H II 4, 472/83 (199)

h20404720199
Setumaa
Hurt, Joosep
1886

Types

Lüroeepilised laulud
└ Müütilised laulud
 └ Tähemõrsja
Looduslaulud
└ Loomad ja linnud
 └ Kurg kündmas
Kurg kündmas
Hommiku hooled
Salme

Metadata

COL: Joosep Hurt
FUNC:
ID: H II 4, 472/83 (199)
LLIIK_YHT: _ ; Looduslaulud (Loomad ja linnud) ; Lüroeepilised laulud (Müütilised laulud)
LOC: Setu, Misso v., Hinsa (Hinds´a) k.
TMP: 1886
TYP: Hommiku hooled + Kurg kündmas + Salme
TYP_YHT: _ + Kurg kündmas + Tähemõrsja

     1  Tulli üles hummogul
     2  Varra inne valgõt.
     3  Miä tüü edimäne
     4  Kua huul hummogult?
     5  Sorrõ suu mõskmine
     6  Käpe jala kängmine
     7  Mõsi suu sui pää
     8  Lätsi mõtsa kõn´mahe
     9  Hummogult hulgimahe
     10  Lätsi iks lätsi tükü tiid
     11  Tükü tiid pal´lo maad.
     12  Miä iks näi näiokõnõ
     13  Kavatsõlli kabukõnõ
     14  Näi iks kurõ kündvät
     15  Käre atra käändvat
     16  Võti iks kivi kesä päält
     17  Võti nuia nurmõ päält
pag. 473
     19  Kurgõ tahtsõ tappa kündmäst
     20  Kärge atra käändmäst
     21  Kurgi vasta kumardõlli
     22  Vasta pal´lo pallõligi
     23  Tapku-ui kurgõ kündmäst
     24  Kärge atra käändmäst
     25  Vii iks kurg´ umma kodo
     26  Pikk-siir´ perrehe
     27  Näio kullõl´ kurõ kumarusõ
     28  Kullõl´ pal´lo palluist
     29  Käänd´ iks kurõ kässi pääle
     30  Pikä-seere põllõ pääle
     31  Vei iks kurõ umma kodo
     32  Pikä-seere perrehe
     33  Läts´ iks hillä ime mano
     34  Madaluisi maama mano
     35  Ütel´ iks umalõ imele
     36  Manits´ umalõ maamalõ
     37  Imekene helläkene
     38  Maamakõnõ mar´akõnõ
     39  Keedä' kurgõ küdsä' kärge
     40  Ime lausi meelestäni
pag. 474
     42  Lausi meele poolõstani:
     43  Taha-a kurg´ küdsämist
     44  Taha-a kärg´ kiitmist
     45  Kurg´ iks tahtsõ suuri soid
     46  Suuri soid mar´amaid.
     47  Näiokõist iks noorõkõist
     48  Linahiust linnukõist
     49  Läts´ iks suulõ viimähe
     50  Viimä mailõ mar´atsillõ
     51  Ese johtu nägevät
     52  Kasvataja kaevat
     53  Ese küündü küsümähe
     54  Ese nõssi nõudmahe
     55  Kohe sa viid naa' kurõ'
     56  Kohe käänäd naa' käre'
     57  Näio lausi meelestäni
     58  Lausi meele poolõstani:
     59  Vii iks kurõ suurdõ suuhu
     60  Vii mailõ mar´atsilõ
     61  Ese lausi meelestäni
     62  Lausi meele poolõstani:
     63  Veegu-u kurgõ suurdõ suuhu
pag. 475
     65  Veegu-u mailõ mar´atsillõ
     66  Vii sa aita kasuma
     67  Vilä-aita vinnümä
     68  Kurõst kasus korgõ neio
     69  Kärest käpe käsk´jalg
     70  Näio kullõl ese sõna
     71  Võt´t ese oppusõ
     72  Vei aita kasumahe
     73  Vilä-aita vinnümä
     74  Kurõst kas´vi kuldaneio
     75  Kärest kas´vi käpe kabo.
     76  Tulli üles hummogul
     77  Varra inne valgõt
     78  Kaldu aita kaema
     79  Sai sal´vi nõalõ
     80  Kurõst ol´l kasunu kuldanäio
     81  Kärest käpe kabukõnõ
