SKVR I2 946.

skvr01109460
Viena — Uhtua
Genetz, A.
1872

Types

1. Kertovat runot
└ 1. Epiikka
 └ Kalevanpojan kosto

Metadata

COL: Genetz
ID: 946.
INF: Vaśśilei Häńńińi. Isä ja äiti Kuhmosta, itse Aunuksen puolella kasvanut.
LOC: Uhut.
OSA: I2
SGN: II, n. 24.
TMP: - 6/7 1872.

     1  Kaupattih Kal'ervan poika,1
† poiga.
     2  Kaupattih on Karjalaha,
     3  Vienoh on Venüähen muaha,
     4  Kahteh kattilarämühü,
     5  5 Viideh viikatehpalah,
     6  Kuudeh kuokan ruobivoho.
     7  Mil'l'' on tüöllä uuzi orja,
     8  Ruavoll' on rahanalańi?2
† 8 1/2. (Itše kyzyy).
     9  Tüöb' on orjan mieleššäńi.
     10  10 Pandih händ' on lapšen kat̮t̮oh,
     11  Kat̮t̮o lašta, kaivo šilmän,
     12  Šüöttigo lašta, šöi it̮egi,
     13  Vuattied virrašša virotti,
     14  Kätkuvön tulešsa poltti.
     15  15 Mil'l'' on tüöllä uuzi orja,
     16  Ruavolla rahanalańi?
     17  Tüöb' on orjan mieleššäńi.
     18  Pandih händ' on nuotan šouduh.
     19  Perähän Peloizen poiga
     20  20 Šanoin virkki, noin ńimezi:
     21  "Oi on Hokkigo ńimeheš,
     22  Šoudanengo viän taguad'a,
     23  Vain šouvan ažun mugaha?"
     24  "Mib' on šiidä soudajašta,
     25  25 Kuin ei šouva viän taguad'a,
     26  Kui šoudau ažun mugaha?"
     27  Joba hiän soudi viän taguad'a,
     28  L'evitti ležen venehen,
     29  Kadajaized kuaret katko,
     30  30 Haugad huabaized hajotti.
     31  Mil'l'' on tuöllä uuzi orja,
     32  Ruavoll' on rahanalańi?
     33  Tüöb' on orjan mieleššäńi.
     34  Pandih händ' on tarbojikse,
     35  35 Hoṅgan varreksi hodazi,
     36  Puajen porkaksi pujotti.
     37  Peräsš' on Peloizen poiga
     38  Šauoin virkki, noin ńimezi:
     39  "Tarbonengo viän taguad'a,
     40  40 Vain tarvon ažun mugaha?"
     41  "Mibä on šoudajasta,3
† Mibä on šiida.
     42  Kuin ei tarvo viän tagaad'a,
     43  Kuin tarbou ažun mugaha?"
     44  Tarbo hiän viän taguad'a,
     45  45 Tarbo nuotan tappuraksi,
     46  Vejen on velliksi ševotti,
     47  Kalad liivaksi lit̮otti.
     48  Mil'l'' on tüöllä uuzi orja,
     49  Ruavolla rahanalańi?
     50  50 Tüöb' on orjan mieleššäńi.
     51  Pandih on kažen ajoho;
     52  Leikkai puuda kakši, kolme,
     53  Nouzi šiidä kannon piähä:
     54  "Kuńi huudo kuulunouve,
     55  55 Šińi kaški kuadukkoho,
     56  Palagah4
† Palagoh, päällä: [Palag]a[h].
 hüvän paloizen,
     57  Ottakkah hüvän orahan,
     58  Vain elgäh terövö tehkö
     59  Tuon Kal'ervan pojan jälellä."
     60  60 Mil'l'' on tüöllä uuzi orja,
     61  Ruavolla rahanalańi?
     62  Tüöb' on orjan mieleššäńi.
     63  Pandih händä paimenekše.
     64  Puon kahekšan kat̮t̮ojakse,
     65  65 V-n viijen vardiehakše.
     66  Emänd' on kojista huudi:
     67  "Aig' on šüüvä uuven orjan,
     68  Ravita rahanalazen."
     69  Piädü šuolla mättähällä,
     70  70 Ved'i heän5
† hiän.
 veit̮t̮ehen kivehe,
     71  Kažahutti kal'l'ivoho.
     72  Šüöjätär pahan emändä
     73  Kiven leibo leibäzekše,
     74  Vehnän piällit̮t̮i vedeli.
     75  75 "Mill' on makšan piijan pilkat.
     76  Piijan6
† Piian.
 pilkat, naizen naurut,
     77  Emännän pahoin pijännät?"
     78  Jätti hän lehmäzed leholla,
     79  Hadašarved huavikolla,
     80  80 Ajo kondijet kodihe,
     81  Kirjokarjon kardanolla:
     82  "Oi sie endińin emändä,
     83  Tule lehmie lüpšämähä,
     84  Ruavahie ravittamaha."
     85  85 Tuli lehmie lüpšämähä,
     86  Ruavahie ravittamaha,
     87  Šuzi piällä šuimaštihe,
     88  Karhu piällä kuamistihe,
     89  Kiän katkai kalovehešta,
     90  90 Jalan reijestä revitti,
     91  Šilmän toizen piäštä kaivo.
     92  Šüöjätär pahan emändä
     93  Tuo hän noin šanoiksi virkki:
     94  "Oi Ukko ylijumala,
     95  95 Izä tuatto taivahaińi,
     96  Taivahallińi Jumala,
     97  Otaš on Kal'ervan poiga
     98  Ragehikse on raudazikse,
     99  Niegloiksi teräšneńiksi.
     100  100 Noššas pilvi luodehelda,
     101  Toińi kohta koilizelda,
     102  Ett' ei tukki tulda ottais,
     103  Vänttä7
† Päällä: [Väntt]ö.
 viändäzi šavuja,
     104  Šuurina šodakezinä,
     105  105 Vaimon vaigevuattehina."
1 † poiga.
2 † 8 1/2. (Itše kyzyy).
3 † Mibä on šiida.
4 † Palagoh, päällä: [Palag]a[h].
5 † hiän.
6 † Piian.
7 † Päällä: [Väntt]ö.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

JR 66385 27 %
SKVR I2 945. 26 %
SKVR I2 935 b). 25 %
SKVR I2 937. 25 %
SKVR I2 935 a). 23 %
SKVR I2 943 b). 22 %
SKVR I2 928. 22 %
JR 17755 22 %
JR 17816 22 %
JR 17772 22 %
JR 17939 21 %
JR 17650 21 %
JR 17574 20 %
JR 36154 20 %
JR 84003 20 %
JR 17973 19 %
JR 17460 19 %
JR 24185 19 %
SKVR I2 951. 18 %
SKVR I2 935. 18 %
JR 84583 17 %
SKVR I2 943. 17 %
SKVR I2 944. 17 %
SKVR I2 953. 15 %
JR 78863 12 %
JR 17498 12 %
SKVR I2 936. 10 %
SKVR I2 939. 10 %

Contains poems

JR 51952   73 %
SKVR XIII3 9231.   63 %
JR 17497   58 %
SKVR I2 935 c).   56 %