H II 3, 11/3 (8)

h20300110008
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 11/3 (8)
LOC: Setu
TMP: 1889

Mehe otsmine.
     2  Külvi ma uppa, heidi herneht,
     3  Külvi ma ua mullalõ,
     4  Herne hellä liivakuhõ,
     5  Saie nä katsi kasunus,
     6  Nägünessa, kuulunõssa,
     7  Kua umma kõdralõ kõvõmba?
     8  Kua umma lakkolõ lajemba?
     9  Uba oll kõdralõ kõvõmb,
     10  Herneh oll lakkolõ lajemb, -
     11  Lätsi katsi höüstelemä,
     12  Kua um illos häermile?
     13  Kua rikas ristikille?
     14  Uba rikas ristikille,
     15  Herneh rikas häermile,
     16  Uba naidi noorõ naasõ,
     17  Herneh hellätse minijä,
     18  Võti Riiast rika tütre,
     19  Tartost kõgõ targõmba,
     20  Lätsi nu aita magama,
     21  Pääle aita päälikohe,
     22  Taba ütsä taadõ,
     23  Võtmõ kümne külele,
     24  Villatsõlõ voodõhõllõ,
     25  Kalõvatsõ kattimillõ,
     26  Magasi nimä magusahe,
     27  Magasi nimä ni lebäsi,
     28  Kunni kire ülä kikko,
     29  Haugi kaasa harmikõsõ,
     30  Kas sa kuulõ-õs kulla näio?
     31  Kas nu helliko herane-es?
     32  Päivä nu paistu pähütsehe,
     33  Ago hõlma hõrõti,
     34  Ega nu kuulõ-õs kulla näio,
     35  Ega nu hellik es heräne,
     36  Kääni küle, löüse külmä,
     37  Heidi jala, löuse jahe,
     38  Olli ülä mant ärr lännü,
     39  Lännu kaasa kattimilt, -
     40  Näiokõista, noorõkõista,
     41  Linikpääd linnukõista,
     42  Miä täll nu tettä, kohe minnä?
     43  Säält nu joosi rehe mano,
     44  Kiä nu reheh iih olli?
     45  Ülä esä iih oll:
     46  Ülä esä, helläkene,
     47  Kaasa tätta, tähekene,
     48  Sinol um iks kaiho, minol kaiho,
     49  Sinol um kaiho ütevõrra,
     50  Minol kaiho katõvõrra,
     51  Sinol kattõ poigovani,
     52  Minol kattõ ülävani,
     53  Läke katsi otsimahe,
     54  Ülä esä helläkene! -
     55  Ülä esä vasta kõnõl,
     56  Kaasa esä kadsatõlli:
     57  Ku sul kattõ, sõs sa otsi,
     58  Ku sul viidi, viidä aigu, -
     59  Oh sa naista näiokõista,
     60  Säält timä lasi lauda mano,
     61  Kiä sääl laudah iih olli?
     62  Ülä imä iih olli,
     63  Ütel timä ülä imele:
     64  Ülä ime helläkene,
     65  Sinol um kaiho, minol kaiho,
     66  Sinol um kaiho ütevõrra,
     67  Minol um kaiho katõvõrra,
     68  Sinol viidi poigovani,
     69  Minol kattõ kaasavani,
     70  Läke nu katsi otsimahe,
     71  Ülä imä, helläkene! -
     72  Ega tulõ-õs otsimahe,
     73  Kallis tulõ-õs perrä kaema.
pag. 12
     75  Ku sul kattõ, sõs sa otsi,
     76  Ku sul viidi, viida aigu, -
     77  Oh sa naista näiokõista,
     78  Tandsõ timä sõs talli mano,
     79  Kiä sääl tallih iih oll?
     80  Ülä vello iih oll,
     81  Ütel timä ülä velele,
     82  Mar´a velele manitsi,
     83  Kuulõ, sa virve ülä vello,
     84  Kuulõ, sa kallis kaasa vello,
     85  Sinol um kaiho, minol kaiho,
     86  Läke mi katsi otsimahe,
     87  Vello lausi meelestani,
     88  Lausi meele poolõstani,
     89  Ku sa kaodi, sõs sa otsi,
     90  Ku sult viidi, viidä aigu, -
     91  Lätsi tima ülä sõsarõ mano:
     92  Kuulõ hüä ülä sõsar,
     93  Mino meelimarakõnõ,
     94  Sinol um kaiho, minol kaiho,
     95  Sino kaiho ütevõrra,
     96  Mino kaiho katõvõrra,
     97  Sinol um viidü vellovani,
     98  Minol kattõ kaasavani,
     99  Läke mi katsi otsimahe,
     100  Kallist perrä kaemahe!
     101  Sõsar lausi meelestani,
     102  Ütel umalõ imele;
     103  Küdsä meile kuu kukkõliku,
     104  Pääle päävä pätsikene,
     105  Lää sõs mi vello otsimahe,
     106  Otsimahe, löüdemähe,
     107  Ärä ehe ilosahe,
     108  Kaunihe kabistõlli,
     109  Keeri nimä keriko külele,
     110  Valgõ torni var´õlõ,
     111  Sääl nimä kaie katsipooli,
     112  Ette, taadõ kavatsõlli,
     113  Tundsõ nimä ärr uma vello,
     114  Ime kanna kavatsõlli,
     115  Oli Tooni nurmõ pääl,
     116  Maanlaistõ maiõ pääl:
     117  Tule sa kodo, vello noori,
     118  Kallu sa kodo, ime kana, -
     119  Vello taitsõ vasta lausta,
     120  Taitsõ targastõ kõnõlda,
     121  Paremb mul kurva ärr kuulda,
     122  Meelepaha maalõ minnä,
     123  Ku mul kurvahna ella
     124  Näio ikulõ kõnõli,
     125  Pisarilla pajatõlli,:
     126  Seo saa imeh ilma pääle,
     127  Rahva naaru maa pääle,
     128  Milles sa kurva ärr koolõt?
     129  Meelepaha maalõ läät?
     130  Vello lausi meelestani,
     131  Lausi meele poolõstani:
     132  Olõt sa opnu unitsõs,
     133  Olõt laisas sa harinu,
     134  Olõ-õi mi laiska sukku,
     135  Olõ-õi mi verda viidetüist,
     136  Kuulõ-õs sa kikka kirgemist,
     137  Kuulõ-õs käo kuukumist,
     138  Seo ma anna sullõ andis.
     139  Müvve jo jumaltõ härä,
     140  Kuulõ-õs sa härä müügemist,
     141  Päivä paisti jo pähütsehe,
     142  Ago jo hõlma hõrõti,
     143  Seost oli mino meeli paha,
     144  Meeli paha, süä haigõ, -
     145  Näio ikula kõnõli,
     146  Lausi sõna laine'ella:
pag. 13
     148  Oh sa ulli ilmuline,
     149  Ilmuline, päiviline,
     150  Ku sa kurva ära koolõt,
     151  Meelepaha maalõ läät,
     152  Kaitsva vasta kalmulise,
     153  Toonista vasta tõrõldas:
     154  Illos um ellä ilma pääl,
     155  Makus ellä maa pääl,
     156  Kuri um kurva koolõmine,
     157  Meelepaha maalõ minemine,
     158  Näio sääl kutsi ni kumardi,
     159  Ärä pallõl ni painudi;
     160  Maalõ ma jäta unõ usu,
     161  Jätä maalõ magahusõ;
     162  Vello lausi meelestani,
     163  Lausi meele poolõstani:
     164  Um mul jo man maa haisu
     165  Um ligi liiva haisu,
     166  Näio lausi meelestani,
     167  Kabo vasta kõnõli:
     168  Kütä ma sanna küündelist,
     169  Viha havvu viirdist,
     170  Tii ma lippõ livvakuhe
     171  Lämmä vii länikuhe,
     172  Mõsõ sul mant maa haisu,
     173  Mõsõ ligi liiva haisu,
     174  Vello nakas sõs kodo veerümähe,
     175  Imekana kallumahe,
     176  Näiol hälge sõs hüä miil,
     177  Näiol kosti kurva miil,
     178  Miildü sõs ärr ime meelekene,
     179  Süttü ärr esä süämekene,
     180  Esä kergüt kübärät,
     181  Ime liigut linikut,
     182  Vello kitti kabokõist,
     183  Sõsar sõlõ kandijat:
     184  Olõ sa terve tüttereni,
     185  Saagu sa hella, hüvva miilte,
     186  Kallis kavva elämä,
     187  Tii-es sa tiko küläle,
     188  Häppü hüäle hõimulõ,
     189  Kui nä kaodi, nii nä otsõ,
     190  Saiõ kodo kohendajas,
     191  Eli tarõ ilostajas.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 4, 420/5 (178) 13 %
ERA II 103, 473/8 (7) 12 %
E, StK 25, 139/44 (23) 12 %
H I 6, 588/90 (1) 11 %
H, Jagomann 629/32 (51) 10 %