     82  Kiä johtu nägevät
     83  Nägevät ja kaevat
     84  Ago johtu nägevat
     85  Nägevät ja kaevat.
     86  Tul´le ago kosjollõ
pag. 476
     88  Viirdü ago viinaga
     89  Ai iks hobõsõ morolõ
     90  Ai paadi paja ala
     91  Läts´ iks tarrõ tehrütäma
     92  Tehrütämä teretämä
     93  Teretelli tehrütelli:
     94  Tere illos´ näio ime
     95  Näio valusa' vanõmba'
     96  Tere viis vel´lotani
     97  Kuus kullasta sõsard
     98  Kas iks siist saa ao naist
     99  Ao poja mõrs´jat.
     100  Ime iks astõ aida mano
     101  Saistas salvi nõalõ
     102  Ime küündü küsümähe
     103  Ime nõssi nõudmahe
     104  Kurg´ mu kulla tütereni
     105  Kärg´ mu käpe kabukõnõ
     106  Kas sust saa ao naist
     107  Ao poja mõrs´jat
     108  Näio lausi meelestäni
     109  Lausi meele poolõstani:
pag. 477
     111  Saa-ai must ao naist
     112  Ao poja mõrs´jat
     113  Aol um iks pal´lo huult
     114  Pal´lo huult kats´ tüüd
     115  Õdagult iks nõsõmine
     116  Keset üüd kistumine.
     117  Ime saat´ kotost nuu' kos´a'
     118  Nuu' viina' velitsist.
     119  Kiä tul´l sis kosjollõ
     120  Kiä viirdü viinoga
     121  Kuu tul´l kosjollõ
     122  Kuu viirdü viinoga
     123  Ai iks hobõsõ morolõ
     124  Paadi peräpaja ala
     125  Läts´ iks tarrõ tehrütämä
     126  Teretelli tehrütelli:
     127  Tere illos´ näio ime
     128  Näio valusa' vanõmba'
     129  Tere viis vel´lotani
     130  Kuus kullasta sõsard
     131  Kas siist saa kuu naist
     132  Kuu poja mõrs´jat
pag. 478
     134  Ime astõ aida mano
     135  Saistas salvi nõalõ
     136  Ime küündü küsümahe
     137  Ime nõssi nõudmahe
     138  Kurgi mu kulla tütereni
     139  Kärgi käpe kabukõnõ
     140  Kas sust saa kuu naist
     141  Kuu poja mõrs´jat?
     142  Näio lausi meelestäni
     143  Lausi meele poolõstani:
     144  Ei must saa' kuu naist
     145  Kuu poja mõrs´jat
     146  Kuul om iks pal´lo huult
     147  Pal´lo huult kats´ tüüd
     148  Kõõ iks kasus kõõ kaos.
     149  Ime saat´ kotost nuu' kos´a'
     150  Nuu' viina' velitsist
     151  Kiä tul´l sis kosjollõ
     152  Kiä viirdü viinoga
     153  Päiv tulli kosjollõ
     154  Päiv virdü viinoga
     155  Ai iks hobõsõ morolõ
pag. 479
     157  Paadi peräpaja ala
     158  Esi läts tarrõ tehrütämä
     159  Tehrütämä teretämä.
     160  Tere illos' näio ime
     161  Näio valusa' vanõmba'
     162  Tere viis vel´lotani
     163  Kuus kullasta sõsard
     164  Kas siist saa päävä naist
     165  Päävä poja mõrsjat?
     166  Ime astõ aida mano
     167  Saistas salvi nõalõ
     168  Ime küündü küsümähe
     169  Ime nõssi nõudmahe
     170  Kurgi kulla tütereni
     171  Kärgi käpe kabukõnõ
     172  Kas sust saa päävä naist
     173  Päävä poja mõrsjat?
     174  Näio lausi meelestäni
     175  Lausi meele poolõstani
     176  Eka iks saa' päävä naist
     177  Päävä poja mõrs´jat
     178  Pääväl um iks pal´lo tüüd
