SKVR II 96 a).<REFNR>1</REFNR>)

skvr02100961
Aunus — Pyhäjärvi
Ljeskov, N.
1893

Types

1. Kertovat runot
└ 1. Epiikka
└ Hiidestä kosinta

Metadata

COL: Ljeskov N,
ID: 96 a).¹)
INF: Kat'eriina Turu.
LOC: Partaniemi.
OSA: II
SGN: Živ. st. III, 4 ss. 542-53.
TMP: - 93.²

	¹	Sepuoi Ilmalline pajas ruadav;
	²	Sormed hanel piihtenny
	³	Kulakad ned vazaraižennu...
	⁴	Lendi kotkoi-lindu pajan piäle:
	⁵	5 "Oi-go Sepuoi Ilmalline,
	⁶	Taguoi ilman igälline,
	⁷	Oliiž minul sanomaižed...."
	⁸	- Olnov hyväd sanomad ka sano,
	⁹	Ei-ku oine, älä sano...
	¹⁰	10 Siiten kotkoi saneli,
	¹¹	Hindru-käptšöi virkeli:
	¹²	Maard'öih-Duard'öih mane sulhuoiks..."
	¹³	Siid-go Sepuoil Ilmalližel,
	¹⁴	Taguoil ilman igälližel
	¹⁵	15 Piihted muale tujahtettih,
	¹⁶	Vazaraižed vajahtettih;
	¹⁷	Siid häin nämäd sanad sanuoi:
	¹⁸	"Muamojöini - kandojöini,
	¹⁹	Panes kyly lämmäh;
	²⁰	20 Pakažasti, palavasti,
	²¹	Hiilavasti, higevästi...."
	²²	Muamojöini - kandojöini
	²³	Kylyn poigale lämitti:
	²⁴	Pakažasti, palavasti,
	²⁵	25 Hiilavasti, higevästi...
	²⁶	"Mänes, mänes, poigu, kylyh,
	²⁷	Kylyn minä valmištin:
	²⁸	Havduin vastan havrun-piäl
	²⁹	Veden lämmän lämmitin...
	³⁰	30 Kylbe, poiga, kylläžesti,
	³¹	Vala vette valdaižesti,
	³²	Peže piähyd pelvaz-pivoks,
	³³	Silmäižed-ku siiru kabuks,
	³⁴	Kaglaine-ku kanan munaks,
	³⁵	35 Muitši rungu lumi tukuks"...
	³⁶	Siite Sepuoi Ilmalline,
	³⁷	Taguoi ilman igälline,
	³⁸	Kävyi kylyh kylbemäh;
	³⁹	Kylbi Sepuoi kylläžesti,
	⁴⁰	40 Valuoi vette valdaižesti,
	⁴¹	Pezi silmäd siiru kabuks,
	⁴²	Piähyden-ku pelvaz pivoks,
	⁴³	Kaglaižen-ku kanan munaks,
	⁴⁴	Muitšii̯ rungan lumi-tukuks.
	⁴⁵	45 Tuli Sepuoi kylyz kodih,
	⁴⁶	Tuli Ilmoi tundettomaks,
	⁴⁷	Siit häin sanan sanuoi netšen:
	⁴⁸	"Muamojöini - kandajöini,
	⁴⁹	Tuo jo sobad pelvahižed,
	⁵⁰	50 Tuo jo paide paltinaine,
	⁵¹	Tuo jo kuadjaid kuapaižed,
	⁵²	Tuo jo kaaftan kavnehembi:
	⁵³	Lähten minä sulhaižiks...."
	⁵⁴	Tuoigo muamah Sepuoile
	⁵⁵	55 Kanduoi kandoi Ilmalližele -
	⁵⁶	Paidan piäle paltinaižen.
	⁵⁷	Higettömäle hibjäižele;
	⁵⁸	Kuad'aid kanduoi kuapaižed
	⁵⁹	Sored'ile sorkaižile!
	⁶⁰	60 Tuoi vie sukad sulavaižed.
	⁶¹	Djämedile djalgaižile!
