E, StK 22, 46/8 (34)

estk2200460034
Setumaa
Jänes, Harald
1924

Types

Kureneiu

Metadata

COL: Harald Jänes
ID: E, StK 22, 46/8 (34)
INF_NIMI: Hedo Lehepuu
LOC: Setu
TMP: 1924
TYP: Kureneiu

Kurenäio laul.
     2  Tulli üles hummogulla,
     3  Varra väiko valgega.
     4  Miä ol´l tüü edimäne
     5  Kua hooli hummogulla?
     6  Sorre suu mõskemine.
     7  Käpe jala kängimine,
     8  Lätsi mõtsa minemähe,
     9  Hummogulla hulkimahe.
     10  Näie kure kündevät,
     11  Käre äkli kändeväta.
     12  Võti nuia nurme päältä,
     13  Võti kepi kesä päältä,
     14  Lasi kure lagipäähä,
     15  Keeri käre kesk pääd.
     16  Kur´g maale kopsatie,
     17  Kärg maale käänätie.
     18  Võti kure kuke pääle
     19  Kääni käre kest pääd
     20  Tõie kure umma kodo
     21  Mar´akese umma majja
     22  Ütli umale imäle:
     23  "Keedä' kurest kol´ ruuga,
     24  Kärest (keedä) käpi ruuga!"
     25  Ime lausi meelestäni:
     26  "Ei keedä kurest kolme ruuga,
     27  Kärest käpet ruuga.
     28  Vilä vii aita vinnümähe,
     29  Kaarasalve kasumahe.
     30  Säält saa kurest korge näio
     31  Kärest käpe kabokene.
     32  Nägünessä, kuulunessa.
     33  Sai kabo kasunuss,
     34  Näiokene vinnünüss.
     35  Nägünessä, kuulunessa.
     36  Kia tul´l kurge kosjole,
     37  Kua veere viinula?
     38  Kuu tul´l kosjole,
     39  Kuu veere viinula.
     40  Aie hobese morole,
     41  Aie paadi paja alla.
     42  Esi' tull tarre tehrütämä,
     43  Tehrütämä, teretämä.
     44  Panni piitsa pingi pääle,
     45  Lasi kinda' lavva pääle,
     46  Kübärä kinnaste pääle.
     47  Esi' lausi meelestäni:
     48  "Tere imä, tere ese,
     49  Tere viisi vellekesta,
     50  Kuusi kullasta sisarda!
pag. 47
     52  Kas siist saa kuu naista,
     53  Kuu puja mõrsijada?"
     54  Ime säält aste aida poole,
     55  Saie salvi nõale,
     56  Ime lausi meelestäni:
     57  Kuule mul kurgi korge näio,
     58  Kärgi käpe kabokene.
     59  Ei must saa kuu naista,
     60  Kuu puja mõrsijada.
     61  Kuul um iks pal´lo tüüdä,
     62  Pallo tüüdä, pallo vaiva:
     63  Õdagune nõsemine,
     64  Hummogune minemine.
     65  Nägünessä, kuulunessa.
     66  Kiä sääl tulli kosjovale,
     67  Kiä veere viinuga?
     68  Tähti tulli kosjovale,
     69  Tähti veere viinuga.
     70  Aie hobese morole
     71  Aie paadi paja alla.
     72  Esi' tull tarre tehrütämä,
     73  Tehrütämä, teretämä.
     74  Panni piitsa pingi pääle,
     75  Lasi kinda' lavva pääle,
     76  Kübärä kinnaste pääle.
     77  Esi' lausi meelestäni:
     78  "Tere imä, tere ese,
     79  Tere viisi vellekesta,
     80  Kuusi kullasta sisarda!
     81  Kas siist saa tähe naista,
     82  Tähe poja mõrsijada?"
     83  Ime jäl´l aste aida poole,
     84  Saie salvi nõale;
     85  Kuule mu kurgi korge näio,
     86  Kärgi käpe kabokene.
     87  Kas sust saa tähe naista,
