H II 3, 83/6 (76)

h20300830076
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 83/6 (76)
INF_NIMI: (?)Vasila Taarka
LOC: Setu, (?) Hilana k.
TMP: 1889

     1  Vello läts nurmõ kündmä,
     2  Alla atra kandma,
     3  Löüse kuro kündvät,
     4  Käre akli käändvat,
     5  Võtt iks kivi kätte,
     6  Võtt sõmõra sõrmilõ,
     7  Kuro lei maha kündmäst,
     8  Käre akli käändmäst,
     9  Võtt iks kuro üskä,
     10  Võtt käre käe pääle,
     11  Vei kodo ime kätte,
     12  Esi küündü küsümä,
     13  Esi nõssi nõudma:
     14  Imekene, helläkene,
     15  Maamakõnõ, maräkõnõ,
     16  Mis seost tetänessä,
     17  Tetänessä, saanõnõssa?
     18  Vii iks aita mäele,
     19  Pääle aida päälikohe,
     20  Saista iks salvi nõalõ,
     21  Kurost saiõ iks kerge näio,
     22  Kärest käpe kabukõnõ,
     23  Tuu saie näio ime illos,
     24  Ilma illos, päävä vallus,
     25  Näio iks taas ärr taivahe,
     26  Istõ ilma veere pääle,
     27  Säält paist ese paja alla,
     28  Välke vele värehille,
     29  Säält kitt iks tiä ummi kindit,
     30  Avust iks ummi andit,
     31  Ütel kümme körditüt,
     32  Tõsõ kümme kördimätä
     33  Ütel sada sangatut,
     34  Tõsõ sada sangamata,
     35  Ütel tuhat trullitut,
     36  Tõsõ tuhat trullimata,
     37  Kiä johtu jo kuuldvat?
     38  Ago johtu jo kuuldvat,
     39  Ago tulli kosjovallõ,
     40  Kosjovallo, osjovallõ,
     41  Aiõ hobõsõ morolõ,
     42  Sada hobõst saibalõ,
     43  Tuhat tulba ümbrelle,
     44  Esi läts iks tarrõ tehrüteh,
     45  Kas um iks näiot kotoh,
     46  Helmekaala kambõrõh,
     47  Sinipõllõ põrmadul?
     48  Näio lausi meelestani,
     49  Lausi meele poolõstani,
     50  Ega iks saa-ai must ao naist,
     51  Ao puja mõrsijat,
     52  Aol um iks pallo huult,
     53  Õdagul iks nõsõmine,
     54  Hummogul iks kistumine, -
     55  Kitti ummi kindõhit,
     56  Avvustõli andõhit,
     57  Ütel kümme körditüt,
     58  Tõsõ kümme kördimäta,
     59  Ütel sada sangatut,
     60  Tõsõ sada sangamata,
     61  Ütel tuhat trullitut,
     62  Tõsõ tuhat trullimata,
     63  Kiä johtu kuuldvat?
     64  Päivä johtu kuuldvat,
     65  Päivä tulli kosjovallõ,
     66  Kosjovallõ, osjovallõ,
     67  Aiõ hobõsõ morolõ,
     68  Sada hobõst saiballõ,
pag. 84
     70  Tuhat tulba ümbrelle,
     71  Esi läts tarrõ tehrüteh,
     72  Tere iks tere, naise ese,
     73  Näio viisi vellotani,
     74  Kuusi kullast sõsarit,
     75  Pand tiä piitsa pingi pääle,
     76  Lask roosa lavva pääle,
     77  Jäll iks küündü küsümä,
     78  Kas um iks näiot kotoh,
     79  Helmekaala kambõrõh,
     80  Sinipõllõ põrmadul,
     81  Kas iks siist saa pääva naist,
     82  Pääva puja mõrsijat?
     83  Näio lausi meelestani,
     84  Lausi meele poolõstani,
     85  Ega iks siist saa-ai pääva naist,
     86  Päävä puja mõrsijat,
     87  Pääväl um iks pal´lo huult,
     88  Hummokult iks nõsõmine,
     89  Õdagult iks minemine, -
     90  Näio kitt iks kindõhit,
     91  Avvustõlli andõhit,
     92  Kiä johtu kuulõvat,
     93  Kuulõvat ja mõistavat?
     94  Kuu johtu kuulõvat,
     95  Kuulõvat ja mõistavat,
     96  Kuu lätsi kosjovallõ,
     97  Kosjovallõ, osjovallõ,