	⁶²	Kanduoi kengäd kandakaižed,
	⁶³	Lehmän nahkaz leikotud,
	⁶⁴	Häkin tal'l'az halgotud;
	⁶⁵	65 Tuoi vie kaaftanan kavnehen,
	⁶⁶	Kagran heinän karvalližen,
	⁶⁷	Vihand heinän vihandoman;
	⁶⁸	Turkin kanduoi turbedaižen,
	⁶⁹	Tuhal nybläl nyblitetyn,
	⁷⁰	70 Sadal lapal lapotetun;
	⁷¹	Siite taoi vie vyöle vyön
	⁷²	Kelduoil karvuoil kudotetun,
	⁷³	Kuldail niitil kulditetun.
	⁷⁴	Siite Sepuoi Ilmalline,
	⁷⁵	75 Taguoi Ilman Igälline
	⁷⁶	Vattehil-go valmištelih,
	⁷⁷	Sobaižil-go sobittelih:
	⁷⁸	Pani paidan paltinaižen
	⁷⁹	Higettömäle hibjaižele,
	⁸⁰	80 Kuadjaid pani kuapaižed
	⁸¹	Soredile sorkaižile,
	⁸²	Sukad pani sulavaižed
	⁸³	Djämedile djalgaizile,
	⁸⁴	Kengäd piäle kandakaižed,
	⁸⁵	85 Lehmän nahkaz leikotud,
	⁸⁶	Häkin tal'l'az halgotud;
	⁸⁷	Pani kavniž kaaftanaižen,
	⁸⁸	Kagran heinän karvalližen,
	⁸⁹	Vihand heinän vihandoman,
	⁹⁰	90 Turkin piäle turbedaižen,
	⁹¹	Tuhal nybläl nyblitetyn,
	⁹²	Sadal lapal lapotetun;
	⁹³	Siiten vyöl häin vyöstiheze
	⁹⁴	Keldoiz karvoiz kudotul,
	⁹⁵	95 Kulde niitil kulditul.
	⁹⁶	Sanuoi siite sanomaižed:
	⁹⁷	"Maamojöini - kandajöini,
	⁹⁸	Valljastele villöi varzoi
	⁹⁹	Rusked kordjan eduižih,
	¹⁰⁰	100 Kaksi hobju djalgaksoižih,
	¹⁰¹	Kuvži kuldu kablahaižih;
	¹⁰²	Pane kägyöid kukkamah,
	¹⁰³	Pane tšivtšuoid tšiližemmäh,
	¹⁰⁴	Bembel piäle pajatammah,
	¹⁰⁵	105 Rahkehile rätšätämmäh;
	¹⁰⁶	Anda kaiki katšahtetah,
	¹⁰⁷	Nuored poigad pölgästytäh,
	¹⁰⁸	Uroz miehed uradutah,
	¹⁰⁹	Nuored neidod ihastutah,
	¹¹⁰	110 Vahnad vaimod varastutah..."
	¹¹¹	Muamah varzan val'l'asteli,
	¹¹²	Villöin kordjah panetteli,
	¹¹³	Kaksi-hobju djalgaksoižih,
	¹¹⁴	Kuvzi-kuldu kablahaižih;
	¹¹⁵	115 Pani kägyöid kukkumah,
	¹¹⁶	Pani tšivtšuoid tšiližemmäh,
	¹¹⁷	Bembel piäle pajatammah,
	¹¹⁸	Rahkehile rätšätämmäh..."
	¹¹⁹	Ištuiheze Sepuoi Ilmalline kordjan peräh.
	¹²⁰	120 Djamuoi kobrih ohjaksed,
	¹²¹	Kainaluoižeh kavniž pletin;
	¹²²	Iški varzan vägövästi;
	¹²³	Iški villöin kibedästi,
	¹²⁴	Lähti merdy myöti ajamah...
	¹²⁵	125 Ajav päivän, ajav toižen,
	¹²⁶	Ajav päiväd kolmatte;
	¹²⁷	Ei-go kabje hebon kastu,
	¹²⁸	Ei-go vuohine lihone,
	¹²⁹	Rahkehissa razvad valuv,
	¹³⁰	130 Bembelessä veri tippuv;
	¹³¹	Rusked kordje karižov,
	¹³²	Kuldu kablaz kaižov;
	¹³³	Kolmauden-go päivän puolez
	¹³⁴	Kuvlov Sepuoi djyryn suvren;
	¹³⁵	135 Havu mettše hojaidav
	¹³⁶	Kuvzi korbi kujaidav;
	¹³⁷	Kattšov ylöih - päivöi paštav
	¹³⁸	Kattšov alah-regi ajav;
	¹³⁹	Kengos kungos regez ajav?
