H III 29, 765/73 (4)

h32907650004
Setumaa
Rütli, Joh. Oskar
1901

Types

Laulud meelelahutamiseks
└ Teekäigulaulud
 └ Soome sild
Tige mees
Soome sild
Müük müüril

Metadata

COL: Joh. Oskar Rütli
ID: H III 29, 765/73 (4)
INF_NIMI: Iwan Petrowi naine Awdotja
LLIIK_YHT: _ ; _ ; Laulud meelelahutamiseks (Teekäigulaulud)
LOC: Setu, Werchjoustje k.
TMP: 1901
TYP: Tige mees + Müük müüril + Soome sild
TYP_YHT: _ + _ + Soome sild

     1  Vel´o kudi (sis) mullõ kuldakorvi,
     2  Kuldakorvi, marjamärsi.
     3  Sis lätsi marja mäele,
     4  Lätsi orgo ubinahe,
     5  Mäekaldahe pähkmihe.
     6  Kor´si korvi kuhjäga,
     7  Vali vaka veeretasa.
     8  Sis naksi ma kodo tulema,
     9  Kabo kodo kaaluma.
     10  Tikõ tul´l sis vasta teie pääl,
     11  Pakan vasta palo pääl.
     12  Vali sis maha ma vaskist vakast,
     13  Kuldakorvist kummotõli
     14  Mis ma teie tikkehõlõ,
     15  Mia iks palo paganalõ.
     16  Sis võti ma vüült suurõ vüü,
     17  Võti pääst verevä siidi.
     18  Teie iki keele tikkõhõlõ,
     19  Palmiku pani paganalõ.
     20  Agu iks tikõ kiilde jääs,
     21  Jäässi pagan palmikuhe!
     22  Ega iks tikõ kilde's jää
     23  Jää es pakan palmikuhe.
     24  Teder iks kiilde jäi,
     25  Jäie parts palmikuhe.
     26  Esi iks kurvalt kodo tuli,
     27  Ikuline ime mano.
pag. 766
     29  Kiä iks tuuse ikumeele,
     30  Ikumeele, lainakeele.
     31  Imä küündu küsümähe,
     32  Ima nõssi nõudemahe:
     33  "Tütär iks hellä linnukene,
     34  Mille iks kurvalt kodo tullid,
     35  Ikuline ime mano?"
     36  "Selle iks ma kurvah kodo tuli,
     37  Ikuline ime mano:
     38  Lätsi ma marja mäele,
     39  Oido ma orgo ubinahe,
     40  Kor´si sis korvi kuhäga,
     41  Vali vaka veeretasa.
     42  Naksi ma kodo tulema,
     43  Kabo ma kodo kaaluma.
     44  Tikõ tul´l vasta teie pääl,
     45  Pakan vasta palo pääl.
     46  Vali iks maale vaskivakast,
     47  Kuldakorvist kummotõli,
pag. 767
     49  Miä ma iks tei' tikõhõlõ,
     50  Koa palo paganalõ;
     51  Võti vüült suure vüü,
     52  Pääst iks verevä siidi;
     53  Teie iks keele tii pääle,
     54  Palmiku pani palo pääle,
     55  Agu iks tikõ kiilde jääss',
     56  Jäässi pagan palmikuhe.
     57  Ega iks tikõ kiilde's jää,
     58  Jää-es pagan palmikuhe.
     59  Ütli ma umalõ vel´öle,
     60  Umalõ vel´öle noorõlõ:
     61  Läke iks katsi kaemahe.
     62  Sis lätsi mi katsi iks kaemahe.
     63  Sis ol´l iks teder kiilde jäänü,
     64  Jäänü parts palmikuhe.
     65  Ütli iks umalõ vel´öle:
     66  Miä teeme mi partsi putsajist,
     67  Koa teeme tedreluist?
pag. 768
     69  Pad´ä iks partsi putsajist,
     70  Teeme iks sängu tedreluist.
     71  Taha-es toda mino vel´ö,
     72  Kannahta-s imekana.
     73  Siis teeme iks saani tedreluist,
     74  Parda partsi putsajist.
     75  Taha-es toda mino vel´ö,
     76  Kannahta-es imekana.
     77  Teeme iks laiva tedreluist,
     78  Parve partsi putsajist.
     79  Lääme mi sis merele püüdemä
     80  Kalaranda kaemahe.
     81  Heidi sinnä, heidi tännä,
     82  Heidi iks Looja loomussit,
     83  Pühä iks Maarja püvvüssit.
     84  Kiisa iks mänge kivve pääl,
     85  Vähä väinä veere pääl
pag. 769
     87  Vene sai täüs viidikit;
     88  Lootsik täüs lutsukallo,
     89  Parv kallo parõmbit,
     90  Laiv sai täüs latikit;
