H II 3, 34/6 (19)

h20300340019
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 34/6 (19)
LOC: Setu
TMP: 1889

Vele otsmine.
     2  Vello läts varra nurmõ pääle,
     3  Inne päivä hitskõmile,
     4  Mino vello läts varahamba,
     5  Astõ vällä aiksamba,
     6  Vello lausi meelestani,
     7  Lausi meele poolõstani,
     8  Ime sa rutu ruvva heidä,
     9  Sõsar sa pia perrä tuu,
     10  Ime ruttu ruvva heidi,
     11  Sõsar pia perrä veie,
     12  Lövvä-äs velja kündmäh,
     13  Imekanna atra kandmah,
     14  Küppär oll jäänü kummuli,
     15  Kaab adra kaalalõ,
     16  Haari küsü kübärält,
     17  Haari kaoga kõnõlda,
     18  Küppär külmäste kõnõli,
     19  Kaab kalõst vasta lausi,
     20  Olõ-õi sul veljä kündmäh
     21  Imekanna atra kandmah,
     22  Vesi um veenü sino vello,
     23  Vesi veenü, pilve petnü -
     24  Vesi veie umas veles,
     25  Pilve umas perres,
     26  Säält nu näio kodo joostõh joosi,
     27  Ütli umalõ imele,
     28  Lövvä-äs ma veljä kündmäh
     29  Imekanna atra kandmah,
     30  Imekene helläkene:
     31  Küdsä kuu kukõlit,
     32  Mano pääva pätsikit,
     33  Lää ma veljä otsmahe
     34  Imekanna kaemahe,
     35  Panõ sa valgõ vadsakott,
     36  Linikanõ leeväkott,
     37  Ime kullõl mino sõnna,
     38  Mõistsõ mino meelekese,
     39  Küdsi ärr kuu kukõlit,
     40  Mano päävä pätsikit,
     41  Pand valgõ vadsakoti,
     42  Linikatsõ leeväkoti,
     43  Lätsi sõs velja otsmahe,
     44  Imekanna kaemahe,
     45  Lätsi sõs tükü tiidä,
     46  Tükü tiidä, pallo maada,
     47  Kiä täll' vasta putusigi?
     48  Külä kündijä velitse,
     49  Adrakandja imekana,
     50  Haari ma näio tehrütellä,
     51  Tehrütellä, küsütellä;
     52  Kas ti näie mu velloda?
     53  Imekanna kavatsõlli? -
     54  Nimä lausi meelestani,
     55  Lausi meele poolõstani:
pag. 35
     57  Miä oll tähte su velel?
     58  Kua arvu armal?
     59  Näio lausi meelestani,
     60  Lausi meele poolõstani:
     61  Tuu oll tähte mu velel:
     62  Vallus oll veri, vahanõ hius,
     63  Lina oll hamõh, liina vüü,
     64  Sõrmõ olli täüs sõrmilisi
     65  Peoh olli täl paiupillikese,
     66  Nimä lausi meelestani,
     67  Lausi meele poolõstäni:
     68  Ega mi näe-es su velle,
     69  Imekanna kavatsõllõ-õs,
     70  Eski oll meil ohto umma,
     71  Oll kaiho katõvõrra,
     72  Adra arolõ lagosi,
     73  Leeväpuu lepistühe,
     74  Lätsi, lätsi näiokõnõ,
     75  Tükü tiida, pallo maada,
     76  Kiä tuu vasta puttusigi?
     77  Külä põimija sõsarõ,
     78  Tsirbikandja imekana,
     79  Näio haari tehrütellä,
     80  Tehrütellä, küsütellä:
     81  Kas ti näie mu vello,
     82  Imekanna kavatsõlli?
     83  Nimä lausi meelestani,
     84  Lausi meele poolõstani:
     85  Miä oll tähte su velel?
     86  Miä arvu su armal?
     87  Vallus oll veri, vahanõ hius,
     88  Lina oll täl hamõh, liina vüü,
     89  Sõrmõ oli tävve sõrmilisi,
     90  Peoh paiupillikese,
     91  Nimä lausi meelestani,
     92  Lausi meele poolõstani,
     93  Ega mi näe-es su vello,
     94  Imekanna kavatsõllõ-õs,
     95  Meil oll ohto eski umma,
     96  Meil oll kaiho katõvõrra,
     97  Ega päivi tsirbi murri,
     98  Tsirbi murri, sõrmõ lõiksi.
     99  Lätsi, lätsi, näiokõnõ,
     100  Kiä tuu vasta putusigi?
     101  Putusigi, johtusigi?
     102  Külä ka´rusõ sõsarõ,
     103  Vitsavõtja virvekese,
     104  Näio haari tehrütella,
     105  Tehrütella nõvvatõlla,
     106  Kas ti näie mino vello,
     107  Imekanna kavatsõli?
     108  Nimä lausi meelestani,
     109  Lausi meele poolõstani,
     110  Miä oll tähte su velele,
     111  Kua arvu armalõ?
     112  Vallus oll veri, vahanõ hius,
     113  Lina oll täl hamõh, liina vüü,