	¹⁴⁰	140 Regez kaksi miesty:
	¹⁴¹	Yksi vahne Väinemyöine,
	¹⁴²	Toine nuori Djogamuoine...
	¹⁴³	Vahne viizav Väinemyöine
	¹⁴⁴	Laski šurmud Sepuoin piäle:
	¹⁴⁵	145 Sepuoin kordje kopastih,
	¹⁴⁶	Kirjav kordje kipastih,
	¹⁴⁷	Hobju djalgaksed turmottih...
	¹⁴⁸	Lavluoi Sepuoi Suaren saložan
	¹⁴⁹	Keski meren sinižen,
	¹⁵⁰	150 Koivud kovad kazvettih,
	¹⁵¹	Valgei tuohed - turbottih;
	¹⁵²	Otti Sepuoi Ilmalline koivun,
	¹⁵³	Luadii kai vie lujembi,
	¹⁵⁴	Azui kai vie parembi:
	¹⁵⁵	155 Lähti edelleh merdy myöti ajamah...
	¹⁵⁶	Ajav päivän, ajav toižen,
	¹⁵⁷	Ajav päiväd kolmattu;
	¹⁵⁸	Ei-go kabje hebon kastu,
	¹⁵⁹	Ei-go vuohine lihone;
	¹⁶⁰	160 Rahkehissa razvad valuv,
	¹⁶¹	Bembelessä veri tippuv;
	¹⁶²	Rusked kordje rutšižov,
	¹⁶³	Kuldu kablaz kaižov;
	¹⁶⁴	Kolmandengo päivän puolez
	¹⁶⁵	165 Kuvlov myösti Sepuoi djyryn;
	¹⁶⁶	Havu mettše hajaidav,
	¹⁶⁷	Kuvzi korbi kujaidav,
	¹⁶⁸	Kattšov ylöih - päivöi paštav,
	¹⁶⁹	Kattšov alah-regi ajav;
	¹⁷⁰	170 Kengos, kungos regez ajav?
	¹⁷¹	Regez ajav kaksi miesty:
	¹⁷²	Yksi vahne Väinemyöine,
	¹⁷³	Toine nuori Djogamuoine
	¹⁷⁴	Vahne viizav Väinemyöine
	¹⁷⁵	175 Laski šurmud Sepuoin piäle,
	¹⁷⁶	Sepuoin kordje kopastih,
	¹⁷⁷	Rusked kordje rikastih,
	¹⁷⁸	Kuldu-kablahad turmottih...
	¹⁷⁹	Lavluoi Sepuoi Suaren saložan
	¹⁸⁰	180 Keski meren sinižen,
	¹⁸¹	Koivud kovad kazvettih,
	¹⁸²	Okse koivud turbottih.
	¹⁸³	Otti Sepuoi Ilmalline koivun.
	¹⁸⁴	Luadii kai vie lujembi,
	¹⁸⁵	185 Azui kai vie parembi;
	¹⁸⁶	Lähti edelleh merdy myöti ajamah
	¹⁸⁷	Ajav päivän, ajav toižen,
	¹⁸⁸	Ajav päiväd kolmattu;
	¹⁸⁹	Ei-go hebon kabju kastu
	¹⁹⁰	190 Ei-go vuohine lihone;
	¹⁹¹	Rahkehissa razvad valuv,
	¹⁹²	Bembelessä veri tippuv,
	¹⁹³	Rusked kordje rutšižov,
	¹⁹⁴	Kuldu kablaz kaižov;
	¹⁹⁵	195 Kolmanden-go päivän puolez
	¹⁹⁶	Kuvlov myösti Sepuoi djyryn;
	¹⁹⁷	Havu mettše hajaidav,
	¹⁹⁸	Kuvzi-korbi kujaidav;
	¹⁹⁹	Kattšov ylöih - päivöi paštav,
	²⁰⁰	200 Kattšov alah - regi kulgov...
	²⁰¹	Kengos kungos regez ajav?
