SKVR I4 750.

skvr01207500
Viena — Vuokkiniemi
Marttini, Iivana
1911

Types

6. Loitsut
├ 01. Tietäjän sanat
│ └ Luonnon nostatus
├ 05. Tautiloitsut
│ └ Metsästä tarttuu
└ 16. Syntyloitsut
 ├ Koiran synty
 └ Tietäjän apurin synty
8. Sekalaisia runoja
└ Jumala on pesemättä puhtukainen

Metadata

COL: Marttińi
ID: 750.
INF: Smötkyńi Riiko (= Kallijeff eli Kalo).
LOC: Pirttilaksi.
OSA: I4
SGN: n. 1348.
TMP: 11.

Metsän nenä.
Kun on "joku tarttumuš",ńiin viijäh kipiehińi kylyh ta leppävaššalla kylvetetäh. Šiitä viijäh met̮t̮äh. Keitetäh vettä rannalla kattilašša. Luajitah vanhan muurahaiskevon alat̮t̮i loukko. Kipiehińi käytetäh loukošta läpi. Šiitä valetah šillä keitetyllä vejellä. Šiitä kipiehińi käytetäh kolmešta halatušta puusta läpi. Luvetah:
     3  Mieš tul'i tähä kylyh,
     4  Miekallah oven avasi,
     5  Šäilälläh šäkenövällä.
     6  Lämmitin tämän kylysen
     7  5 Halkoloilla hienosilla,
     8  Pieńillä pilaštehilla,1
Alla: [pi]r[aštehilla].
     9  Puilla tuulen taittamilla,
     10  Vihol'l'ista viskomahe,
     11  Katehija kuatamah,
     12  10 Jošša mie riišun rikkehet,
     13  Kuajan mual'l'iset katehet,
     14  Vejelliset velhot voitan.
     15  Neit̮yt-Muarie emońi,
     16  Rakaš äit'i armollińi,
     17  15 Tule tänne tarvitešša,
     18  Käy on tänne kuttuossa,
     19  Tätä huonuo hoituassańi,
     20  Kipijää pelaštuassańi!
     21  Još jouvuit joven tuakše,
     22  20 Jouvu joven yl'it̮t̮i,
     23  Vašta tuo tulleššasi!
     24  Herheloińi, hiijen l'intu,
     25  Meheläińi, meijän l'intu,
     26  Mäneš šinne, kunne käšen:
     27  25 Luatokan meren lähit̮t̮i,2
|ylit̮t̮i|, alla: lähit̮t̮i.
     28  Kolmen meren yl'it̮t̮i,
     29  Tuo šimua šiiveššäsi,
     30  Kanna mettä kuavuššasi
     31  Kipijällä voit'iekši,
     32  30 Vamman valo-vejekši!
     33  Vašta tuo tulleššasi
     34  Lemminkäisen l'ippahašta,
     35  Jolla mie riišun rikkehet,
     36  Kuan nyt mual'l'iset katehet,
     37  35 Vejel'l'iset velhot voitan!
(Kopsitah vaššalla šairašta ta luvetah):
     39  Mist' on tämä tuška tullun',
     40  Tämä taikie tapahtun'?
     41  Tul'itko Ruot̮inmuan rajoilta,
     42  Kaharissin rint'eiltä?
     43  40 Vain oletko kot'ińi koira?
     44  Još šie olet kotińi koira,
     45  Ńiin pure luita pöyvän alta!
     46  Vain još tul'it, tuška, tuonelašta,
     47  Kipu, kalmašta kohosit,
     48  45 Mäne, tuska, tuonelah,
     49  Kipu, kalmah katuo,
     50  Käsin piällä käytyöńi,
     51  Šormin šuoriteltuońi!
     52  Šie mäne pyynä piättömänä,
     53  50 Kaulattomana kanana,
     54  Šiipipuolla šiuvottele!
     55  Pakenehan nyt, paha, pahua,
     56  Pakene, paha, kot'ihis'
     57  Luokše armahan emosi,
     58  55 Työkše valtavanhempaš'!
     59  T'ie šie makšoih majaš',
     60  Keuhkoloihe kellariš',
     61  Šielä on hyvä ollakšeš'!
     62  Još et šinne piäšekänä,
     63  60 Ńiin pijan kun ehit,
     64  Ńiin kyllä šiula kyyjin laitan,
     65  Hankin harmuan heposen,
     66  Huuvan hiiještä heposen,
     67  Šen on šuuren ta l'ihavan,
     68  65 Šillä on rautaset kapiet,
     69  Teräkšiset t'emmot't'imet,
     70  Še jakšau mäkeh männä,
     71  Nörön töyrällä yletä,
     72  Vesi šeisou šen šelällä,
     73  70 Umpilammit lautasilla.
     74  Nouše nyt, luontońi, lovešta,
     75  Haltiańi, havon alta,
     76  Havon alta hattu piäššä,
