H II 3, 28/30 (14)

h20300280014
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 28/30 (14)
LOC: Setu
TMP: 1889

Puu ragomine.
     2  Tuli üles hummogulla,
     3  Inne varra valgõt,
     4  Miä tüü edimäne,
     5  Miä huuli hummogulla?
     6  Sorrõ suu mõskõmine,
     7  Käppe jala kängemine,
     8  Känge jala käbehehe,
     9  Ala jala abara,
     10  Lätsi ma kängil käümä,
     11  Apparjalal astma,
     12  Lätsi ma sõs tükü tiida,
     13  Maada mara võrrakõsi,
     14  Midä löüse minnehnani,
     15  Kuvva kodo tullõhnani?
     16  Löüse tammõ ikõvat,
     17  Pikä puu puhkõvat,
     18  Tammõ iki tasatsõl,
     19  Pikä puu piiri pääl,
     20  Vaher nõrga nõdsu pääl,
     21  Mina küündü küsümä,
     22  Mina nõssi nõudema,
     23  Midäs sa ikõt tammõkõnõ,
     24  Puhut pikä puukõnõ?
     25  Tammõ lausi tasatsõlt,
     26  Pikä puu piiri päält;
     27  Vaher nõrga nõdsu päält:
     28  Muu puu iks raoti,
     29  Mesipuilõ puhastõti,
     30  Vahapuilõ valmistõti,
     31  Ütsi ma üles jäteti,
     32  Katsi kasuma ilma,
     33  Ku iks tulõ tuulõkõnõ,
     34  Hõlos tuulõhõngukõnõ,
     35  Tulõ tuuli Jumalast,
     36  Hellä hõngu Maarijalt,
     37  Man um puid madalit,
     38  Ligi puud lühkesi,
     39  Kohe matal maast panti,
     40  Ligi puu lühkene,
     41  Sinnä ma korgõ kumardõlõ
     42  Pikk perrä painutõllõ.
     43  Säält ma kodo joostõh joosi,
     44  Joostõh joosi, jalol käve,
     45  Käve ma Kärdo varbil,
     46  Lasi Lasitsõ jalol,
     47  Ütli umale velele,
     48  Imekanalõ kõnõli:
     49  Velekene, sa noorõkõnõ,
     50  Imelatsi helläkene,
     51  Võta sa kirvõs käsile,
     52  Kuvvas kuralõ olalõ,
     53  Mine sa mõtsa meisteris,
     54  Ime poig plotnikus,
     55  Löüse ma tamme ikõvat,
     56  Pikä puu puhkõvat,
     57  Tammõ iki tasatsõl,
     58  Pikä puu piiri pääl,
     59  Vaher nõrga nõdsu pääl,
     60  Vello kullõl mino sõnna,
     61  Kullõl sõna, mõistsõ meeli,
     62  Võti timä kirvõ kätte,
     63  Kuuda kuralõ olalõ,
     64  Raio tammõ tasatsõlt,
     65  Pikä puu piiri päält,
     66  Vahtra nõrga nõdsu päält,
     67  Tüvi merde tündsähti,
     68  Ladõv merde laini'illõ,
     69  Ossa sattõ saarõ pääle,
     70  Pääle pillu Pihkõvahe,
pag. 29
     72  Vello tuli kodo kurvaline,
     73  Viirü silmäviiline,
     74  Ime küündü küsümä,
     75  Ime nõssi nõudõmahe,
     76  Pujakõnõ, sa poisikõnõ,
     77  Latsõkõnõ, mu umanõ,
     78  Milles sa kurva kodo tuli,
     79  Milles meelepahaline?
     80  Vello lausi meelestani,
     81  Lausi meele poolõstani:
     82  Raie ma tammõ tasatsõlt,
     83  Pikä puu piiri päält,
     84  Vahtra nõrga nõdsu päält,
     85  Tüvi merde tündsähtü,
     86  Ladõv mere laini'illõ,
     87  Merde lõppi mino vaiv,
     88  Randa mino ragomine,
     89  Pujakõnõ, poisikõnõ,
     90  Ärä sa pallo ikku-ui, 1
ehk: murrõh olgu-ui
     91  Hinnäst pallo pahandagu-ui,
     92  Esäl umma hüä hobõsõ,
     93  Kasvatajal kaarasüüjä,
     94  Tuhat lätt säält hobost tuuma,
     95  Sada ratsu saamahe,
     96  Ega jovva-as tuhat tuvva,
     97  Tuhat tuvva, sada saia,
     98  Ärr iks heitü hirre mant,
     99  Pagõsi ärr palgi mant,
     100  Esäl olli hüä hobõsõ,
     101  Velel tuli'verevä,
     102  Kuus oll kurõkarvalist,
     103  Säitse säresoomõlist,
     104  Nuu olõ-õs iä ette saanu,
     105  Kuu päävä koh käünü,
     106  Aie verevä vesile,
     107  Lasi mere lainõ'õllõ,
     108  Tuu tõi tüve meresta,
     109  Ladva mere laini'ilta,
     110  Tulli sõs vällä välä pääle,
     111  Kosti kuiva maa pääle,
     112  Sääl sõs hiiro hirnahut,
     113  Sääl ratsu rapahut,