	²⁰²	Regez ajav kaksi miesty:
	²⁰³	Yksi vahne Väinemyöine,
	²⁰⁴	Toine nuori Djogamuoine;
	²⁰⁵	205 Vahne viizav Väinemyöine
	²⁰⁶	Laski šurmud Sepuoin piäle;
	²⁰⁷	Sepuoin kordje kopastih,
	²⁰⁸	Rusked kordje rikastih,
	²⁰⁹	Bembeled ned turmottih...
	²¹⁰	210 Lavoil Sepnoi suaren saložan...
	²¹¹	Keski meren sinižen
	²¹²	Kovad koivud kazvettih
	²¹³	Kitšer tuomed turbottih.
	²¹⁴	Otti Sepuoi Ilmalline tuomen.
	²¹⁵	215 Luadii kai vie lujembi,
	²¹⁶	Azui kai vie parembi;
	²¹⁷	Lähti merdy myöti ajamah....
	²¹⁸	Ajav päivän, ajav toižen,
	²¹⁹	Ajav päiväd kolmattu;
	²²⁰	220 Ei-go hebon kabju kastu,
	²²¹	Ei-go vuohine lihone
	²²²	Rahkehissa razvad valuv,
	²²³	Bembelissä veri tippuv;
	²²⁴	Rusked kordje karižov,
	²²⁵	225 Kuldu kablaz kaižov;
	²²⁶	Kolmanden-go päivän puolez
	²²⁷	Kuvlov Sepuoi - koiru nuttav;
	²²⁸	Havu mettše hojaidav,
	²²⁹	Kuvži korbi kujaidav;
	²³⁰	230 Kattšov ylöih - päivöi paštav,
	²³¹	Kattšov alah - savu novzov,
	²³²	Koire-rikki kodin vardjuoi
	²³³	Havkuv-nuttav Sepuoin piäle,
	²³⁴	Varzan nirzan verdyttäv,
	²³⁵	235 Villöin händän villottav.
	²³⁶	Smiettiv Sepuoi - eläi lähin,
	²³⁷	Ajattelov - agju nägyv
	²³⁸	Hänen meren kulgeman,
	²³⁹	Hänen kordjaz-ajandan.
	²⁴⁰	240 Kattšov Sepuo-ieläi-tila,
	²⁴¹	Tsaarin kodi korhottav,
	²⁴²	Hidvid perti - porhottav.
	²⁴³	Ajuoi Sepuoi Ilmalline
	²⁴⁴	Hidvid Tsaarin ikkuoin-alle;
	²⁴⁵	245 Hobju-djalgaz seižattih,
	²⁴⁶	Kuldu-kablaz kopahtih,
	²⁴⁷	Rusked kordje azetui;
	²⁴⁸	Varzal higi hallevui,
	²⁴⁹	Villöiz vuahti valevui.
	²⁵⁰	250 Sanov siite Sepuoi Ilmalline,
	²⁵¹	Taguoi ilman igälline,
	²⁵²	Korged iänel iäništäv,
	²⁵³	Saged iänel sagištav.
	²⁵⁴	"Hidvid tsaari, miehiz miez!
	²⁵⁵	255 Djogo andad ainavuoižen,
	²⁵⁶	Djogo työndäd tyttäryöižen,
	²⁵⁷	Kulda kablaz kulgijah,
	²⁵⁸	Sepuoin kordjah hurgujah..."
	²⁵⁹	Vastah hidvid vastadeli,
	²⁶⁰	260 Sepuoin Sanomile saneli:
	²⁶¹	Oi-go, noi go Sepuoi Ilmalline,
	²⁶²	Taguoi ilman igälline!
	²⁶³	Äsky andan ainavuoižen!
	²⁶⁴	Äsky työndän tyttäryöižen
	²⁶⁵	265 Sinun kordjah hurgujah,
	²⁶⁶	Kuldu-kablaz kulgijah,
	²⁶⁷	Lavlaned-ku lambin pihale,
	²⁶⁸	Piened mutid pirskamah,
	²⁶⁹	Lahnan-kalad laimamah,
	²⁷⁰	270 Lohen-kalad loigamah:
	²⁷¹	Azuned-ka aidan ymbäri,
	²⁷²	Luadined-ku lambin randah
	²⁷³	Ravdaižil-go žerdiižil,
	²⁷⁴	Teräksömil seibähäižil:
	²⁷⁵	275 Vitšo madon vitšaižil,
	²⁷⁶	Händäd djätä häilymäh,
	²⁷⁷	Njuokad vuoroi tšuilamah...
