H II 4, 342/8 (145)

h20403420145
Setumaa
Hurt, Joosep
1886

Types

Jeesus ja Maarja

Metadata

COL: Joosep Hurt
ID: H II 4, 342/8 (145)
LOC: Setu, Vilo v., Molnika k.
TMP: 1886
TYP: Jeesus ja Maarja

     1  Tulli üles hummogul
     2  Varra inne valgõt
     3  Lätsi ussõ kaema
     4  Ussõ tsõõrilõ morolõ
     5  Miä näi ussõh olõvat
     6  Kua tsõõrila morola
     7  Näie tulõ ma kesälä
     8  Näi valu vanijal
     9  Jessu ol´l sällüle tulõh
pag. 343
     11  Palavah pahepooli
     12  Vahru' ol´l pääh vaja' suuh
     13  Kümme sõrme köüdüssih
     14  Kats´ kätt kammitsah.
     15  Jessu tulõsta kõnõli
     16  Jessu pallel´ palavast:
     17  Veege teedä mu esele
     18  Angõ teedä armillõ
     19  Jessu-poigo hukatas
     20  Vaga hinge vaivatas.
     21  Kiä vei sõna Jumalillõ
     22  And´ teedä armillõ?
     23  Kala keie kat´elah
     24  Pooli keie tõne jäie
     25  Tuu veie sõna Jumalillõ
     26  And´ teedä armille.
     27  Timä ütel´ Jumalille
     28  Marijille manitsõlli:
     29  Tulõ maalõ kaemahe
     30  Ilma kirjo kinnitämä
     31  Sino poigo hukatas
     32  Vaga veri vaivatas
pag. 344
     34  Jessu um sällüle tulõh
     35  Palavah pahepooli
     36  Vahru' täl pääh vaja' suuh
     37  Kümme sõrmõ köüdussih
     38  Kats´ kätt kammitsah.
     39  Ega no Marja usust võta-as
     40  Usust võta-as tõõs panõ-õs. -
     41  Jessu iks tulilta kõnõli
     42  Palavasta pajatõlli:
     43  Kiäki vii-i sõnna Jumalillõ
     44  Anna teedä armillõ
     45  Jessu iks poigo hukatas
     46  Vaga hinge vaivatas.
     47  Kiko keie kat´elah
     48  Pooli keie tõne jäie
     49  Tuu vei sõna Jumalillõ
     50  And´ teedä armillõ:
     51  Kuulõ sa Jessu mii jese
     52  Kuulõ Maarja mii maama
     53  Kallu sa maad kaema
     54  Ilma maad säädema
     55  Sino iks poigo hukatas
pag. 345
     57  Vaga veri vaivatas
     58  Jessu um sällüle tulõh
     59  Palavah pahepooli.
     60  Ega no Maarja usust võta-as
     61  Usust võta-as tõõst panõ-õs. -
     62  Jessu iks tulõsta kõnõli
     63  Jessu pallõl palavast
     64  Veege teedä mu esele
     65  Angõ teedä armillõ:
     66  Jessu-poigo hukatas
     67  Vaga veri vaivatas.
     68  Kiä vei sõna Jumalille
     69  And´ teedä armillõ?
     70  Olli vallah vaenõlats
     71  Ilma eseldä kananõ
     72  Lätsi ta taivastõ takast
     73  Sini- läts´ ta -pilvi perältä
     74  Vahapilvi vaihõlt
     75  Joosi ta Jumaldõ lävele
     76  Marijide paja ala
     77  Kulda- ta -rõngast koputõlli
     78  Hõpõlinki hel´otõlli.
pag. 346
     80  Kiä astõ aknillõ
     81  Kiä lävele lähesi?
     82  Jessu sääl astõ aknillõ
     83  Jessu lävele lähesi
     84  Jessu hõigas´ kolmõ tütärd
     85  Hõigas´ ta kattõ kanast
     86  Minge tii' ussõ kaema
     87  Ussõ tsõõrilõ morolõ
     88  Kiä koput´ kuldarõngast
     89  Hõpõlinki hel´otõllõs.
     90  Miä ol´l ilmah vaenõlats´
     91  Ilma eseldä kananõ
     92  Lätsi ta ette Essu poolõ
     93  Lätsi mano Marijallõ
     94  Heidi ta jalgo Essule
     95  Maalõ jalgo Marijallõ
     96  Kuulõ sa Essu mino ese
     97  Kuulõ Maarja mino maama
     98  Mille iks sina usust võta-ai
     99  Usust võta-ai tõõst panõ-ei
     100  Sullõ iks käve kümme käskü
     101  Sullõ sai sada sõnna
     102  Jessu um sul poiga tulila
     103  Vaga hing vaivossih.
     104  Tulõ sa maalõ kaema
     105  Saa ilmu säädemä
     106  Jessu sis hõigas´ kolmõ tütärd
     107  Kai ta kattõ kanast
     108  An´ne armas´ Katre kallis
     109  Hedo hellä tütereni
     110  Toogõ ruttu mu rõiva'
     111  Käre'ehe mu kängidse'
     112  Toogõ hõlsti hõbõhõtsõ'
     113  Toogõ kupa' kuldahurma'
     114  An´ne armas Katre kallis
     115  Hedo hellä tütereni
     116  Tõi ruttu na rõiva'
     117  Käre'ehe kängidse'
     118  Tõi hõlsti' hõbõhõtsõ'
     119  Tõi kupa' kuldahurma'
     120  Hõigas´ ta kolmõ sulasta
     121  Peteretä Paavelat
     122  Antsu armasta sulasta:
     123  Sulanõ sui' hobõnõ
pag. 348
     125  Palgaline panõ ette
     126  Mullõ tii' hiiro' ehitäge
     127  Mullõ varsa' valmistagõ.
     128  Pand´ ta ette hobõsõ
     129  Pand´ virga vehmrihe
     130  Jessu istõ ede pääle
     131  Püha Maarja perä pääle
     132  Vaenõlats´ vaihõle
     133  Tulli ta maalõ kaema
     134  Iihe ilmu säädmä
     135  Võti iks Essu ta tulilta
     136  Vaa hinge vaivussist
     137  Kümme sõrmõ köüdüssist
     138  Kats´ kätt kammitsast
     139  Sai iks ilma kui inne
     140  Sai päivä kui pääle
     141  Jessu sääd´ uma ilma
     142  Marja sääd´ uma maa.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

ERA II 154, 68/73 (8) 13 %
ERA II 209, 340/3 (8) 12 %
ERA II 151, 373/5 (5) 12 %
ERA II 117, 213/5 (3) 12 %
H II 4, 270/2 (118) 11 %
ERA II 267, 269/70 (96) 11 %
E, StK 33, 16/9 (4) 10 %
E, StK 32, 17/8 (11) 10 %
H I 6, 105/6 (13) 10 %
Veske 6, 347/55 (51) 10 %