H II 3, 19/22 (11)

h20300190011
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 19/22 (11)
LOC: Setu
TMP: 1889

Kalmuliste kosä.
     2  Piitre peenü poisikõnõ,
     3  Teie kesvä kerikuteele,
     4  Kaara kalmutii viirde,
     5  Esi künni, esi mõtõl,
     6  Esi külvi, esi kõnõli:
     7  Kasu, kasu kesvakene,
     8  Idäne nu iärmekese,
     9  Ku mullõ kasus kaunis kaara,
     10  Kaunis kaara, kitu kesvä,
     11  Mina kalmust naase naida,
     12  Kalmust osta ubasuu. -
     13  Kasvi kaunis kaarakõnõ,
     14  Kasvi kitu kesväkene,
     15  Piitre peenü poisikõnõ,
     16  Naas naista naidõmahe,
     17  Ubasuuda ostõmahe,
     18  Olõ-õs õigõ, nigu ütel,
     19  Olõ-õs, nigu kõrra kõnõli,
     20  Ehe vello ilosahe,
     21  Sälgä aie sinisärgi,
pag. 20
     23  Pähä kööritu kübärä,
     24  Liina lippu vüürätti,
     25  Jalga säädse saksa saapa,
     26  Läts ni vello kosjovallõ,
     27  Ubasuuda otsimahe,
     28  Võti Riiast rika tütre,
     29  Tartost kõgõ targõmba,
     30  Nakas kodo tulõma,
     31  Oli täl sõs hüä hobõsõ,
     32  Kauni olli kaarasüüjä.
     33  Tuli mäe mängih,
     34  Kallaspoolõ karõldõh,
     35  Saie kalmu kottalõ,
     36  Saie ligi liivakuhe,
     37  Jäie saani saisõmahe,
     38  Kinni peie perälavva, -
     39  Piitre peenü poisikõnõ,
     40  Minetõlli, tulõtõlli,
     41  Päse-ei saani saisõmast,
     42  Perälavva pihlapuist,
     43  Vasta kalmusta kõnõldi,
     44  Tooni tütteri tõrõli:
     45  Olõ-õs õigõ, mis sa ütli,
     46  Olõ-õs nigu kõrra kõnõli,
     47  Tuli sa maada kündemäst,
     48  Leevämaada liitemäst,
     49  Ku sa künni, sõs sa mõtli,
     50  Ku sa külvi, sõs sa kõnõli:
     51  Kasu, kasu kaarakõnõ,
     52  Idäne iks iärmekõsõ,
     53  Kalmust ma naase naida,
     54  Kalmust osta ubasuuda,
     55  Piitre sa peenü poisikõnõ,
     56  Olõ-õs õigõ, miä ütli,
     57  Olõ-õs kõrrah, miä kõnõli,
     58  Anna sa vello, miä annat,
     59  Tõoda sa meile miä tõodat?
     60  Vello tõot anda kimbu kindit,
     61  Katõ kimpu tõot kaputit,
     62  Tulõtõlli, minetelli,
     63  Päse-es saani saisõmast,
     64  Perälavva es piätüsest,
     65  Jälki kalmust vasta kõnõldi,
     66  Tooni tüttere tõrõli:
     67  Anna sa vello, miä annat,
     68  Tõoda vello, miä tõodat?
     69  Tõodi punda puutit,
     70  Nagla maagõlangasit,
     71  Tulõtõlli, minetelli,
     72  Päse-es saani saisõmast,
     73  Perälavva peetüsest,
     74  Vasta kalmusta kõnõldi;
     75  Anna miisi, miä annat,
     76  Tõoda miisi, miä tõodat?
     77  Tõodi tiä pungast poodiraha,
     78  Karmanist tiä kaubaraha,
     79  Tulõtõlli, minetelli,
     80  Päse-es saani saisõmast,
     81  Perälavva peetüsest,
     82  Jälki kalmusta kõnõldi,
     83  Tooni tüttere tõrõli:
     84  Anna vello, miä annat,
     85  Tõoda vello, miä tõodat?
     86  Piitre, sa peenü poisikõnõ,
     87  Anna sa naane nuku alta,
     88  Kabokõnõ kaali alta.
     89  Piitre peenü poisikõnõ,
     90  Piitre mõõka tilistelli,
     91  Kaalarauda raputõlli,
     92  Hüvvä hobõst tõoti tiä hukata,
     93  Tulõtõlli, minetelli,
     94  Päse-es saani täll saisõmast,
     95  Perälavva pidekist,
     96  Vasta kalmusta kõnõldi,
     97  Tooni tüttere tõrõli,
     98  Anna vello, miä annat,
     99  Tõoda vello, miä tõodat?
     100  Tõodi tia sata sajamiist,
     101  Pääle katõ kaasikõt.
     102  Tulõtõlli, minetelli,
pag. 21
     104  Päse-es saani saisõmast,
     105  Perälavva pidekist,
     106  Vasta kalmusta kõnõldi,
     107  Tooni tüttere tõrõli:
     108  Anna vello, miä annat,
     109  Tõoda vello, miä tõodat?
     110  Miä nu tettä, kohe minnä?
     111  Lubas nu noorõ nuku alta,
     112  Kabokõsõ kaali alta,
     113  Pässi sõs saani saisõmast,
     114  Perälavva pidekist,