	²⁷⁸	Lavluoi Sepuoi Ilmalline
	²⁷⁹	Hidvid tsaarille lambiižen,
	²⁸⁰	280 Piened mutid pirskamah,
	²⁸¹	Lahnan-kalad laimamah,
	²⁸²	Lohen-kalad loigamah,
	²⁸³	Azui aidan ymbäri,
	²⁸⁴	Luadii kurgen lambin randah
	²⁸⁵	285 Ravdaižil-go žerdiižil;
	²⁸⁶	Teräksömil seibähäizil;
	²⁸⁷	Vitšoi madon vitsaižil,
	²⁸⁸	Händäd djätti häilymäh
	²⁸⁹	Njuokad vnoroi tšuilamah...
	²⁹⁰	290 Myösti mäni Sepuoi Ilmalline
	²⁹¹	Hidvid Tsaarin ikkuoin-alle.
	²⁹²	Korged iänel iäništäv,
	²⁹³	Saged iänel sagištav:
	²⁹⁴	"Hidvid tsaari, miehiz miez,
	²⁹⁵	295 Djogo andad ainavuoižen
	²⁹⁶	Djogo työndäd tyttäryöižen
	²⁹⁷	Kuldu kablaz kulgijah,
	²⁹⁸	Sepuoin korjah hurgujah?
	²⁹⁹	Minä lavluoin lambin pihale,
	³⁰⁰	300 Piened mutid pirskamah,
	³⁰¹	Lahnan-kalad laimamah,
	³⁰²	Lohen-kalad loigamah;
	³⁰³	Azuin aidan ymbäri
	³⁰⁴	Ravdaižil-go žerdiižil,
	³⁰⁵	305 Teräksömil seibähäižil,
	³⁰⁶	Vitšuoin madon vitšaižil,
	³⁰⁷	Händäd djätin häilymäh,
	³⁰⁸	Njuokad vuoroi tšuilamah.
	³⁰⁹	Siite hidvid vastadeli,
	³¹⁰	310 Sepuoin sanomile saneli:
	³¹¹	"Äsky andan ainavuoižen,
	³¹²	Äsky työndän tyttäryöižen,
	³¹³	Voined peldon kytšin kyndäi,
	³¹⁴	Kiärmehižen kiändeteltä,
	³¹⁵	315 Madohižen vagodelta,
	³¹⁶	Kengättömil djalgaižil,
	³¹⁷	Vyöttömil-go rungaižil,
	³¹⁸	Syömättömil vatšaižil?"
	³¹⁹	Otti Sepuoi ragon ravdad,
	³²⁰	320 Hobjad, kuldad kyllästi,
	³²¹	Taguoi adran arkuvasti
	³²²	Kuldal lašted kulditti
	³²³	Hobjal adraimed hobjittši;
	³²⁴	Ravde paidan panetteli
	³²⁵	325 Kivi-hatun tšumutteli
	³²⁶	Lähti peldon kyndämäh,
	³²⁷	Lähti kytšin kujoitammah,
	³²⁸	Kiärmehištu kiändelemmäh,
	³²⁹	Madohištu vagodammah...
	³³⁰	330 Lopii Sepuoi kyndändän,
	³³¹	Heiti Taguoi vagodandan
	³³²	Mäni hidvid ikkuoin-alle
	³³³	Korged iänel iäništäv,
	³³⁴	Saged iänel sagištav:
	³³⁵	335 "Hidvid tsaari, miehiz miez!
	³³⁶	Djogo andad ainavuoižen,
	³³⁷	Djogo työndät tyttäryöižen
	³³⁸	Kuldu kablaz kulgijah,
	³³⁹	Sepuoin kordjah hurgujah?
	³⁴⁰	340 Minä kytšin peldon kyndin?
	³⁴¹	Kiärmehižen kiändelin,
	³⁴²	Madohižen vagodelin
	³⁴³	Vyöttömil-go rungaižil,
	³⁴⁴	Syömättömil vatšaižil,
	³⁴⁵	345 Kengättömil djalgaižil..."
