H II 3, 44/5 (30)

h20300440030
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 44/5 (30)
LLIIK: Pulmalaulud
LOC: Setu
TMP: 1889

Saaja laulu.

Sõsarõllõ. b
     3  Sullõ lää, sõsarõkõnõ, ma ligi linnukõnõ,
     4  Sullõ lää, sõsarõkõnõ, ma maalõ maräkõnõ,
     5  Sullõ, sõsarõkõnõ, ma jalga kumarda,
     6  Sullõ, sõsarõkõnõ, ma mari maalõ heidä,
     7  Pääle naka, sõsarõkõnõ, ma kõrda kõnõlama,
     8  Armujuttu, sõsarõkõnõ, ma naka ajama,
     9  Ära sina nu, sõsarõkõnõ, nii teku-ui,
     10  Ära nu, sõsarõkõnõ, sa uma nii olgu-ui,
     11  Ku teie, sõsarõkõnõ, ma vaenõ näiokõnõ,
     12  Ku teie, sõsarõkõnõ, ma meelimarakõnõ,
     13  Ku mullõ, sõsarõkõnõ, kosä kodo tuli,
     14  Au mullõ, sõsarõkõnõ, astõ lävele,
     15  Edo mina, sõsarõkõnõ, iks olli ullikõnõ,
     16  Ära mina, sõsarõkõnõ, aita pagõsi,
     17  Tõistõ tarrõ, sõsarõkõnõ, ma ärä tagasi,
     18  Aidast, sõsarõkõnõ, ma näio antigi,
     19  Tõsõst tarõst, sõsarõkõnõ, ma vällä taadõti, -
     20  Sullõ oppa, sõsarõkõnõ, ma hüä oppusõ,
     21  Taha anda, sõsarõkõnõ, sullõ tarkusõ,
     22  Ku sullõ, sõsarõkõnõ, nu kosä kodo tulõva
     23  Viina sullõ, sõsarõkõnõ, nu viirvä velisille,
     24  Ära sa, sõsarõkõnõ, sõs aita paeku-ui,
     25  Tõistõ tarrõ, sõsarõkõnõ, sa ärr taaku-ui,
     26  Aidast, sõsarõkõnõ, sa näio ärr andat,
     27  Tõsõst tarõst, sõsarõkõnõ, sa vällä taadätat,
     28  Illos um, sõsarõkõnõ, teil uibuaida,
     29  Verev um, sõsarõkõnõ, teil vislapuuaida,
     30  Uibuaida, sõsarõkõnõ, sa pakõ ilosahe,
     31  Verevähe, sõsarõkõnõ, sa pakõ vislapuuaida,
     32  Illos anna, sõsarõkõnõ, sa uppin uibust,
     33  Verev anna, sõsarõkõnõ, sa mari vislapuist,
     34  Sõs jäät, sõsarõkõnõ, sa kodo kullakõnõ,
     35  Majja jäät, sõsarõkõnõ, sa meelimarakõnõ,
pag. 45
     37  Kotoh um, sõsarõkõnõ, sul kullanõ elo,
     38  Ime man, sõsarõkõnõ, um imändä elo,
     39  1
(Peräh andmist)
Seo iist, sõsarõkõnõ, olõ sa terveh aitümma,
     40  Kallis saagu, sõsarõkõnõ, sa kavva elämä,
     41  Mullõ anni, sõsarõkõnõ, sa hüä vüükese,
     42  Mullõ anni, sõsarõkõnõ, sa kinä kirälitse,
     43  Seo saa, sõsarõkõnõ, mul saajo pääle,
     44  Kosilasõlõ saa, sõsarõkõnõ, mul kaala heitä,
     45  Säänest olõ-õi, sõsarõkõnõ, kirjä mino kirstuh,
     46  Alla kaanõ, sõsarõkõnõ, olõ-õi mul kaunimba,
     47  Seeh oll, sõsarõkõnõ, teil sada sinist,
     48  Viiskümmend, sõsarõkõnõ, oll teil verevit,
     49  Kulla umma, sõsarõkõnõ, sul otsa koetu,
     50  Vasõ umma, sõsarõkõnõ, sul viirde valõtu,
     51  Seo iist olõ, sõsarõkõnõ, sa terveh aitümma,
     52  Kallis saagu, sõsarõkõnõ, sa kavva elämä,
     53  Aitümma, olõ terve, sõsarõkõnõ, sa mullõ andmast.
1 (Peräh andmist)

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 3, 53/4 (38) 11 %
H II 3, 43 (29) 10 %