H II 3, 2/4 (2)

h20300020002
Setumaa
Prants, Hindrik (Heinrich)
1889

Metadata

COL: H. Prants
ID: H II 3, 2/4 (2)
LOC: Setu
TMP: 1889

Lauluhelü otsmine.
     2  Oll iks säitse sõsart,
     3  Katõsa oll imekanna
     4  Lauli nä ildä õdagulla,
     5  Vaest ka varra hummokulla
     6  Kuuldu näil kumu kuldakaivo,
     7  Helü hõpõlätte'ehe,
     8  Ärä viidi häälekese,
     9  Viidi kummõ kurgukõnõ,
     10  Jäi näil kodo kurvaline,
     11  Eloliina leinaline,
     12  Kiä sõs lätsi otsimahe?
     13  Olli ütsi väiko vello,
     14  Olli väiko, olli välle,
     15  Velekene, iks noorõkõnõ,
     16  Mine häälta otsimahe,
     17  Kummu perrä kullõma,
     18  Vello kullõl näido sõnna,
     19  Ehte vello ilosahe,
     20  Panni sälgä siidisärgi,
     21  Maani massakarvalitse,
     22  Liina lippu vüürätti,
     23  Pähä kõõritu kübärä,
     24  Jalga pani saksa saapa,
     25  Lätsi sulgu, soie hobõsõ,
     26  Pani saaritsõ sadula,
     27  Jalga kullatsõ jalusõ,
     28  Päitse pähä pääväkirjä,
     29  Suitsõ suuhtõ Soomõ kirjä.
     30  Pilingine piitsakõnõ,
     31  Valingine varrõkõnõ,
     32  Pani puuhu poodiraha,
     33  Karmanihe kaubaraha,
     34  Sõidi alta esä aia,
     35  Alta armasta orastä, -
     36  Sõidi vello tükü teedä,
     37  Tükü teeda, pallo maada,
     38  Sõidi üle Rõngu nurme,
     39  Ranna vallast rapputõlli,
     40  Rõngu näidise nägeva,
     41  Kavvest kaeva kabokõsõ,
     42  Tõnõ tõsõlõ kõnõli,
     43  Tõnõ tõsõlt iks küsütelli:
     44  Kiä tuu suuri sõitõnõs,
     45  Ilmakõrki kõndinõs,
     46  Iist kaia um esandäkene,
     47  Sälä takast säksakõnõ,
     48  Saapista um sajameesi,
     49  Kindist kaia um kirämiis,
     50  Otsa iist um uma vello,
     51  Tõnõ tõsõlõ kõnõli, -
     52  Olõs tuu muna mullõ saasi,
     53  Uppin mullõ unehtusi, -
     54  Vello kuuli, vasta kosti,
     55  Ranna näio, rassõ näio,
     56  Soomõ näiõ, suuri näio,
     57  Ega muna teile saa-ai,
     58  Uppin teile unõhtu-ui
     59  Tii mõista-ai munna veerätella,
     60  Mõista-ai ti hata ubinat
     61  Ei tii salli sõõrusavvu,
     62  Taha-ai ti tapitsõsavvu,
     63  Ei tii saa-ai saia süvvä,
     64  Saia süvva, viina juvva, -
     65  Sõidi vello, jõuse vello,
     66  Sõidi jälle tükü teeda,
pag. 3
     68  Tükü teeda, pallo maada,
     69  Kiä sõs vasta puttusigi,
     70  Puttusigi, johtusigi,
     71  Vana meesi, puhas poissi, -
     72  Vello haari küsütella,
     73  Küsütella, nõvvatella,
     74  Kas tii kuuli, kas tii näie,
     75  Kas ti kuuli kuldakaivo,
     76  Kuldakaivo, hõpõläteht?
     77  Vana meesi, puhas poissi:
     78  Kuulõ, usin noori meesi,
     79  Kuulo, tarka talopoissi,
     80  Kuldakaiv um kavvõtah
     81  Hõpõläte Lätimaal,
     82  Kaiv suusaari siseh,
     83  Tii silla soie pääle,
     84  Madalide maie pääle, -
     85  Vello kullõl vana sõnna,
     86  Lätsi suurõlõ küläle,
     87  Ausalõ alõvõlõ,
     88  Sääl tiä sõs punga puistõli,
     89  Raha rättil raputõlli,
     90  Tuli sõs vana, tuli noorõ,
     91  Tuli kinä keskemätse,
     92  Teie silla soiõ pääle,
     93  Madalide maie pääle,
     94  Sõitse vello, jõuse vello,
     95  Kuldakao kottalõ,
     96  Hõpõlätte lävele,
     97  Kuldakuuk oll kao pääl,
     98  Hõpõvilt oll vii pääl,
     99  Vello kuuku kopputõlli,