	³⁴⁶	Anduoi siite hidvid tsaari,
	³⁴⁷	Anduoi oman ainavuoižen,
	³⁴⁸	Työnzi oman tyttäryöižen,
	³⁴⁹	Kavnehen-go Duard'öin-Muard'öin
	³⁵⁰	350 Kuldu-kablaz kulgijah,
	³⁵¹	Sepuoin kordjah hurgujah...
	³⁵²	Lähti Sepuoi ajamah,
	³⁵³	Lähti Ilmoi kulgemah;
	³⁵⁴	Muard'öi-Duard'öi kordjaz ištuv;
	³⁵⁵	355 Kavnikaine peräz nojav,
	³⁵⁶	Ajav päivän, ajav toižen,
	³⁵⁷	Ajav päiväd kolmattu;
	³⁵⁸	Ei-go kabje hebon kastu,
	³⁵⁹	Ei-go vuohine lihone;
	³⁶⁰	360 Rahkehissa razvad valuv,
	³⁶¹	Bembelissä veri tippuv,
	³⁶²	Rusked kordje karižov
	³⁶³	Kuldu kablaz kaižov;
	³⁶⁴	Kolmanden-go päivän puolez
	³⁶⁵	365 Kattšov Sepuoi kordjan peräh,
	³⁶⁶	Ei-go kordjaz Muard'öid-Duard'öid
	³⁶⁷	Kulgijassa kuldaštu,
	³⁶⁸	Karižijas kavništu;
	³⁶⁹	Muard'öi- Duard'öi vereväine,
	³⁷⁰	370 Valgei hibju lihavaine,
	³⁷¹	Pelvaz tukke, sini silme,
	³⁷²	Kaide kujo muste kulme,
	³⁷³	Lendi tiähteks taivahah,
	³⁷⁴	Liigaks tiähteks ylähäh.
	³⁷⁵	375 Etšii Ilmalline Sepuoi tiähten,
	³⁷⁶	Muard'öin-Duard'öin vereväižen,
	³⁷⁷	Valgei hibju lihavaižen,
	³⁷⁸	Pelvaz-tukan, sini silmän,
	³⁷⁹	Kaide kujo mustan kulman,
	³⁸⁰	380 Puaksud tiähted tiedoiteli,
	³⁸¹	Kuldu tikud lugoiteli;
	³⁸²	Ljövzi Sepuoi liigan tiähten
	³⁸³	Etšii Sepuoi kuldu-tikun;
	³⁸⁴	Otti Muard'öin-Duard'öin kordjah
	³⁸⁵	385 Vereväižen - lihavaižen, -
	³⁸⁶	Rodiiheze vie kavnehembi...
	³⁸⁷	Lähti Sepuoi ajamah,
	³⁸⁸	Lähti Ilmoi kulgemah;
	³⁸⁹	Muard'öi-Duard'öi kordjaz ištuv,
	³⁹⁰	390 Lihavaine peräz nojav...
	³⁹¹	Ajav päivän, ajav toižen,
	³⁹²	Ajav päiväd kolmattu;
	³⁹³	Ei-go kabje hebon kastu,
	³⁹⁴	Ei-go vuohine lihone;
	³⁹⁵	395 Rahkehissa razvad valuv,
	³⁹⁶	Bembelessä veri tippuv;
	³⁹⁷	Rusked kordje karizov;
	³⁹⁸	Kuldu kablaz kaižov,
	³⁹⁹	Kolmanden-go päivän puolez
	⁴⁰⁰	400 Kattšov Sepuoi kordjan peräh;
	⁴⁰¹	Ei-go kordjaz Muard'öid-Duard'öid,
	⁴⁰²	Kulgijassa kuldaštu,
	⁴⁰³	Karižijas kavništu.
	⁴⁰⁴	Muard'öi-Duard'öi vereväine,
	⁴⁰⁵	405 Valgei-hibju lihavaine,
	⁴⁰⁶	Pelvaz tukke, sini silme,
	⁴⁰⁷	Kaide kujo, muste kulme,
	⁴⁰⁸	Heitih tšuvruks meren pohjah,
	⁴⁰⁹	Tšukeldih go veden bongah,
	⁴¹⁰	410 Suluoi kiveks sulahtih,
	⁴¹¹	Liigaks tšuvruks tšupsahtih.
