H II 3, 79/81 (73)

h20300790073
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 79/81 (73)
INF_NIMI: (?)Vasila Taarka
LOC: Setu, (?) Hilana k.
TMP: 1889

Kosäkaup.
     2  Velekene, noorõkõnõ,
     3  Tekk suvõl suurta reke,
     4  Talvõl jalasit tahosi,
     5  Külelaudu kirotõlli,
     6  Edelaudo ilostõlli,
     7  Sai sis saani valmis,
     8  Saani küle kirotõdus,
     9  Kohes minnä kosjovallõ,
     10  Minnä naista naitõmahe,
     11  Minnä Riiga kosjovalõ,
     12  Narva naista võttõmahe,
     13  Riia tütär olli ilmarikas,
     14  Narva tütär naistõ lännü,
pag. 80
     16  Mere tütär mehele lännü,
     17  Kuiva tütärt lätsi kosjolõ,
     18  Väinä tütärt võitämä,
     19  Kuiva tütär oll ärr koolnu,
     20  Väinä tütär väikene,
     21  Sõidi vello, jõusõ vello,
     22  Sõidi tükü Türgumaada,
     23  Raaskõsõ rannamaada,
     24  Veidükese Vinnemaada,
     25  Hopõn oll alla aotäht,
     26  Meesi pääl päävä poiga,
     27  Rannast näidise nägevä,
     28  Rannast kaesõ kabõhise,
     29  Kes tuu suuri sõidanassa?
     30  Sälä takast um säksalanõ,
     31  Mant kaia maakündjä.
     32  Kalõvast um kosilanõ,
     33  Kindist kaia um kirämiis,
     34  Olõs seo muna mullõ saasi,
     35  Upin mullõ unõhusi,
     36  Sõs ma piäs peo pääl,
     37  Kannas kaabu veere pääl.
     38  Sõidi toolõ talolõ,
     39  Essü noilõ eläjile,
     40  Koh oli karratsõ katusõ,
     41  Hõbõhõtsõ aiavitsa,
     42  Oli aia loona luudu,
     43  Värä ette esi kasunu,
     44  Aiõ hobõsõ morolõ,
     45  Paadi perä paja alla,
     46  Lätsi tarrõ tehrütämä,
     47  Tehrutämä ja teretämä,
     48  Tere, tere, näio ime,
     49  Näio ime, näio ese,
     50  Näio katsi kasvataja,
     51  Näio vanõmba mõlõmba,
     52  Heidi piitsa pingi pääle,
     53  Lasi piitsa lavva pääle,
     54  Kas um näio kotohna,
     55  Helmekaala kambõrah,
     56  Näio kudi kirjo kinnast,
     57  Vasitsil vardõhil,
     58  Käest panni kirjo kinda,
     59  Pääle vaski vardakõsõ,
     60  Näio läts merest vetta tuuma,
     61  Karratsil kannipuil,
     62  Perrä vinnü vello nuuri,
     63  Perrä kaldu imekana,
     64  Ärä lausi meelestani,
     65  Lausi meele poolõstani,
     66  Näiokõnõ, noorõkõnõ,
     67  Imekana helläkene,
     68  Teke mi ujal umatsõs,
     69  Laanõ veereh langutsõs,
     70  Vello lausi meelestani,
     71  Lausi meele poolõstani:
     72  Anna vetta verevä juvva,
     73  Anna musta muuskahutta,
     74  Näio lausi meelestani,
     75  Lausi meele poolõstani,
     76  Oh sa ulli noori meesi,
     77  Taiolda talopoig,
     78  Mul um kottoh kolmi kaivo,
     79  Viisi vetta velitsil,
     80  Vello lausi meelestani,
     81  Lausi meele poolõstani,
     82  Näiokõnõ, noorõkõnõ,
     83  Imekana helläkene,
     84  Mis sa nu näio tühjä kität,
pag. 81
     86  Asända avvustotõ,
     87  Vet ma käve sino kotoh,
     88  Tandsõ sino tanomih,
     89  Pereh süü sul pedäjäkuuri,
     90  Latsõ haardva haavakuuri,
