H, Jagomann 589/602 (40)

hjag05890040
Setumaa
Jagomann, Jakob
1880

Metadata

COL: Jakob Jagomann
ID: H, Jagomann 589/602 (40)
INF_NIMI: Usti, setu naine
LLIIK: Pulmalaulud
LOC: Setu, Puugnitsa k.
TMP: 1880

     1  Hillä hellä langu,
     2  Tassa te targa umatse,
     3  Ärä langu aida ajago,
     4  Ärä piirko pedastikko,
     5  Ärä kivve keerätagu,
     6  Om meil vel´ol maja matal,
     7  Om katuse kassina;
     8  Langokese linnukese,
pag. 590
     10  Madaliko meelimar´a,
     11  Lööge ti langu leppimahe,
     12  Minge langu meelimahe;
     13  Om meil vel´o vaenelats,
     14  Ilma esadä kanane,
     15  Ilma päädä pääsokene.
     16  Velekene noorekene,
     17  Noorekene nõrgakene,
     18  Tule vällä tundemahe,
     19  Saa vällä saldimahe;
     20  Kae sa vel´o meelimari,
     21  Et sa liigut liinasehe,
     22  Et sa astut alevihe
     23  Tuu sa liinast liivasõkla,
     24  Tuu kavvest kalmusõkla
     25  Liiva-kivve keerädädä,
     26  Sõmeride sõõratella,
     27  Turbite tuletella.
     28  Vast tule kodo uma ese,
     29  Kiä sul tunnist höä hõimo,
     30  Kaes kalli umatse.
pag. 591
     32  Lööge ti lango lepimahe,
     33  Mii lango meelimahe;
     34  Langokese linnukese,
     35  Madaliko meelimar´a,
     36  Sündke ti mii söögile,
     37  Lepke mii leeväle.
     38  Hot meil ole nisuleeva,
     39  Ole Pihkeva piirako,
     40  Milles mul vel´ol röäleeva,
     41  Röäleeva röävatsa;
     42  Om mul vel´o vaenelatsi
     43  Ilma esädä kanane,
     44  Ilma päädä pääsokene.
     45  Oles olnu uma ese,
     46  Kallis uma kasutaja,
     47  Pidanu ta hoole pikemba,
     48  Kannu kõrra kangemba,
     49  Kuule noori vel´oveni,
     50  Pikenda sa uma pinki,
     51  Lajenda sa uma lavva,
     52  Om meil tsõtse sugu suur,
pag. 592
     54  Sugu suuri võsa võimsa,
     55  Või suku suhu ajja,
     56  Võssa ajja võrengohe;
     57  Teeme suul suure aia,
     58  Pika aia pistilise.
     59  Langukese linnukese,
     60  Ärä ti huulgu süvvenani,
     61  Süvvenani juvvenani,
     62  Ega meil puu puutse pütü,
     63  Ei meil tammitse tahene,
     64  Ei meil vao vahtratse,
     65  Maa all meil make manna,
     66  Sitta all meil simme viina,
     67  Pääl makkõ maaro-lehm,
     68  Pääl puhas poolo-lehm,
     69  Sitto lehm sirotelli.
     70  Langokese linnokese,
     71  Ärä huulku süvvenani,
     72  Süvvenani juvvenani,
     73  Võtko piima peläteh,
     74  Võtko väke väristeh,
     75  Võtko kalla kahiteh,
     76  Meil imäl piimapeo,
pag. 593
     78  Piimapeo sõõrasõrme,
     79  Mille imal piimapeo?
     80  Ime meil tuntsi nuu haan´a,
     81  Mõistse naa mõtsahaan´a,
     82  Minga anoma ariti,
     83  Minga nüssiko havveti.
     84  Selle meil imäl piimäpeo,
     85  Piimapeo sõõrasõrme.
     86  Langokese linnukese,
     87  Seni sööge seda sööki,
     88  Meil tõista tettänes,
     89  Meil vastast valmistatas;
     90  Koah keeva kuke liha,
     91  Paah keeva partsi liha,
     92  Ahoh hani küdsäse -
     93  Tuud paljo pelago,
     94  Tuud väega värisko,
     95  Saava teil hobese hoietus,
     96  Kaara ette kannetus,
     97  Vii mi mõtsa süümahe,
     98  Laande lakumahe,
     99  Hunti pane hoitemahe,
     100  Kahro manu kaitsemahe,
pag. 594
     102  Pini panni perra hoitemahe
     103  Vel´ol haino haljit,
