H II 3, 72/3 (64)

h20300720064
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 72/3 (64)
INF_NIMI: Vasila Taarka
LOC: Setu, Hilana k.
TMP: 1889

     1  Olli ütsi väiko vello,
     2  Oh mi nuurta vellotani,
     3  Suvõ teie suurta reke,
     4  Talvõ jalasit tahosi,
     5  Külelaudu kirotõlli,
     6  Perälaudu pilutõlli,
     7  Kohes sai minnä kosjovallõ,
     8  Lätsi Riiga kosjovallõ,
     9  Narvast naista võtõmahe,
     10  Riia tütär ilmarikas,
     11  Kuiva tütär um ärr koolu,
     12  Väänä tütär um väikene,
     13  Narva tütär um naistõ lännu,
     14  Mere tütär um mehele lännü. -
     15  Sõidi timä tükü Türgümaada,
     16  Sõidi pallo Poolamaada,
     17  Natukõsõ Narvamaada.
     18  Sõidi toolõ talolõ,
     19  Essü toolõ elajälle,
     20  Kohe olli aia loona luudu,
     21  Värä ette esi kasunu.
     22  Kuldaristi kao pääle,
     23  Hõpõristi riida pääle,
     24  Aiõ hobõsõ morolõ,
     25  Paadi perä paja ala.
     26  Lätsi tarrõ tehrütämä,
     27  Heidi päitse pingi pääle,
     28  Lasi kinda lavva pääle,
     29  Tere, tere, näio ime,
     30  Tere, tere, näio ese,
     31  Näio katsi kasvataja,
     32  Kas um nu näioni kotoh,
     33  Helmekaala kambõrõh,
     34  Sinipõllõ põrmandul? -
     35  Näio lätsi merest vetta tuuma,
     36  Karratsilla kannipuila,
     37  Vasitsilla vangupuila, -
     38  Perrä veerü noori vello,
     39  Perrä karas imekana,
     40  Näiokõnõ, noorõkõnõ,
     41  Kas saa vetta verevä juvva,
     42  Musta ruuna mudsutõlla,
     43  Oh sa ulli noori meesi,
     44  Oh sa petis peiokõnõ,
     45  Kol' um mul kaivo kotohna,
     46  Viis um kaivo velisil,
     47  Üteh um ollut mul otsani,
     48  Tõsõh virret veeretasa,
     49  Kolmandah mõtu mõõdõtullõ,
     50  Näiokõnõ, noorõkõnõ,
     51  Mis sa tühjä kittelet,
     52  Ilma asända avvustõlõt,
     53  Eelä käve ma sino kotoh,
     54  Tandsõ sino tanomih,
     55  Linaluinõ sul leeväkene,
     56  Agananõ sul taarikõnõ,
     57  Pere seie sul pedäjäkuuri,
     58  Latsõ haari haavakuuri, -
     59  Teke mi nu ujal umatsõs,
     60  Laanõ veereh langutsõs,
     61  Teie sis ujal umatsõs,
     62  Laanõ veereh langutsõs,
pag. 73
     64  Nakas kodo tulõma,
     65  Vello kodo veerümä,
     66  Sõidi sõs kodo poisikõnõ,
     67  Sõidi tükü Türgümaada,
     68  Natukõsõ Narvamaada,
     69  Jäie saani saisõmahe,
     70  Regi kivvi kinnähtü. -
     71  Tulõtõlli, minetelli,
     72  Päse-es saani saisõmast,
     73  Peralavva pihlapuist,
     74  Tõoda meesi, miä tõotat,
     75  Anna meesi, miä annat,
     76  Toodi tiä kimpu kindõhit,
     77  Kattõ kimpu kaputit,
     78  Tulõtõlli, minetelli,
     79  Päse-es saani saisõmast,
     80  Tõoda meesi, miä tõotat,
     81  Lupa meesi, miä lupat,
     82  Tõodi litto linikitta,
     83  Tõodi hüvvi hamõhita,
     84  Tulõtõlli, minetelli,
     85  Päse-es saani saisõmast,
     86  Perälavva pidesist,
     87  Tõoda meesi, miä tõotat,
     88  Tõot timä sata sajamiist,
     89  Pääle kattõ kaasikõtta,
     90  Tulõtõlli, minetelli,
     91  Päse-es saani saisõmast,
     92  Perälavva pidesist,
     93  Tõodi tiä kapo kaali alt,
     94  Tõodi noorõ nuku alt,
     95  Tulõtõlli, minetelli,
     96  Pässi sis saani saisõmast,
     97  Sõidi tükü Türgümaada,
     98  Natukõsõ Narvamaada,
     99  Uma sai kodo kottalõ,
     100  Ummi nurmi otsalõ,
     101  Ummi veljo veerele,
     102  Nägünesse, kuulunõssõ,
     103  Kiä tull vasta võtamahe
     104  Saanist maaha saatmahe?
     105  Ime tull vasta võtõmahe,
     106  Saanist maaha saatmahe,
     107  Haard timä kaia kaali ala.
     108  Heit silmä sõba ala,
     109  Löüse ollõv koolija riih,
     110  Kabokõsõ kaali all.
     111  Ime sõs ikulõ isosi,
     112  Ime nõssi nõrõsillõ,
     113  Lei timä käe käta vasta,
     114  Tõist vasta tõrahuti,
     115  Pujakõnõ, poisikõnõ,
     116  Miä saa nu meist vaesist,
     117  Miä meist armõtuist?
     118  Imekene, hellakene,
     119  Maama mesimaräkõnõ,
     120  Tuu saa meist vaesist,
     121  Inneaigu armõtuist,
     122  Minnij saa merde sõmõras,
     123  Poiga tähes taivahe,
     124  Läät sa merest vetta tuuma,
     125  Kae sa merde sõmõrat,
     126  Miä oll sõmmõr sorõhõmp,
     127  Tuu su meelikas minijä,
     128  Läät sa ussõ kaema,
     129  Miä um tähti valusamp,
     130  Tuu um sino poigovani.
(Tõisend!)

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 3, 79/81 (73) 63 %
H I 6, 80/1 (2) 25 %
H II 3, 19/22 (11) 16 %
H, Jagomann 582/9 (39) 13 %
H, Mapp 648/9 (47) 13 %
H III 29, 835/9 (22) 13 %
E, StK 22, 17/9 (15) 12 %
H, Jagomann 492/501 (12) 12 %
E, StK 32, 20/2 (13) 11 %
Veske 6, 283/99 (44) 11 %
H, Wiedemann IV, 5/7 10 %
H II 62, 657/9 (14) 10 %
H, Mapp 1237/8 10 %
ERA II 117, 191, 196/206 (1) 10 %
H II 59, 247/55 (2) 10 %
H I 6, 201/4 (12) 10 %
E, StK 22, 5/7 (4) 10 %