     91  Johtu havvõjurlakit,
     92  Putõ havvõpurlakit.
     93  Veie iks müvvä turu pääle,
     94  Kauba kaalulavva pääle.
     95  Kak´ke katski kaalukabla
     96  Puut purus punnanagla.
     97  Herrä iks heitüvä;
     98  Provva padjalt pagõsiva;
     99  Mõtliva liina palavat,
     100  Suure liina sulavat.
     101  Naksi kõik säksä kaemahe.
     102  Herrä iks hinele kõnõli:
     103  "Mia iks tah müvväs müürü pääl.
     104  Kaup kaalu lavva pääl?"
     105  Säält iks mu vel´ö veere võti,
     106  Veere võti, vilä saie.
     107  Pand´ iks sälga sinisärgi,
pag. 770
     109  Maani massakarvalise;
     110  Jalga ostõ iks sirgõ saapa,
     111  Pähä iks kööritü kübärä,
     112  Vüüle iks liina vüüräti.
     113  Küpär iks kerikukirja,
     114  Vüürätt iks liina lipp.
     115  Ala pand astuva hobõsõ,
     116  Sälga iks saaritse sadula,
     117  Jalga iks kullatsõ jalusse,
     118  Vel´ö sis sälgä istunõs.
     119  Sõidi sis üle Eli nurme,
     120  Sõidi üle Väina väljä.
     121  Elist iks nädüse näievä:
     122  "Kia ta suuri sõitõnes,
     123  Ilma-iks-kõrki kõndines,
     124  Aele iks hüvil hobosil,
     125  Kallil iks kaarasüüjil?
     126  Hopõn iks all, kui aotäht,
     127  Miis pääl, kui päiva poig."
     128  Külest iks ütle külgmätse,
pag. 771
     130  Veerest ütle viirmätse,
     131  "Sai iks sandilõ hobõne,
     132  Vaeselõ sai varsakõnõ."
     133  Sõidi sis üle Rõugu nurme,
     134  Rõugust iks näduse näievä,
     135  Rõugu kabohõsõ kaieva:
     136  "Olõs iks ta muna mullõ saassi,
     137  Upin mullõ unehtusi!"
     138  Vel´o iks kuuli, vasta kosti,
     139  Taipas targaste kõnõlda:
     140  "Mõista-i ti hoida ubinat,
     141  Mõista-i munna veerütädä;
     142  Tiit iks hukka hoideh,
     143  Katski iks kaieh tiid."
     144  Sõidi, sõidi mino vel´ö;
     145  Saie Rõugu silla mano,
     146  Haarde sillalt küsümähe.
     147  "Kas sa sild sikõ olõd,
     148  Järve kaas kalg olõd?"
     149  "Oh sa ulli noori miis,
     150  Taioto talopoig,
pag. 772
     152  Ega's sild sisse ei sata,
     153  Järve kaas katski ei lää;
     154  Eilä iks sõite suur sõda,
     155  Üle viire Vinne vägi."
     156  Hiiro heit´ jala hirre pääle,
     157  Paat heit´ jala palgi pääle.
     158  Säält iks hirs helähtü,
     159  Säält iks palk painahtu.
     160  Säält iks sild sisse sattõ,
     161  Järve kaas katski lätse.
     162  Sinnä iks kukku kuldaküpär,
     163  Sinnä iks vajjo vaskisaabas.
     164  Otse iks sis upikallõ,
     165  Sääl käve käpikalle.
     166  Tahtsõ ma rako ratso pääd,
     167  Hüvvä ma hobõst hukata.
     168  Hopõn iks keelila kõnõli,
     169  Hopõn iks meelila mõisteli:
     170  "Ragugu-i ratsu pääda,
     171  Hukaku-i hüvva hopõst.
pag. 773
     173  Ega sul ting tiid ei käü,
     174  Rahamarka maad ei marsi.
     175  Hopõn iks tike tii käve,
     176  Hopõn iks matal maa marsse." -
     177  - - - -

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 4, 245/7 (105) 16 %
H, Jagomann 457/60 (55) 15 %
ERA II 173, 498/401 (5) 15 %
ERA II 286, 668 (19) 14 %
E, StK 32, 25/6 (15b) 14 %
E, StK 25, 145/51 (24) 13 %
H I 8, 348/9 (6) 12 %
ERA II 278, 635/8 (11) 11 %
E, StK 25, 63/71 (12) 11 %
H II 4, 380/3 (159) 11 %
H, Jagomann 619/25 (48) 11 %
H I 6, 227/9 (1) 10 %
H, Jagomann 573/7 (37) 10 %
H II 4, 80/4 (34) 10 %