     114  Sõrmõ olli täl tävve sõrmulitsi,
     115  Peoh paiupillikese,
     116  Tuu oll tähte mu velele,
     117  Tuu arvu armalõ,
     118  Nimä tõotsõ vasta lausta,
     119  Tõotsõ targastõ kõnõlda,
     120  Ega mi näe-es su velle,
     121  Imekanna kavatsõllõ-õs,
     122  Eski oll meil ohtu umma,
     123  Oll kaiho katõvõrra,
     124  Ega päivi kari kattõ,
     125  Kari kattõ, vili süüdi,
     126  Maalõ murti Murik lehm,
     127  Maaha kisti Kiräs lehm,
     128  Lätsi, lätsi näiokõnõ,
     129  Kiä vasta putusigi,
     130  Putusigi, johtusigi?
     131  Putu vasta vana miisi,
     132  Vana miisi, puhas poissi,
     133  Näio haari tehrütellä,
     134  Tehrütellä, küsütellä,
     135  Kas ti näie mu vello,
pag. 36
     137  Imekanna kavatsõlli?
     138  Vana meesi lausi meelestani,
     139  Lausi meele poolõstani:
     140  Näiokõnõ, noorõkõnõ,
     141  Mine ruttu ruu poolõ,
     142  Mine pia Piusa poolõ,
     143  Vello um sääl sällüle vesil,
     144  Käe lajalõ lainil,
     145  Lätsi ma pia Piusa poolõ,
     146  Lätsi ruttu ruu poolõ,
     147  Vello oll sääl sällüle vesil,
     148  Käe lajalõ lainil,
     149  Näio lausi meelestani,
     150  Lausi meele poolõstani:
     151  Veerü sa välla, noori vello,
     152  Kallu vällä, imekana,
     153  Vello vesilta kõnõli,
     154  Sõna lausi lainõlt,
     155  Minka ma sõvva sõsareni,
     156  Minka ma sõvva imekana?
     157  Sõda veie mul sõvvinõo,
     158  Vainu vei mõla mõlõmba,
     159  Näio lausi meelestani,
     160  Lausi meele poolõstani,
     161  Anna ma sullõ sõlõ sõuda,
     162  Sõlõ tele teele tulla,
     163  Vello vesilta kõnõli,
     164  Sõna lausi lainõlt:
     165  Saa-ai mul sõlõl sõvvõtus,
     166  Sõlõ telel teele tultus,
     167  Tõi ma sinitse vesile,
     168  Kõlla langa laini'ille
     169  Tei pu´ro puutitsõ,
     170  Tei laiva langasitsõ,
     171  Tuli tuuli jumalist,
     172  Helü hellä Maarijalt,
     173  Tuu vei sinitse vesilta,
     174  Kõlla langa laini'ilt,
     175  Puut puro puutitsõ,
     176  Laot laiva langasitsõ,
     177  Lei ma käe kätt vasta,
     178  Tõist vasta tõrahuti,
     179  Mia mul tetta kohe minna?
     180  Jäta mul vello vesile,
     181  Imelatsi laini'illõ,
     182  Võti ma kirvõ kätte,
     183  Kuuda kuralõ olalõ,
     184  Lätsi ma mõtsa näiokõnõ,
     185  Kaldu mõtsa kabokõnõ,
     186  Putu vasta kõrki kõivo,
     187  Haari ma näio küsütellä,
     188  Küsütellä, nõvvatõlla:
     189  Kas saa sust vele vinnehta,
     190  Vaestõlastõ lootsikut?
     191  Kõivo tõitsõ vasta lausta:
     192  Saa-ai must vello vinnehta,
     193  Vaestõlastõ lootsikut,
     194  Alt mul viiäs makõ mahl,
     195  Veerest lehese lõigutasõ,
     196  Lätsi, lätsi näiokõnõ,
     197  Kaldu ma kulla kabokõnõ,
     198  Kiä vasta putusigi?
     199  Putu vasta kahar kattai.
     200  Haari ma näio küsütellä,
     201  Küsütellä, nõvvatõlla:
     202  Kas sust saa vele vinnehta,
     203  Vaestõlastõ lootsikut?
     204  Kostõ vasta kahar kattai:
     205  Saa must vele vinnehta,
     206  Vaestõlastõ lootsikut,
     207  Saiõ mullõ matal vinneh,
     208  Saie mullõ lagja lootsik,
     209  Pässi sõs vello vesilta,
     210  Kostõ vällä kuiva pääle.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 4, 511/7 (207) 23 %
H II 32, 972/6 (6) 23 %
H II 4, 287/93 (125) 18 %
Veske 6, 255/270 (42) 16 %
E 18424/6 (2) 16 %
E, StK 33, 29/34 (8) 15 %
Veske 6, 28/34 (6) 14 %
H I 8, 91/2 13 %
H I 10, 520/3 (6) 12 %
Veske 6, 186/206 (36) 12 %
H II 4, 496/504 (204) 12 %
ERA II 175, 209/19 (1) 11 %
H III 26, 444/9 (2) 11 %
E, StK 33, 49/54 (12) 10 %
E, StK 32, 23/4 (14b) 10 %
E, StK 22, 43/5 (33) 10 %
H, Jagomann 626/9 (50) 10 %