	⁴¹²	Etšii Sepuoi Ilmalline tšuvrun,
	⁴¹³	Muard'öin-Duard'öin vereväižen,
	⁴¹⁴	Valgei-hibju lihavaižen.
	⁴¹⁵	415 Pelvaz tukan, sini silmän,
	⁴¹⁶	Kaide kujo, mustan kulman;
	⁴¹⁷	Meren tšuvrud tšopetteli,
	⁴¹⁸	Suluoi kived kiändetteli,
	⁴¹⁹	Lövzi Sepuoi liigan tsuvrun
	⁴²⁰	420 Etšii Sepuoi Suluoi kiven;
	⁴²¹	Nosti Muard'öin-Duard'öin kordjah,
	⁴²²	Vereväižen, lihavaižen, -
	⁴²³	Rodii heze vie kavnehembi...
	⁴²⁴	Lähti Sepuoi ajamah,
	⁴²⁵	425 Lähti Ilmoi kulgemah.
	⁴²⁶	Muard'öi-Duard'öi kordjaz ištuv,
	⁴²⁷	Lihavaine peräz nojav.
	⁴²⁸	Ajav päivän, ajav toižen,
	⁴²⁹	Ajav päiväd kolmattu;
	⁴³⁰	430 Ei-go kabju hebon kastu
	⁴³¹	Ei-go vuohine lihone,
	⁴³²	Rahkehissa razvad valuv,
	⁴³³	Bembelessä veri tippuv,
	⁴³⁴	Rusked kordje karižov,
	⁴³⁵	435 Kuldu-kablaz kaižov;
	⁴³⁶	Kolmanden-go päivän puolez
	⁴³⁷	Kattšov Sepuoi kordjan-peräh;
	⁴³⁸	Ei-go kordjaz Muard'öid-Duard'öid,
	⁴³⁹	Kulgijassa kuldaštu,
	⁴⁴⁰	440 Karižijas kavništu.
	⁴⁴¹	Muard'öi-Duard'öi vereväine,
	⁴⁴²	Valgei-hibju lihavaine,
	⁴⁴³	Pelvaz tukke, sini silme,
	⁴⁴⁴	Kaide kujo - muste kulme,
	⁴⁴⁵	445 Muuvtiih piirai värtinäks,
	⁴⁴⁶	Magei-rost'og pualikaks;
	⁴⁴⁷	Kaidah kordjah kaimadui,
	⁴⁴⁸	Kuivih heinih hävidyi;
	⁴⁴⁹	Siid go Sepuoi Ilmalline,
	⁴⁵⁰	450 Taguoi ilman igälline,
	⁴⁵¹	Puri huvled, kiändi piän
	⁴⁵²	Murdi mustad habened;
	⁴⁵³	Etšii kordjaz vartinäižen,
	⁴⁵⁴	Muard'öin-Duard'öin vereväižen,
	⁴⁵⁵	455 Valgei-hibju lihavaižen
	⁴⁵⁶	Pelvaz tukan, sini silmän,
	⁴⁵⁷	Kaide kujo, mustan kulman;
	⁴⁵⁸	Kordjan murni kiändetteli,
	⁴⁵⁹	Heinäd kuivad tuvluoiteli,
	⁴⁶⁰	460 Lövzi Sepuoi värtinäižen,
	⁴⁶¹	Etžii Sepuoi pualikaižen;
	⁴⁶²	Kädeh otti katkaideli,
	⁴⁶³	Poiki puolez murendeli,
	⁴⁶⁴	Hienoks tšilmuks tšilmuoideli,
	⁴⁶⁵	465 Mustah Mereh viškaideli.
	⁴⁶⁶	Siite Sepuoi Ilmalline,
	⁴⁶⁷	Taguoi ilman igälline,
	⁴⁶⁸	Saneli-go sanomaižed,
	⁴⁶⁹	Virkeli-go virkandaižed:
	⁴⁷⁰	470 Muard'öi-Duard'öi vereväine,
	⁴⁷¹	Valgei hibju, lihavaine,
	⁴⁷²	Pelvaz tukke, sini silme,
	⁴⁷³	Kaide kujo, muste kulme,
	⁴⁷⁴	Mäne kajuoiks igäks kaikeks
	⁴⁷⁵	475 Luodoluoile lokottamah,
	⁴⁷⁶	Veden kivil kaikuttamah,
	⁴⁷⁷	Nenän niemil nivgumah,
	⁴⁷⁸	Vastatuvlih vuappumah."
