H II 3, 76 (68)

h20300760068
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 76 (68)
INF_NIMI: Vasila Taarka
LOC: Setu, Hilana k.
TMP: 1889

     1  Tulli üles hummongult,
     2  Inne varra valgõhõt,
     3  Kua huul edimane?
     4  Lätsi ussõ kaemahe,
     5  Muil oll moro ärr pühit,
     6  Oll lakõ ärr laabit,
     7  Mul oll moro pühkimätä,
     8  Lakõ väli laabimalda,
     9  Haari ma pühki puudõhilla,
     10  Laapi vüü langasilla,
     11  Saa-as puhas puudõhil,
     12  Lakõ vüü langasil,
     13  Lätsi aita ehtimähe,
     14  Pääle aida päälikohe,
     15  Sälgä aiõ hüä hammõ;
     16  Pääle keeri kitasniku,
     17  Vüüle köüt suurõ vüüräti
     18  Nii kui Viro loogakirjä,
     19  Rõnda panni suurõ sõlõ,
     20  Nii kui kuu taivah,
     21  Nii kui järve jahvikivi,
     22  Ette panni suurõ sõlõ,
     23  Nii kui ese aida ussõ,
     24  Läts sõs lindu muilõ mailõ,
     25  Kuldalindu kavvõtahe,
     26  Kiä vasta puttusigi,
     27  Puttusigi, johtusigi?
     28  Puttu vasta edo ilma,
     29  Edo ilma, päävä poiga,
     30  Aiõ rõndo riidõlõma,
     31  Aiõ kaala kakõlõma.
     32  Riibi rõnnast, kaki kaalast,
     33  Riibi rõnnast ristikõrra,
     34  Kaki kaalast helmekõrra, -
     35  Võtt vüült vaiva väidse,
     36  Võtt tupõst tuima ravva,
     37  Sisse söödi süämehe,
     38  Sisse joodi julgõhe,
     39  Tapi ära edo ilma,
     40  Edo ilma, päävä poiga,
     41  Sai iks saapa verega,
     42  Kaput hurmakarvaline,
     43  Tulli sõs kodo kurvaline,
     44  Ikkõh ese morolõ,
     45  Kurva seie, kurva jõiõ,
     46  Kurva istõ istumõllõ,
     47  Kurva paigalõ panõhtu,
     48  Kiä küündü küsümähe?
     49  Ese küündü küsümähe,
     50  Milles um sul saabas verine,
     51  Kaput hurmakarvaline?
     52  Kui ma ääsä kotost lätsi,
     53  Vällä veere velisist,
     54  Puttu vasta edo ilma,
     55  Edo ilma, päävä poiga,
     56  Aiõ rõndo riidõlõma,
     57  Aiõ kaala kakõlõma,
     58  Säält sõs veidü ma vihasi,
     59  Raasa pallo ma pahasi,
     60  Tapi ärä edo ilma,
     61  Edo ilma, päävä poiga,
     62  Selle mul saabas verine,
     63  Kaput hurmakarvaline,
     64  Ärä ikku-ui, tütäreni,
     65  Ärä ikku-ui, murõhtagu-ui,
     66  Mul umma viil vahtsõ vajah,
     67  Katõ, kolmõ kambõrõh,
     68  Võti vällä välgähti,
     69  Panni pääle pälgähtü.-
     70  Hamõ massi halva liina,
     71  Käüs massi kümme küllä,
     72  Kirä kehvätse keriku.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

Veske 6, 80/7 (14) 21 %
H II 62, 692/3, 719 (57) 21 %
ERA II 278, 638/42 (12) 16 %
E, StK 25, 108/17 (19) 15 %
ERA II 190, 580/4 (11) 14 %
ERA II 267, 19/25 (2) 14 %
H II 4, 163/7 (65) 12 %
ERA II 175, 220/3 (2) 12 %
EKmS 8° 4, 70/5 (25) 12 %
H II 4, 508/11 (206) 12 %
H I 6, 232/4 (5) 12 %
EKmS 8° 4, 502/5 (5) 12 %
ERA II 126, 369/72 (2) 11 %
E, StK 22, 131/3 (7) 11 %
H, Jagomann 744/5 (73) 11 %
ERA II 154, 53/4 (6) 10 %
E, StK 32, 18/9 (12) 10 %
ERA II 267, 42/8 (5) 10 %
E, StK 25, 171/6 (28) 10 %
H II 4, 262/4 (114) 10 %
H II 64, 680/3 (4) 10 %