     77  Kiven alta kinnaš kiäššä
     78  75 Vihol'l'ista viskuossańi,
     79  Katehie kuatuassańi!
     80  Nouse, muamo muanalańi,
     81  Tuatto turpehen takańi,
     82  Miun ainuon avukše,
     83  80 Yksinäisen yštäväkše
     84  Tätä huonuo hoituassańi,
     85  Kipietä pelaštuassańi!
     86  Mi on muašša muahisie,
     87  Met̮äššä met̮äl'l'isie,
     88  85 Veješšä vejel'l'isie,
     89  Ne tulkoh kaikki miun avukše
     90  Tätä huonuo hoituassańi!
     91  Lainnua, piru, poikuaš'
     92  Pitkien puijen pituista,
     93  90 Korpikuusen korkuista,
     94  Miun ainuon avukši,
     95  Yksinäisen yštäväkši!
(Kylvetetään).
     97  Mistä tämä tuška tul'i,
     98  Tämä taikie tapahtu?
     99  95 Tul'itko Ruot̮inmuan rajoilta,
     100  Kaharissin rint'eiltä?
     101  Vain ootkoš kot'ińi koira?
     102  Još šie olet kot'ińi koira,
     103  Pure luita pöyvän alta!
     104  100 Vain jos, tuška, tul'it tuonelašta,
     105  Kipu, kalmašta kohosit,
     106  Mäne, tuška, tuonelah,
     107  Kipu, kalmah katuo,
     108  Miun käsin piällä käytyöńi,
     109  105 Šormin šuoriteltuońi,
     110  Mäne pyynä piättömänä,
     111  Kaulattomana kanana,
     112  Šiipipuolla šiuvottele
     113  Luokše armahan emosi,
     114  110 Työkši valtavanhempasi!
     115  Šie tie maksoihin majasi,
     116  Keuhkoloihin kellarisi,
     117  Šielä3
šiel|l|: šielä.
 on hyvä ollakšesi,
     118  Šielä šilma vuotetah
     119  115 Verisissä vuatteissa,
     120  Hurmehuisissa šomissa!
     121  Još šie et šinne piäššekkänä
     122  Ńiin pijan kun ehit,
     123  Niin kyllä šiula kyyjin laitan,
     124  120 Hankin harmuan heposen,
     125  Sen on suuren ta l'ihavan,
     126  Šen šelkäh šiun šivon,
     127  Šulkkunauhoilla napit̮en.
     128  Mäne t'ietä miärättyö,
     129  125 Mänet šinne, kunne käšen:
     130  Tuiman tunturin lajella,
     131  Vuaran vanhan liepehillä!
     132  Sinne on paljon männehie,
     133  Vähä pois palannehie.
     134  130 Etkä šieltä šiekänä piäše
     135  Šina ilmoisna ikänä,
     136  Kuuna piänä polvenah.
     137  Mutta jos et šie šinne mäne,
     138  Mänet šinne, kunne käšen:
     139  135 Pimieh Pohjolah,
     140  Miesten šyöjäh kyläh,
     141  Urošten upottajah.
     142  Sinne on paljo männehie,
     143  Vähä pois palannehie,
     144  140 Etkä šieltä šiekänä piäše
     145  Šinä ilmaiss' ikänä,
     146  Kuuna piänä polvenah.
     147  Još et šie šinne mäne,
     148  Ńiin mänet sinne, kunne käšen:
     149  145 Tyrjän koškeh kovah,
     150  Palavah pyörteheh,
     151  Johon puut okšin putosi,
     152  Honkat latvoin lankiel'i.
     153  Tunken tuškan kiven väl'ih,
     154  150 Pakon puasien rakoh;
     155  Kivi ei kipuja tunne,
     156  P⌈a⌉asi ei vaivoja val'ita,
     157  Etkä šieltä pääse šiekän
     158  Šinä ilmoissa ikänä,
     159  155 Kuuna piänä polvenahe.
     160  Pakene nyt, hiijen rakki,
     161  Puromašta, jäytämäštä,
     162  Tämän ihmisen ihošta,
     163  Karvašta uroškapehen!
     164  160 Kyinä kynteńi palavat,
     165  Kiärmehinä hyvät käteńi,
     166  Joilla konnan kopristelen,
     167  Ilkien ikipušerran,
     168  Otan koprat kuollehelta,
     169  165 Kiät mäkehen männeheltä,
     170  Jolla konnan kopristelen,
     171  Ilkien iki-pušerran.
     172  Miun on šuušša šuuret voimat,