	⁴⁷⁹	Siite Sepuoi Ilmalline,
	⁴⁸⁰	480 Taguoi ilman igälline,
	⁴⁸¹	Ištuih kordjah kirjavah,
	⁴⁸²	Iški pletil kibedästi,
	⁴⁸³	Villöin varzan vägövästi,
	⁴⁸⁴	Lähti merdy myöti ajamah...

		¹ Transskriptsionin on suosiollisesti tarkastanut lehtori J. Kujola, jolta myös allaolevat sanaselitykset on saatu. ² s. 11. hindru-käptšöi = vääräkynsi; käptše = käpälä; käptšöi = käpälällinen. - s. 15. tujahtettih = kolahtivat (onomat). - s. 20 . pakažasti = ?. - palavasti = kuumasti. - s. 21. hiilavasti = kuumasti. - s. 27. valmištin (kylyn) = suljin reppänän ja luukut, lakaisin lattian ja lauteet ja varustin kaikki kylpemista, varten. - s. 28. havrun (piäl) = höyryn (löylyn) (päällä). - s. 31. valdaižesti = vapaasti, mielin määrin. - s. 33. siiru-kabu = juustopallero. - s. 35. muitši = saippuoi; tukuks = kasaksi, läjäksi. s. 46. tundettomaks = tuntemattomaksi. - s. 47. netšen = tuon. - s. 51 kuadjaid = alushousut; kuapaižed = ? (ahtaat, kapeat). - s. 55. kandoi = synnyttäjä, äiti. - s. 60. sulavaižied = lämpimät, pehmeät. - s. 61. djämed = paksu. - s. 66. karvalližen = värisen. - s. 68. turbedaižen = tuuheakarvainen. - s. 69. njybläl = napilla. - s. 70 lappe = solki. - s. 103. tšivtšuoi = varpunen. - s. 108. uradutah = tulevat hulluiksi; urozmiehed = keski-ikäiset miehet. - s. 110. varastutah = kauhistuvat, peljästyvät. - s. 120. djamuoi = kokosi, keräsi kokoon. - s. 139. kengos, kungos = kukas. - s. 144. šurmud = lumot, loitsimiset. (?) - s. 177. rikastih = särkyi. - s. 213. kitšertuomed = kiharat tuomet. - s. 227. nuttav = haukkuu. - s. 232. koire-rikki = koirarakki. - s. 234. nirzan = kuonon, turvan. - s. 236. smiettiv = ajattelee, arvelee s. 237. agju = pää (meren, kylän, nuoran). - s 248. hallevui = muuttui huurteeksi. - s. 258. hurgujah = kiitävään. - s. 268. mutid = pikku kala. - s. 273. Žerdiižil = aidaksilla. - s. 290. myösti = taas, udestaan. - s. 319. ragon raudad = raollisen (rako) rautaa. - s. 321. arkuvasti = (?) huolellisesti. - s. 322. lašted = auransiivet. - s 325. tšumuttel'i = heitti. - s. 380. puaksud -= tiheät. - s. 381. tjikud -= pilkut, täplät. - s 408. šuvruks = hiekkajyväksi. - s. 409. bongah = (syvään kohtaan) pohjaan. - s. 410. suluoi kiveks - valkoiseksi kiveksi (alunakiveksi). - 2. 417. tšopetteli = tarkalleen valikoitsi - s. 424. rod'iiheze (kavnehembi) = tuli (kauniimmaksi). - s. 446. magei-rost'og = aunuksen kielen sult'šin. Ohueksi kaulottu pannukakku, jolle levitetään puuroa, kääritään kokoon ja sitten syödään. - s. 447. kaimadui = katosi. - s. 458. murńi = nurin. - s. 464. tšilmuks tšilmuoideli = laittoi pienen pieniksi palasiksi. - s. 474. kajuoiks = kalalokiksi.

Similar poems

JR 17970

11 %