H II 32, 972/6 (6)

h23209720006
Setumaa; Võrumaa — Vastseliina
Prants, Hindrik (Heinrich)
1890

Types

Lüroeepilised laulud
└ Müütilised laulud
 └ Venna otsija
Venna otsija

Metadata

COL: H. Prants
FUNC:
ID: H II 32, 972/6 (6)
INF_NIMI: Wassila Ann
LLIIK_YHT: Lüroeepilised laulud (Müütilised laulud)
LOC: Vastseliina khk. < Setu, Vasildõ (Vassiltõ) k.
TMP: 1890
TYP: Venna otsija
TYP_MRKS: [massühtlustus, vajab kontrollimist]
TYP_YHT: Venna otsija

     1  Ime ruttu ruvva kiit,
     2  Sõsar pia perrä vei,
     3  Lövvä-äs veljä kündemäh,
     4  Imekanna atra kandmah,
     5  Küpär ol´l pantu künni pääle,
     6  Kaab atra kandmahe,
     7  Haari küsü kübärält,
     8  Haari kaoga kõnõlda
     9  Küpär külmaste kõnõli,
pag. 973
     11  Kaab kalõst vasta kost:
     12  Vesi veije sino vel´lo,
     13  Perve peti perrest,
     14  Ärä sõs kurva kodu tulli.
     15  Umile velile vihanu,
     16  Kiä iks küündü küsümähe,
     17  Kiä nõssi nõudõmahe?
     18  Ime küündü küsümähe
     19  Ime nõssi nõudemahe;
     20  Milles sa kurva kodu tuli,
     21  Milles velile vihanu?
     22  Näio lausi meelestani,
     23  Lausi meele poolõstani;
     24  Selle ma kurva kodo tulli,
     25  Selle velile vihanu,
     26  Lövva-as ma veljä kündmäst
     27  Imekanna atra kandmast,
     28  Imekene helläkene,
     29  Maama mesimaräkõnõ,
     30  Küdsä sa iks kuus kukõlit,
     31  Nelli nisuvadsakõist.
     32  Lää ma veljä otsima,
     33  Imekanna kullõma,
     34  Kiä iks vasta puttusigi,
     35  Puttusigi, johtusigi,
     36  Külä kar´üsõ sõsarõ,
     37  Vitsavõtja virvekese,
     38  Näio küündü küsümä,
     39  Näio nõssi nõudõma:
     40  Kas ti' iks näie mino veljä
     41  Imekanna kavatsõli?
     42  Miä ol´l tähte su velel,
     43  Kua arvu armal?
     44  Tuu iks tähte mu velel,
pag. 974
     46  Tuu arvu armal;
     47  Vallus veri, valgõ hiuss, -
     48  Vasitsõ iks käevarrõ
     49  Kullatsõ sõrmõkundi,
     50  Peo tävve pillikesi,
     51  Sõrmõ tävve sõrmilitsi,
     52  Külä kar´üsõ sõsarõ,
     53  Vitsavõtja virvekese;
     54  Sinolõ kaiho ütevõrra,
     55  Meile kaiho katõvõrra,
     56  Ega päiv meil kari kattõ,
     57  Ega päivi vili süüdi. -
     58  Mida iks tetä, kohe minnä?
     59  Minnä veljä otsima,
     60  Imekanna kullõma,
     61  Ärä lätsi tükü tiidä,
     62  Tükü tiidä, pal´lo maada,
     63  Kiä vasta puttusigi?
     64  Puttusigi, johtusigi,
     65  Põllu põimija sõsarõ,
     66  Tsirbikandja imekana,
     67  Näio küündü küsümä,
     68  Näio nõssi nõudõma;
     69  Kas ti näie mino veljä,
     70  Imekanna kavatsõli?
     71  Miä iks tähte su velel,
     72  Kua arvu armal?
     73  Vallus um veri, valgõ hiuss,
     74  Vasitsõ umma kaevarrõ,
     75  Kullatsõ sõrmõkundi,
     76  Peo tävve pillikeisi,
     77  Sõrmõ tävve sõrmilitsi,
     78  Tuu um tähte mu velel,
     79  Tuu arvu armal
     80  Põllu põimija sõsarõ,
pag. 975
     82  Tsirbikandja imekana;
     83  Sinol kaiho ütevõrra,
     84  Meil kaiho katõvõrra,
     85  Ega päivi tsirbi murri,
     86  Ega päivi sõrmõ lõiksi,
     87  Ega mi näe-es sino veljä,
     88  Imekanna kavvatsõlõ-õs.
     89  Mia iks tetä, kohe minnä?
     90  Minnä veljä otsima,
     91  Imekanna kullõma,
     92  Kiä vasta puttusigi?
     93  Niidü niidijä velitse,
     94  Kokkokandja imekana
     95  Näio küündü küsümä,
     96  Näio nõssi nõudõma:
     97  Kas ti' näie mino veljä,
     98  Imekanna kavatsõli,
     99  Sedä tiidä minevät,
     100  Sedä maada marsivat?
     101  Miä iks tähte su velel,
     102  Kua arvu armal?
     103  Vallus veri, valgõ hiuss,
     104  Vasitsõ kaevarrõ,
     105  Kullatsõ sõrmõkundi,
     106  Peo tävve pillikeisi,
     107  Sõrmõ tävve sõrmilitsi. -
     108  Vel´lo um sällüle vesile,
     109  Imelatsi lainõl,
     110  Lätsi, lätsi näiokõnõ,
     111  Kaldu, kaldu, kabokõnõ,
     112  Näi vel´lo sällüle vesile,
     113  Imelatsi lainõl,
     114  Näio lausi meelestäni,
pag. 976
     116  Lausi meele poolõstani:
     117  Ärä sa pillu perve poolõ,
     118  Ärä viska veere poolõ,
     119  Sinno tulli ma kodo kutsmahe,
     120  Tulli majja manitsema
     121  Anna ma sõlõ sullõ sõuda,
     122  Sõlõ tele tellätellä,
     123  Sai sõs vel´lo veerünüs,
     124  Imekana kallunõs.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 3, 34/6 (19) 23 %
H II 4, 287/93 (125) 22 %
H II 4, 511/7 (207) 21 %
E, StK 33, 29/34 (8) 18 %
ERA II 151, 86/90 (11) 18 %
E 18424/6 (2) 18 %
ARS 1, 509/12 (1) 17 %
H II 3, 77/8 (70) 15 %
E 63508/13 15 %
H II 4, 496/504 (204) 15 %
Veske 6, 28/34 (6) 14 %
Veske 6, 186/206 (36) 14 %
H, Jagomann 626/9 (50) 13 %
ERA II 175, 209/19 (1) 13 %
Veske 6, 255/270 (42) 13 %
Veske kad., 229/30 (8) 13 %
E, StK 22, 43/5 (33) 12 %
E 7980/1 (8) 12 %
E, StK 32, 23/4 (14b) 12 %
H III 26, 444/9 (2) 12 %
H, Jagomann 746/9 (75) 12 %
E, StK 22, 2/4 (3) 11 %
H I 6, 193/4, 191 (6) 11 %
E, StK 33, 49/54 (12) 11 %
H I 8, 91/2 10 %
H I 10, 520/3 (6) 10 %
ERA II 154, 49/52 (5) 10 %
H II 4, 158/62 (64) 10 %