     91  Linaluinõ sul leevakene,
     92  Aganane taarikõnõ,
     93  Teke iks ärr ujal umatsõs,
     94  Laane veereh langutsõs,
     95  Teie sis ujal umatsõs,
     96  Laanõ veereh langutsõs,
     97  Naksi kulla kodo tulõma,
     98  Sõidi vello, jõudsõ vello,
     99  Sõidi koolu kottalõ,
     100  Sõidi kalmu külele,
     101  Jäie saani saisõmahe,
     102  Perälavva pidesihe,
     103  Regi kivvi kinnähtü,
     104  Tulõtõllõ, minetelli,
     105  Päse-es saani saisõmast,
     106  Perälavva pidesist,
     107  Vällä tulli Tooni näio,
     108  Vällä kalmu kabohise,
     109  Anna meesi, miä annat,
     110  Tõoda meesi, miä tõotat,
     111  Toodi tiä kimpu kindõhit,
     112  Kattõ kimpu kaputit,
     113  Tulõtõlli, minetelli,
     114  Päse-es saani saisõmast,
     115  Tõoda meesi, miä tõotat,
     116  Lupa meesi, miä lupat,
     117  Tõodi litto linikitta,
     118  Tõodi hüvvi hamõhita,
     119  Tulõtõlli, minetelli,
     120  Päse-es saani saisõmast,
     121  Perälavva pidesist,
     122  Tõoda meesi, miä tõotat,
     123  Tõot timä sata sajamiist,
     124  Pääle kattõ kaasikõtta,
     125  Tulõtõlli, minetelli,
     126  Päse-es saani saisõmast,
     127  Perälavva pidesist,
     128  Tõodi tiä kapo kaali alt,
     129  Tõodi noorõ nuku alt,
     130  Tulõtõlli, minetelli,
     131  Pässi sis saani saisõmast,
     132  Sõidi tükü Türgümaada,
     133  Natukõsõ Narvamaada,
     134  Uma sai kodo kottalõ,
     135  Ummi nurmi otsalõ,
     136  Ummi veljo veerele,
     137  Nägünesse, kuulunõssõ,
     138  Kiä tull vasta võtamahe
     139  Saanist maaha saatmahe?
     140  Ime tull vasta võtõmahe,
     141  Saanist maaha saatmahe,
     142  Haard timä kaia kaali ala,
     143  Heit silmä sõba ala,
     144  Löüse ollõv koolija riih,
     145  Kabokõsõ kaali all.
     146  Ime sõs ikulõ isosi,
     147  Ime nõssi nõrõsillõ,
     148  Lei timä käe käta vasta,
     149  Tõist vasta tõrahuti,
     150  Pujakõnõ, poisikõnõ,
     151  Miä saa nu meist vaesist,
     152  Miä meist armõtuist?
     153  Imekene, hellakene,
     154  Maama mesimaräkõnõ,
     155  Tuu saa meist vaesist,
     156  Inneaigu armõtuist,
     157  Minnij saa merde sõmõras,
     158  Poiga tähes taivahe,
     159  Läät sa merest vetta tuuma,
     160  Kae sa merde sõmõrat,
     161  Miä oll sõmmõr sorõhõmp,
     162  Tuu su meelikas minijä,
     163  Läät sa ussõ kaema,
     164  Miä um tähti valusamp,
     165  Tuu um sino poigovani.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 3, 72/3 (64) 63 %
H I 6, 80/1 (2) 27 %
H II 3, 19/22 (11) 14 %
H, Jagomann 492/501 (12) 13 %
H, Mapp 648/9 (47) 13 %
H, Jagomann 582/9 (39) 13 %
H III 29, 835/9 (22) 12 %
E, StK 32, 20/2 (13) 12 %
H I 6, 201/4 (12) 12 %
H II 59, 247/55 (2) 11 %
ERA II 117, 191, 196/206 (1) 11 %
E 29306/16 (32) 11 %
Veske 6, 283/99 (44) 10 %
H II 4, 298/301 (129) 10 %
H II 62, 657/9 (14) 10 %
ERA II 154, 55/68 (7) 10 %
E, StK 22, 17/9 (15) 10 %
E, StK 22, 5/7 (4) 10 %