 | 25 Astu maida, astu soida, | |||
26 | Tuli vastah mies hänele. | |||
27 | Kun kysytäh: kus tulj vastah? | |||
28 | Sano: kolmen virstan piässä! | |||
29 | Kysyttihi: kus tulj vastah? | |||
30 | 30 Sanoi: kolmen virstan piässä. | |||
31 | Tuli vastah mies hänelle, | |||
32 | Tuli kuuven virstan piässä; | |||
33 | Tuli vastah mies hänelle, | |||
34 | Tuli virstan on yheksän. | |||
35 | 35 Mänj Luoja Ljongolan joven randah, | |||
36 | Pyhän virran pyördämille, | |||
37 |
Kylbibö siit Jordanaisen;2 kk:ssa pieni alkukirjain.
|
|||
38 | Rodih kahta moista kaunehembi, | |||
39 | Toista moista on parembi. | |||
40 | 40 Astu maida, astu soida, | |||
41 | Mäni hiijen hiilikangahile, | |||
42 | Kuuli kilkkehen pajassa, | |||
43 | Mäni hiijen on pajahe. | |||
44 | Katsh' on paja kolmekolkkanj, | |||
45 | 45 Ilman ikkunatoin. | |||
46 | Mäni on pajan ovile, | |||
47 | Luadji tervehyön pahoile. | |||
48 | Virkki Hiijen väjen vanhin: | |||
49 | "Täm' on vieras kuin egline hauvattu." | |||
50 | 50 Virkki Luoja on pahale: | |||
51 | "On katshimet kualikalgi, | |||
52 | Silmitshälgi silmät. | |||
53 | Midäbö, Hiijen vägi, tavotto, | |||
54 | Hiijen vägi, hilkutatto, | |||
55 | 55 Pagana vägi, paukutatto?" | |||
56 | "Myö tavommo Luojal kahlist⌈u⌉ kaglah, | |||
57 | Vai miten paksu lie Luojan kagla?" | |||
58 | "Koitelgua omuatto kaglua!" | |||
59 | "Panisimmo, kuin ei kahlis | |||
60 | 60 Lukkuuduis lukitshematta, | |||
61 | Ilman solmien solmiematta." | |||
62 | "Ei se lukkuuvu lukitshematta." | |||
63 | Pani Hiito kahlehen kaglah: | |||
64 | Luukkuutui lukitshematta, | |||
65 | 65 Solmiudui solmielematta. | |||
66 | Virkki Luoja kolme kerdua: | |||
67 | "Amin, amin, amin!" | |||
68 | Virkki Hiito: | |||
69 | "Ken pyhänä veitshie tahkuo, | |||
70 | 70 Kirvestä hivonoobi, | |||
71 | Se miun kahlista hoikendaabi." | |||
72 | Virkki Luoja: | |||
73 | "Ken pyhänpäin kattilal keittää, | |||
74 | Kattilan peskäh dai pangaisen, | |||
75 | 75 Sen kahlis kaglas järekkäh!" | |||
76 | Paganan parvi paukahettih | |||
77 | Omah pajapultshukkah. | |||
1
Tekstissä seuraa: |Tule, paista palavasti.| 2 kk:ssa pieni alkukirjain. |
The similar poems were computed automatically using an optimized weighted alignment algorithm (Janicki, 2022) on sequences of verses.
SKVR VII2 1107. | 12 % |
|
SKVR VII2 1106. | 11 % |
|
SKVR VII2 1109. | 10 % |
|
JR 36404 | 50 % |
|