     104  Vel´ol kullo kullatsid,
     105  Ette vii mi haina halja,
     106  Ette kulo kullatse,
     107  Jõehaina ilosa,
     108  Pervehaina piinu.
     109  Langokese linnukese.
     110  Madaliko meelimar´a,
     111  Meele joosi nuu jutu,
     112  Nuu sõnomi sõidiva -
     113  Tsõdse ülti teil kuri olevad,
     114  Ülti ta kalg kasuvat,
     115  Ülti ta hoiet hellikoh,
     116  Kavalahe kasunu. -
     117  Pet´o noori vel´okene,
     118  Pet´o kallis imekana,
     119  Kui sa võtat kur´a naase,
     120  Võtad kur´a kohes sa paned,
     121  Kohes viid vihatse,
     122  Või iks turgu tõugada,
     123  Või müvva-vaelda,
     124  Kui sa ollit noori meesi,
pag. 595
     126  Kui sa künni kur´a põllu,
     127  Äestit põllu ädalatse,
     128  Jälki põlid tuu põllu,
     129  Jättid maale tuu maa,
     130  Kus sa maadad kur´a naase
     131  Ostad kur´a ubasuu -
     132  Ole-ei ta põllus põlgmine,
     133  Maas maale jätmine.
     134  Pet´o noori vel´oveni,
     135  Miä sul tetta kohe minna,
     136  Kui om looja nii loonu,
     137  Kui om Jesu nii isknu,
     138  Loodat sa üte looja pääle,
     139  Eläd ütte Jesu pääle,
     140  Looja loonu sulle tervist,
     141  Jessu isknu sulle ika.
     142  Velekeista noorekeista,
     143  Mii meelimar´akõist,
     144  Miä tettä kohe minna,
     145  Kui looja nii loonu,
     146  Kui om Jessu ni isknu,
pag. 596
     148  Mia om viga mii velel,
     149  Mii sirgel sarapuul.
     150  Vel´ot kõigilde kõneldi,
     151  Mõnda värki mõisteteldi,
     152  Ülti hooledu elänu,
     153  Ülti karilda kasunu;
     154  Oh mii noorta vel´otani,
     155  Mii kallist imekanna,
     156  Ole ta hooledu elanü,
     157  Ole ta karilda kasunu,
     158  Ole vel´ol uma imä,
     159  Kallist uma kasutajat,
     160  Kiä hoit taad hellikoh,
     161  Kiä kasut kavalah.
     162  Imekene kooli väikoh,
     163  Kandja katte kanaseh,
     164  Olli täl ime ei mälehta,
     165  Olli täl kandja ei kavatse,
     166  Ülti mul vel´o vigaline,
     167  Hää vel´o hädaline,
     168  Lase-e naarda naarijal,
     169  Ärä sorri sorijal,
pag. 597
     171  Minge suuhu sorija,
     172  Arro jutu ajaja;
     173  Ega ole mul vel´o vigalane,
     174  Hää mul vel´o hädäläne;
     175  Ole täl uma imakeist,
     176  Kallist uma kasutajat,
     177  Koa ta viha vihoteli,
     178  Koa täl häda häodelli,
     179  Imekene hoisi väikost,
     180  Kandja kaitsi kanasen -
     181  Kistu-es meil tuli taresta,
     182  Valu vanast huunest,
     183  Pirrutuli pilahkist,
     184  Küünal hällü küleldä.
     185  Läbi tuiso ta tule tõie,
     186  Läbi sao sanna kütti,
     187  Läbi vihma viha havvi.
     188  Velekene noorekene,
     189  Ime mõtel abi astuvat,
     190  Mõtel toe tulevat,
     191  Seeni ol´l imel illos poiga,
     192  Kandijal ol´l kallis latsi,
pag. 598
     194  Meeni täl naane naitemada,
     195  Ubasuu ostemata.
     196  Seeni tõi kulatski imele,
     197  Kan´d kulatski kandijale,
     198  Kui saa naane naitedus,
     199  Ubasuu ostetus -
     200  Tuu sis kulatskit imele,
     201  Saa saia vanembale.
     202  Lõppes imel illos poigo,
     203  Kandijal iks kallis lats,
     204  Toose ta kulatski naasele,
     205  Kand ta kulatski kabole,
     206  Toose kodo kulatski,