     100  Hõpõvilti veerätelli,
     101  Tuli välla neli neitsikest,
     102  Kolm kuldakabokõist, -
     103  Nimä aie sõimõlõma
     104  Sõimõlõma, irvelema,
     105  Oh sa vana pordopoiga,
     106  Hahkasärki, hattalatsi, -
     107  Vello taitsõ vasta lausta
     108  Kuulgõ, neli neitsikest
     109  Kolm kuldakabõkõist,
     110  Ega mina ilma tulõ-õs,
     111  Aja-as asjanda hobõsit
     112  Mina iks tulli tulu läbi
     113  Mina astõ asja läbi.
     114  Olõ-õi sälah hatta hamõ,
     115  Pordo rätti puusa pääl,
     116  Hamõ sälah ime tettu
     117  Poodi rätti puusa pääl.
     118  Ankõ ärä mu sõsartõ laulu,
     119  Hella näio häälekese
     120  Olli mul nu säitse sõsart,
     121  Katõsa oll nu imekanna
     122  Lauli nä ilda õdakulla,
     123  Vaest ka varra hummokulla
     124  Kaivo näil kumu kuulusigi
     125  Helü hõpõlättehehe,
     126  Ärä näil viidi häälekene,
     127  Jäie hellä nä helültä,
     128  Jäie mi kodo kurvaline,
     129  Elo jäi liina leinaline,
     130  Tuli ma häälta otsimahõ,
     131  Kummu jo perrä kullõma, -
     132  Neitsi nu lausi meelestani,
     133  Lausi meele poolõstani,
     134  Kuulõ, sa suuri sõidupoissi,
     135  Kuulõ, sa tarka talopoissi,
pag. 4
     137  Mi küll eelä helü osti,
     138  Helüst mi anni härapaari,
     139  Kumust anni kullatsõ ubina,
     140  Ega mi joht hellü sullõ anna-ai,
     141  Kummu sullõ tõotagi-i. -
     142  Vellokeista noorõkõista,
     143  Sõidi jäll vello, jõusõ vello,
     144  Tuli tä kodo kurvaline,
     145  Esi kodo ikuline,
     146  Ime küündu küsümähe,
     147  Sõsar nõssi nõudõmahõ,
     148  Milles kurva kodo tulli,?
     149  Milles sa ikulõ isosi? -
     150  Imekene, helläkene,
     151  Tuu mullõ kätte kängitse,
     152  Tuu rüppü rõivit,
     153  Ma lää pakku näidisit, -
     154  Sinipõllõ seolta maalta,
     155  Kumu jäi külh kuldakaivo,
     156  Helü jäi hõpõlättehehe,
     157  Sääl oll neli neitsikest,
     158  Kolm kuldakabokõist,
     159  Ei nä mullõ hellü anna-ai
     160  Ei na kummu tõota-ai,
     161  Nimä aie sõimõlõma,
     162  Sõimõlõma, irvelema, -
     163  Puäkõnõ poisikõnõ,
     164  Kiä um inne sedä kuulnu,
     165  Inne kuulnu, mustõ nännü,
     166  Et see poissi peläs näidisit,
     167  Paes põllõpidäjit,
     168  Tii sa ka püttü püdelät,
     169  Vaadi vahasta olluta,
     170  Võtta sa viina veedokõsõ,
     171  Võta sa mamma magusat,
     172  Kulatskiga iks kositas,
     173  Pittenäga iks pettetäs, -
     174  Vello kullõl ime sõnna
     175  Võtt ime manitsust
     176  Tekk tä püttü püdelät,
     177  Vaadi vahasta olluta,
     178  Vello petti, vello kitti,
     179  Mul um siidisängükene,
     180  Kalõvatsõ karbikõsõ,
     181  Panõ iks pilli ma pähütseh
     182  Kandlõ kattime veerele,
     183  Ärr tä iks petti pittenäga,
     184  Ärr iks kosõ kulatskiga,
     185  Ärr sõs anni näio sõsartõ hääle,
     186  Imelastõ laulõmise,
     187  Sai iks kodo kumõhõmb,
     188  Elo liinah ilosamb, -
     189  Vello kaie kavatsõli:
     190  Piä-äi pillile perehtä,
     191  Kannõl rahvast ei ravitsõ.
     192  Panni iks piitsa pähütsehe
     193  Karbitsõ kattime veerele,
     194  Vitsa tegi sõs naasõ virgas
     195  Kimpu tegi kerge'es,
     196  Elli sõs vello ilosahe
     197  Naane oll täl naaruline.