     98  Aiõ hobõsõ morolõ,
     99  Sada hobõst saiballõ,
     100  Tuhat tulba ümbrelle,
     101  Esi läts tarrõ tehrüteh,
     102  Pand piitsa pingi pääle,
     103  Lask roosa lavva pääle,
     104  Kas siist saa kuu naist,
     105  Kuu puja mõrsijat?
     106  Tere iks tere, näio ese,
     107  Tere iks tere, näio ime, -
     108  Näio lausi meelestani,
     109  Lausi meele poolõstani,
     110  Saa-ai siist kuu naist,
     111  Kuu puja mõrsijat,
     112  Kuul um pallo huult,
     113  Õdagult iks nõsõmine,
     114  Hummogult iks minemine,
     115  Keset üüd kistumine,
     116  Kõrra tiä kasvi, tõsõ katti,
     117  Kolmanda oll kooni ilma,
     118  Näio taas ärr taivahe,
     119  Istõ ilma veere pääle,
     120  Säält kitt ummi kindit,
     121  Avvust ummi andõhit,
     122  Kiä johtu kuulõvat?
     123  Tähti johtu kuulõvat,
     124  Tähti tuli kosjovalõ,
     125  Kosjovalo, osjovalõ,
     126  Aiõ hobõsõ morolõ
     127  Paadi perä paja alla,
     128  Esi läts tarrõ tehrüteh,
     129  Pand piitsa pingi pääle,
     130  Lask roosa lavva pääle,
     131  Tere tere, näio ese,
     132  Tere, tere, näio ime,
     133  Kas siist saa tähe naist,
     134  Tähe puja mõrsijat,?
     135  Näio lausi meelestani,
     136  Lausi meele poolõstani,
     137  Külep' siist saa tähe naane,
     138  Tähe puja mõrsija, -
     139  Näio esse, näio imme,
     140  Kattõ kallist vanõmbat,
     141  Näio viit velletani,
pag. 85
     143  Kuusi kullast sõsart,
     144  Kõik anni miilt ärr minnä, -
     145  Tähti seie, tähti jõiõ,
     146  Tähti mõõka tiristelli,
     147  Toogõ nätä näiokõnõ,
     148  Toogõ kaia kabokõnõ, -
     149  Milles ti kavva ehitellet,
     150  Milles ti ikõt ehiteh,
     151  Kahitsõllõt kabistõh?
     152  Näio ai sälgä säitse hamõht,
     153  Säitse käüst käe pääle,
     154  Viis villast rüvekeist, -
     155  Rõnda panni suurõ sõlõ,
     156  Niigu järve jahvikivi,
     157  Kaala köüt suure helme,
     158  Kui neo Rootsi rattarummi,
     159  Ette panni suurõ põllõ,
     160  Kui seo ese aida ussõ, -
     161  Tähte mõõka tiristelli,
     162  Toogõ jo nätä näiokõnõ,
     163  Toogõ kaia kabokõnõ,
     164  Näio jo ikul ehiteti,
     165  Kah´omeelel kabistõti,
     166  Sai nu näio valmis,
     167  Imel sai lats ehitüs,
     168  Näio tuu reke ripsahtu,
     169  Sattõ saani pardallõ,
     170  Rii parras jo painahtu,
     171  Tähti lausi meelestäni:
     172  Näio um jo liiga lihanu,
     173  Piht um väega paisunu, -
     174  Läts nu tähte minemä,
     175  Lätsi jo ärä tükü tiidä,
     176  Tükü tiidä, pallo maada,
     177  Jäie saani saisama,
     178  Rii perä pindrehe,
     179  Minetelli, tulõtõlli,
     180  Päse-es saani saisõmast,
     181  Rii perä pinderest,
     182  Oll tiä koolu kottal,
     183  Oll katsu kaalal,
     184  Minetelli, tulõtõlli,
     185  Tõotsõ rako ratsu pääd,
     186  Hüvvä hobõst jo hukata,
     187  Vasta koolust kõnõldi,
     188  Vasta kalmust kaitsõli,
     189  Anna tähti, miä annat,
     190  Tõoda tähti, miä tõotat,
     191  Ragogu-ui ärr ratsu pääd,
     192  Hüvvä hobõst ärr hukagu-ui,
     193  Anna sa ärr kabo kaali alt,
     194  Linnukõnõ lina rõivilt,
     195  Minetelli, tulõtõlli,