     115  Naas sõs vello veerümä,
     116  Imekana kalluma,
     117  Vässü täl hüä hobõsõ,
     118  Ärä täl ratsu ramõhtu,
     119  Kaie nu vello kaali alla,
     120  Liiguti linatsõ alla,
     121  Löüse iist koolijani,
     122  Kalmulise alla kaali,
     123  Piitre peenü poisikõnõ:
     124  Edo oli ma ulli vellokõnõ,
     125  Kallis rumala kasunu,
     126  Et ma kavvõst naase naidi,
     127  Kavvõst ma otsõ ubasuu,
     128  Nu saa kodo koolijani.
     129  Sai nu ummi nurmi otsa,
     130  Põllupinnärde peräle,
     131  Tuli latsõ, lasi laia,
     132  Tuli väiko, vääne värä,
     133  Ime tull vasta võttõmahe,
     134  Saanist vällä saatõmahe,
     135  Tuvvas meil memmele minijä,
     136  Imele iist minejä,
     137  Tuvvas nu käppe käskijalga,
     138  Tuvvas nu sõrmil sõnakullõja,
     139  Tuvvas nu auhammit,
     140  Tuvvas leemelinikit,
     141  Kaie nu ime kaali alla,
     142  Liiguti nu linatsõ alla,
     143  Löüse kuulja ollõv iih,
     144  Kalmulise kaali all,
     145  Ime sõs ikulõ isosi,
     146  Ime nõssi nõrõsillõ,
     147  Piitre sa peenü poisikõnõ,
     148  Kuis tõi sa kodo koolijani,
     149  Kalmulise alla kaali,
     150  Piitre peenü poisikõnõ,
     151  Timä taitsõ vasta lausta,
     152  Taitsõ targastõ kõnõlda,
     153  Seo teie mul hüä hobõsõ,
     154  Teie kauni kaarasüüjä,
     155  Lätsi niä mäkke mängin,
     156  Kallaspuuldõ karõldõh,
     157  Leie niä noorõ nulka vasta,
     158  Leie kabo kandu vasta,
     159  Säält sai mullõ koolijas rekke,
     160  Alla kaali kalmuline.
     161  Ime sõs ikulõ kõnõli,
     162  Lausi sõna laine'el:
     163  Pujakõnõ, poisikõnõ,
     164  Kohes ma sinno nu panõsi?
     165  Kohes panõ ma meelikas minijä?
     166  Näiol um nu sugu suur,
     167  Sugu suur, võsa vaiva,
     168  Pia timä peräh otsitas,
     169  Varra vaia haarõtas,
     170  Piitre peenü poisikõnõ,
     171  Ärä tiä taitsõ vasta lausta,
     172  Taitsõ targastõ kõnõlda,
     173  Poiga ma lää tähes taivahe,
     174  Minnij vii merde sõmõras,
     175  Ime jäll ikula kõnõli,
     176  Kost ma nu teida näta saa?
     177  Umma kallist kaia saa? -
     178  Tulõt sa üles hummogulla,
     179  Läät sa varra vesile,
     180  Mine sa mere veere pääle,
     181  Mine Piusa perve pääle,
     182  Miä um sõmmõr hõõrusõmb,
     183  Merekivi kirivämb,
     184  Tuu um su meelikas minijä,
     185  Meeleperast su puja naane,
pag. 22
     187  Kae sa tähte taivahe,
     188  Miä um nu tähti valusamb,
     189  Tuu um sino poigovani,
     190  Imekene nu ikulõ kõnõli,
     191  Pujakõnõ, poisikõnõ
     192  Koh sa nu üü makatõ,
     193  Koh sa lõuna lepäte?
     194  Imekene, helläkene,
     195  Maama, meelimar´akõnõ,
     196  Kuu iks nõssõs korgõhõst,
     197  Ago aala rõngõhist,
     198  Päivä pärnä lätehest,
     199  Sääl ma nu üü maka,
     200  Sääl ma nu lõuna lepä, -
     201  Ime sõs istõ ikõma,
     202  Moro pääle murõhtama,
     203  Võti ette ikuvaka,
     204  Nõna alla nõrõtusvaka,
     205  Iki tiä iku vaka tävve,
     206  Nõrõsida nõlvatävve,
     207  Iki uja ussõ alla,
     208  Läte tarõ läve alla, -
     209  Hoie ma nu hüvvä poiga,
     210  Imehti poiga ilosat,
     211  Mõtli tukkõ tulõvat,
     212  Mõtli appi astuvat,
     213  Saa-as api imele,
     214  Astu-us api armalõ,
     215  Silmävesi sai vihtumast,
     216  Sau sanna kütemäst,
     217  Ku ma seo teedeh tiidnü,
     218  Mõistnu meelega mõtõlda,
     219  Innemba ma hoitnu turbit,
     220  Paramb ma mähknü mättid, -
     221  Seeni ma nu ikõ, kunni elä,
     222  Seeni kuugu, kunni koolõ.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 3, 72/3 (64) 16 %
H II 3, 79/81 (73) 14 %
ERA II 80, 430/4 (305) 13 %
ERA II 154, 55/68 (7) 11 %
H, Mapp 648/9 (47) 10 %
H, Jagomann 492/501 (12) 10 %