     173  Vatšašša varat väkevät,
     174  170 Vihollista viskoissani,
     175  Katehija kuatuassańi.
     176  Met̮t̮ol'an met'ińi neit'i,
     177  Šalokorven vaimo kauńis,
     178  Tapivolan neito tarkka,
     179  175 Šie ol'it kauńis kaštamatta,
     180  Pešömättä puhtukaińi,
     181  Ńiin kašta emosen karvi(?),
     182  Niin pese emosen pulmu,
     183  Ett' ois' kipu kuulumatoin,
     184  180 Tuška aivin tuntumatoin
     185  Miun käsin piällä käytyöńi,
     186  Šormin šuoriteltuońi!
     187  Šyrjin miun emońi šynty,
     188  Kaltoin kašvo kantajańi,
     189  185 Šynty šyrjin pohjasehe,
     190  Viilten tuuleh viluh,
     191  Šyrjin šynnytti minunki,
     192  Kaltoin hiän minunki kanto
     193  Vihol'l'ista viskomahe,
     194  190 Katehie kuatamahe.
     195  Louhi Pohjol'an emäntä,
     196  Pohjan akka harvahammaš,
     197  Kynsi kyttä, luu hapura,
     198  Kyl'in tuulehen makasi,
     199  195 Kohin päivän koittiehe,
     200  Tuul'i teki t'iinehekše.
     201  Mitä hiän kohušša kanto?
     202  Koirie kohussa kanto.
     203  M⌈iu⌉la on koira šiun kohušša,
     204  200 Se on Mut̮t̮i, mušta koira,
     205  Rakki rauvan karval'l'ińi
     206  Šyömähän kylän kiroja,
     207  Kylän noitie ńokkimahe
     208  Vihollista viskuossańi,
     209  205 Katehie kuatuassańi.
     210  Oi ukko yli-Jumala,
     211  Tuatto taivon val'l'ittija,
     212  Šie olet pilvien pitäjä,
     213  Hattaroijen hal'l'it̮t̮ija,
     214  210 Tuo miula tulińi miekka,
     215  Šäkähäińi šäilä šuata
     216  Tul'isen tupen šisäššä,
     217  Jolla mie riišun rikkehet,
     218  Kuajan mualliset katehet,
     219  215 Vejel'l'iset velhot voitan,
     220  Šivultańi šiirtelen,
     221  Kupehilta kummaltaki,
     222  Vašemelta puoleltańi,
     223  Piäńi piältä ylähältä!
     224  220 Šiinä on l'ieto Lemminkäińi
     225  Tuo on veit'ikkä verövä
     226  Vet'i miekan huotraštah,
     227  Tupeštah tuiman rauvan,
     228  Šäil'ijöštäh šäkäterän,
     229  225 Jolla riišu rikkehet,
     230  Kuato mual'l'iset katehet,
     231  Vejel'l'iset velhot voitti,
     232  Šivultanša šiirtel'i,
     233  Kupehelta kummaltaki,
     234  230 Vašemelta puoleltahe,
     235  Piänšä piältä ylähältä.
     236  Jo aijan rautasen rakenti,
     237  Teräštarhan t'iekšentel'i
     238  Ijäštä itähän pitkän,
     239  235 Luotehella loppumattoman,
     240  Muašta šuate taivahah,
     241  T̮it̮il'iuskuilla šitel'i,
     242  Kiärmehillä kiännättel'i,
     243  Muan mavoilla aijaštel'i,
     244  240 Jätti hännät häilymäh,
     245  Piäkiršat kihajamah,
     246  Piät uloš, šisällä hännät,
     247  Kylän kiroja šyömäh,
     248  Kylän noitie ńokkimahe.
(Kertoja Smötkyńi Riiko lukee tätä loitsulukua kiroihin, metsän-nenään y. m. sillä "ne harvoin tapahtuu, jotta ei ole (ne) šamašša šeurašša").
1 Alla: [pi]r[aštehilla].
2 |ylit̮t̮i|, alla: lähit̮t̮i.
3 šiel|l|: šielä.

Contains poems

SKVR I4 11.   84 %
JR 24369   82 %
SKVR I4 16.   78 %
SKVR XII1 3516.   75 %
SKVR I4 17.   72 %
JR 01834   71 %
SKVR IX4 6.   69 %
JR 01737   65 %
SKVR I4 2117.   65 %
JR 06549   64 %
JR 46260   57 %
SKVR XIII3 9231.   56 %
SKVR IX4 3.   55 %
SKVR VII5 loitsut 5188.   53 %
JR 02679   53 %
SKVR XIII3 9480.   52 %
SKVR VI1 3058.   52 %
SKVR I4 146.   52 %
SKVR I2 erill. [Lemminkäisen virsi] 2.   51 %
JR 71631   50 %