     207  Ärä pand pad´a ala,
     208  Sääd sängu veere ala:
     209  Seo no sulle miä meele,
     210  Seo sulle sitikelle,
     211  Miä mulle mustikulle.
     212  Pet´o noori vel´oveni,
     213  Mino meelimar´akene,
     214  Ega tuu saa höad näiot,
     215  Ega kallu kallist kabo,
     216  Om iks virve vigalane,
     217  Om hää hädälane,
pag. 599
     219  Tuud sa kodo kos sa panet,
     220  Kohes majja mahutat.
     221  Olet sa iih edimane,
     222  Käsikannel kandijal,
     223  Eläd iks mõne nädälikese,
     224  Pääle paari pääväkeise,
     225  Küll saat kuri kodole,
     226  Küll saat vihas velile,
     227  Kalg ommi kanasille,
     228  Kui sa võtad naase miilt,
     229  Kui sa võtad võlsimist,
     230  Peät luku pettusest.
     231  Kuule noori vel´oveni,
     232  Kallis mino imekana,
     233  Kuule mino kuukumisi,
     234  Pane miilde pajatuisi -
     235  Ei ma kuugu kur´a läbi,
     236  Ei ma haugu halva läbi,
     237  Seo ma oppa uma läbi,
     238  Noomi noore vel´o läbi:
     239  Velekene noorekene,
     240  Matal meelimar´akene,
     241  Kui sull' saase kuri naane,
pag. 600
     243  Kui sull' kallus kalk kabo,
     244  Nuumku naist nurme pääl,
     245  Ärä väärku värih,
     246  Oppe tedä univoodel,
     247  Olekõrsila kõnele -
     248  Angu sa naist külä naerda,
     249  Külä karjuste katsadada,
     250  Külä ülta õidsilisil.
     251  Oppe uma usku piti,
     252  Käse uma käsko piti,
     253  Om meil vel´o hooleline,
     254  Hooleline meeleline,
     255  Vel´ol huult hobese võrra,
     256  Muret musta ratsu võrra.
     257  Vel´o meil künd iih muida,
     258  Iih muida perah muida,
     259  Vel´o künni muide aigo,
     260  Miä iks künni iih muid,
     261  Tuu künd kübära pääle,
     262  Miä künd muide aigo,
     263  Tuu ta and esä aita,
     264  Tuu ta saade vel´o salve,
     265  Seost sai perre pittä,
pag. 601
     267  Ristirahva ravita.
     268  Miä künd peräh muid,
     269  Tuu sai saabast pääle,
     270  Tuu künd kübära pääle,
     271  Ol´l meil vel´o hooleline,
     272  Hooleline meeleline,
     273  Höä olli mii vel´o,
     274  Kallis mii imekana,
     275  Kita-es ta umal keelel,
     276  Võta-es ta umal meelel;
     277  Ese kitti, vel´o võtti,
     278  Ime sal´le, vel´o saie,
     279  Hüä olli mii vel´o,
     280  Kalli mii imekana. -
     281  Kui sa võtti mi umal meelel,
     282  Kui sa kitti mi umal keelel,
     283  Siis kui saase kuri naane,
     284  Kui sull' kalus kalk kabo,
     285  Või sul kodo kur´otõlla,
     286  Või sul pereh peratella,
     287  Kui oles võed umal meelel,
     288  Sis saanu elo ikuline,
pag. 602
     290  Veerus silmaveeline.
     291  Velekene noorekene,
     292  Sünnü sulle taa näio,
     293  Kaalu sulle taa kabo,
     294  Kuule noori vel´oveni,
     295  Matal meelimar´akene,
     296  Ta kullunu sino koto piti,
     297  Ta saanu sino tallo piti;
     298  Oles sul olnu uma ime,
     299  Kallis uma kasudaja,
     300  Kosinu iks kodo piti,
     301  Ärä petnu pereht piti.
     302  Velekene noorekene,
     303  Sulle saanu kodos korgembast,
     304  Elitarest ilosambast,
     305  Tuu tulnu mii velele,
     306  Astnu au kandjalle,
     307  Kel om sada sangatud,
     308  Kel om tuhat trullitut.

Contains poems

EÜS I 803 (97)   58 %