     179  Pal´lo tüüd pal´lo huult
     180  Hummogult iks nõsõmine
     181  Õdagult iks minemine.
     182  Ime saat´ kotost nuu' kos´a'
     183  Velitsist nuu' viina'.
     184  Kiä iks tul´l kosjollõ
     185  Kiä viirdü viinoga
     186  Tulli täht kosjollõ
     187  Viirdü täht viinoga
     188  Säitsmel iks hobõsõl
     189  Katsal iks kaarasüüjäl
     190  Aie hobõsõ morolõ
     191  Aie paadi paja ala
     192  Esi läts´ tarrõ tehrütäma
     193  Tehrütämä teretäma.
     194  Tere talo tere tarõ
     195  Tere illos´ näio ime
     196  Näio valusa' vanõmba'
     197  Kas siist saa tähe naist
     198  Tähe poja mõrs´jat.
     199  Ime astõ aida mano
     200  Saistas salvi nõalõ,
pag. 481
     202  Esi küündü küsümähe
     203  Esi nõssi nõudõmahe
     204  Kurgi mu kulla tütereni
     205  Kärgi käpe kabukõnõ
     206  Kas sust saa tähe naist
     207  Tähe poja mõrs´jat
     208  Näio lausi meelestäni
     209  Lausi meele poolõstani:
     210  Ärä must saa tähe nainõ
     211  Tähe poja mõrs´ja
     212  Söödä' tähte jooda' tähte
     213  Vii' iks talli tähe hopõn´
     214  Tähe lauki lautrehe.
     215  Imekeist iks helläkeist
     216  Maamakõist iks mar´akõist
     217  Söödi tähte joodi tähte
     218  Vei talli tähe hobõsõ
     219  Tähe laugi lautrehe
     220  Tähti seie tähti jõie
     221  Tähti mõõka tiristi
     222  Kuldarõngast raputõlli
     223  Ehi iks ime innebüsi
pag. 482
     225  Varahappa valmistõllõ
     226  Ime lausi meelestäni
     227  Lausi meele poolõstani:
     228  Anni iks aigu kasvuda
     229  Virvele vinnüdä
     230  Angõ iks aigu ehitellä
     231  Kabulõ kabistõlla.
     232  Tähti seie tähti jõie
     233  Tähti mõõka tiristi
     234  Ehi ime innebüsi
     235  Varahappa valmistõllõ.
     236  Saie iks näio valmist
     237  Saie kabu kabistõtust
     238  Naas´ iks näio minemähe
     239  Naas´ kabu kallumahe
     240  Võt´t iks punna puutõhid
     241  Mõnõ nagla langassid
     242  Istõ iks saani neiokõnõ
     243  Pand´ jala pardahe
     244  Ärä iks saan´ rõgsahtu
     245  Saani parda' painahtu.
     246  Tähti lausi meelestäni
pag. 483
     248  Oma meele poolõstani:
     249  Mille iks saan´ rõgsahtigi
     250  Saani parda' painahtugi
     251  Näio lausi meelestäni
     252  Lausi meele poolõstani
     253  Näio võti punna puutõhid
     254  Mõne nagla langassid
     255  Tähti lausi meelestäni
     256  Lausi meele poolõstani:
     257  Pooda' maaha naa' puutõ'
     258  Lasõ maaha na langasõ'
     259  Näio puut´ iks maaha puutõ'
     260  Lask´ maaha langasõ'
     261  Lätsi sis näio minemähe
     262  Lätsi kabu kallumahe
     263  Läts´ iks iäst elämä
     264  Läts´ kaugõst kasuma.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

E, StK 22, 46/8 (34) 19 %
H II 4, 151/8 (63) 19 %
ERA II 80, 138/44 (102) 18 %
H II 3, 83/6 (76) 15 %
E 44853/8 (17) 11 %
H II 68, 802/6 (9) 11 %
H II 4, 425/32 (179) 11 %