     196  Lää-äs tiile tähti hopõn,
     197  Lasõ-õs tiile lauki ratsu,
     198  Tõot sõs ärr kabo kaali alt,
     199  Linnukõsõ lina alt,
     200  Pässi ärr saani saismast,
     201  Perälavva pidesist,
     202  Kaiõ sõs näiot kaali alla,
     203  Linarõivast liigutõli,
     204  Löüse ollõv koolija riih,
     205  Kalmulise alla kaali,
     206  Hius täl heitü pää pääl,
     207  Veri paes palgõst,
     208  Lätsi jo kodo kullakõnõ,
     209  Saiõ majja maräkõnõ,
     210  Ime tull vasta vainijullõ,
     211  Ussõ tsõõrilõ morolõ,
     212  Tähti lausi meelestani,
     213  Lausi meele poolõstani,
     214  Imekene, helläkene,
     215  Maamakõnõ, maräkõnõ,
pag. 86
     217  Ärr sa iks kaegu-ui kaali alla,
     218  Linarõivast liigutagu-ui,
     219  Ega iks ime usus võta-as, -
     220  Tahti jäll lausi meelestäni,
     221  Imekene, helläkene,
     222  Um mul kuulijas riih,
     223  Kalmuline alla kaali,
     224  Oppa ma nu oppusõ,
     225  Taha ma anda tarkusõ,
     226  Ärr sa hinnäst heidütägu-ui,
     227  Ärr niä kokko kõnõli,
     228  Kohe mi koolija panõ,
     229  Kohe mi kata kalmulise,
     230  Näiol tulõ sugu suur,
     231  Sugu suur, masa vaiva, -
     232  Tõnõ tõsõlõ kõnõli,
     233  Tõnõ tõsõlt küsütelli,
     234  Kohes mi seo koolija panõ?
     235  Pankõ iks tähes taivahe,
     236  Pankõ merde sõmõras, -
     237  Näio ime nakas tunnistama,
     238  Kua um tähti kõgõ valusamp,
     239  Sõmmõr kõgõ veerüsämp,
     240  Näio imme hellakeist,
     241  Näio maama maräkõist,
     242  Kui iks tiä tull tuuhu kodo,
     243  Näio majja mahutõlli,
     244  Küsse tiä nätä näiokõist,
     245  Küsse kaia kabokõist,
     246  Kas um viil näio umah näoh,
     247  Osja umih rõivih?
     248  Tähti lausi meelestani,
     249  Lausi meele poolõstani,
     250  Aste sa aita mäele,
     251  Pääle aida päälikuhe,
     252  Ime sai nu aita astnus,
     253  Ese läts aita ilosahe,
     254  Vello aita verevähe,
     255  Meelü-üs ärr ime meelekene,
     256  Sütü-üs ärr haigõ süämekene,
     257  Kirstu läts kiriva külele,
     258  Vaka läts valgõ varolõ,
     259  Ime küündü küsümä,
     260  Ime nõssi nõudõma?
     261  Toogõ nätä näiokõnõ,
     262  Toogõ kaia kabokõnõ,
     263  Löüse jo ehte ikvat,
     264  Puutõ päite puhkvat,
     265  Ime küündü küsümä,
     266  Ime nõssi nõudõma,
     267  Midäs ti ikõt, ehtekese,
     268  Midäs puhut puutõ päite,
     269  Milles mi ikkõ-õi, ime hellä,
     270  Ku jää-äs meil päälepandjat,
     271  Jää-äs sälgäsäädjät, -
     272  Ime säält astõ arbijallõ,
     273  Ime tõugas tundijallõ,
     274  Saa-as api arbijast,
     275  Tulõ-õs tukõ tundijast,
     276  Ime säält tarrõ tagasi,
     277  Tarõ lävele lähesi,
     278  Kurvah sei, kurvah jõi,
     279  Kurvah iks Jumalat kumard,
     280  Kurvah istõ istõmillõ -
     281  Milles saa'ks api arbijast,
     282  Tulõ-õs tukõ tundijast,
     283  Inne iks nõsku-ui nõia käe,
     284  Aronõgu-ui arbija sõrmõ.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 4, 472/83 (199) 15 %
H II 4, 151/8 (63) 14 %
Veske kad., 123/6 (1) 12 %
H I 8, 349/50 (7) 10 %
H I 6, 195/8 (9) 10 %

Contains poems

EÜS V 586 (69)   54 %