     88  Tähe poja mõrsijada?"
     89  "Nii kavva must saa ei tähe naista,
     90  Tähe poja mõrsijada:
     91  Tähel um pallo tüüd,
     92  Pallo tüüd, pallo huult.
     93  Õdagune tulemine,
     94  Kesk üüd kistumine."
     95  Aie hobese morolta
     96  Paadi pa'a alta,
     97  Nägünessä kuulunessa.
     98  Kiä sääl tulli kosjovale,
     99  Kiä veere viinuga?
     100  Ago tulli kosjovale,
     101  Ago veere viinuga.
     102  Aie hobese morole,
     103  Aie paadi paja alla.
     104  Esi' tull tarre tehrütämä,
     105  Tehrütämä, teretämä.
     106  Panni piitsa pingi pääle,
     107  Lasi kinda' lavva pääle,
     108  Kübärä kinnaste pääle.
     109  Esi' lausi meelestäni:
     110  "Tere imä, tere ese,
     111  Tere viisi vellekesta,
     112  Kuusi kullasta sisarda!
     113  Kas siist saa ao naist
     114  Ao poja mõrsijada.
     115  Ime aste aida poole,
     116  Saie salvi nõale.
     117  Ime haari küsütellä,
     118  Ime haari nõvvatella:
     119  "Kuule mu kurgi korge näio,
     120  Kärgi käpe kabokene."
pag. 48
     122  Kas sust saa ao naista,
     123  Ao poja mõrsijada?
     124  Kurgi lausi meelestäni:
     125  "Imekene, helläkene,
     126  Ei must saa ao naista,
     127  Ao poja mõrsijada.
     128  Lase kasva kaara salveh,
     129  Lase' vinnü vilä aidah"
     130  Aie hobese morolt,
     131  Paadi ai är´ pa'a alta.
     132  Nägünessä, kuulunessa.
     133  Kiä sääl tulli kosjovalle,
     134  Kiä veere viinuga?
     135  Päivä tulli kosjovale,
     136  Päivä veere viinuga.
     137  Aie hobese morole,
     138  Aie paadi paja alla.
     139  Esi' tull tarre tehrütämä,
     140  Tehrütämä, teretämä.
     141  Panni piitsa pingi pääle,
     142  Lasi kinda' lavva pääle,
     143  Kübärä kinnaste pääle.
     144  Esi' lausi meelestäni:
     145  "Tere imä, tere ese,
     146  Tere viisi vellekesta,
     147  Kuusi kullasta sisarda!
     148  Kas siist saa päävä naista,
     149  Päävä poja mõrsijada?"
     150  Ime aste aida poole
     151  Saie salvi nõale.
     152  "Kuule mu kurgi korge näio
     153  Kärgi käpe kabokene!
     154  Jälki umma' kos´a' umah kotoh,
     155  Umma' viina' velitsil:
     156  Päävä um kosjovalle,
     157  Päävä veere viinuga.
     158  Kas sust saa päävä naista,
     159  Päävä poja mõrsijada?"
     160  Näio lausi meelestäni,
     161  Lausi meele poolestani:
     162  "Ei must saa päävä naista,
     163  Päävä poja mõrsijada
     164  Pääväl um pallo tüüd,
     165  Pallo tüüd, pallo huult.
     166  Hummogune nõsemine,
     167  Õdagune minemine.
     168  Kündijäle lää, külvijäle,
     169  Musta maa murdijale.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 4, 472/83 (199) 19 %
ERA II 80, 138/44 (102) 18 %
H II 4, 151/8 (63) 17 %
H I 6, 82/3 (4) 13 %
H I 6, 195/8 (9) 11 %
E, StK 32, 28/30 (17a) 11 %
E, StK 22, 38/9 (31) 10 %
Veske 2, 18/20 (168) 10 %