     114  Raput mant rannavett,
     115  Merevett vehmerilt,
     116  Tiidä joosi hüä hobosõ,
     117  Maada piteh matal ratsu,
     118  Sõidi sõs müüdä Mürgü liina,
     119  Alt kivitse keriku,
     120  Liina mürgune mürisi,
     121  Kerik kivine jõrisi,
     122  Säksa värehti värisi,
     123  Esändä tulba tuld leie,
     124  Külmä kivi kibõnit,
     125  Suurõ säksä saisatõlli,
     126  Jäie kaema kaubamehe,
     127  Kes tuu suuri sõitanessa,
     128  Ilmakõrki kõndinessa?
     129  Velekeist noorõkõist,
     130  Imelast helläkeist,
     131  Läbi liina lipsahti,
     132  Läbi turu tolmahti,
     133  Ega tunnõ-õs turu säksä,
     134  Saa-as kaia kaubamehe,
     135  Sõidi, saadu noori vello,
     136  Kaldu ime kananõ,
     137  Ummi nurmi otsalõ,
     138  Põllupinnärde peräle,
     139  Säält sõs hiiro hirnahti,
     140  Tuliverrev turnahti,
     141  Kiä johtu kuulõvat,
     142  Kua ussõh olõvat?
     143  Johtu esä kuulõvat,
     144  Esä ussõh olõvat,
     145  Esä lausi meelestani,
     146  Lausi meele poolõstani:
     147  Tuli nu verrev väsünü,
     148  Tulõ ratsu ramõhunu,
     149  Esäkeista, helläkeista,
     150  Kaara vei ette kahritu,
pag. 30
     152  Puuro2
(nisu)
 ette puhta,
     153  Velekeista, noorõkõista,
     154  Lätsi timä kodo ette,
     155  Tarõ tammitsõ lävele,
     156  Vello lausi meelestani,
     157  Lausi meele poolõstani:
     158  Esäkene, helläkene,
     159  Kuulõ, kallis kasvataja,
     160  Kodo tuu sa mitu meisterit,
     161  Tuu poisi plotniku,
     162  Miä siist tettänessä,
     163  Tettänessä, saanenõssä?
     164  Tüvest saa tsõdsõ tsõõrikirst,
     165  Saa illos annivakk,
     166  Ladvast saava lastõ langalõimõ,
     167  Pinnust viinapikõri.
     168  Saava ossõst ollõkannu,
     169  Saava toobi' tugõva,
     170  Kibu kanni kirotõdu,
     171  Vaskivitsul vitsutõdu,
     172  Siseh um ollu punanõ. -
(Näitab vahelt puuduvat) . . . . . .
     174 
     175  Seie, seie, jõie, jõie,
     176  Seie säksa lavva pääl,
     177  Kaubamehe kambõrih,
     178  Katsi käta kannu pääl,
     179  Viisi sõrmi vitsa pääl,
     180  Sõna tuudi, tõnõ viidi,
     181  Tulõ kodo, Toomas miis,
     182  Saa kodo, saapasiir,
     183  Hiiro kottoh koolõnõssa,
     184  Hall hinge heitenessa;
     185  Toomas lausi meelestani,
     186  Lausi meele poolõstani,
     187  Võtku seo hiiro koolda,
     188  Halli hinge heitaneda,
     189  Külh ma hiiro turuh tunnõ,
     190  Turuh tunnõ, liinah lövvä, -
     191  Seie säksa lavva päält,
     192  Kaubamehe kambõrist.
     193  Sõna tuudi, tõnõ viidi,
     194  Tulõ kodo, Toomas miis,
     195  Saa kodo, saapasiir,
     196  Esä kottoh koolõnõssa,
     197  Ime hinge heitänessa,
     198  Sõsar sõtta viiänessä. -
     199  Ärr nu vaia minnä miä tettä,
     200  Ega nu essä liinah lövvä-äi,
     201  Ega nu imme turuh tunnõ-õi
     202  Oh minno poisikõist,
     203  Vaka hinge vaimukõist,
     204  Kodo ma lätsi Toomas miis,
     205  Kodo saie saapasiir,
     206  Ime kudi kuldakangast,
     207  Heidi hellä tsõlokat,
     208  Sõsar kudi sõrmkindid,
     209  Vasitsil vardil,
     210  Esa kaivi kandlõpuid,
     211  Kiigapuid kirotõlli.
     212  Olõ-õs hättä huunõh,
     213  Olõ-õs tõppõ tarõhna.
*1 tõenäoliselt algab uus laul
1 ehk: murrõh olgu-ui
2 (nisu)

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H I 10, 513/5 (3) 13 %
ERA II 151, 182/5 (12) 13 %
H II 4, 80/4 (34) 13 %
H I 3, 606/7 (5) 12 %
ERA II 175, 230/4 (4) 12 %
ERA II 190, 562/4 (6) 12 %
era II 126, 338/41 (6) 10 %
H II 3, 79 (72) 10 %
H II 4, 279/81 (122) 10 %
E, StK 22, 23 (19) 10 %