ERA II 126, 456/8 (1)

era212604560001
Setumaa; Võrumaa — Vastseliina
Raadla, Amanda
1936

Types

Tsõõtamine

Metadata

COL: Amanda Raadla
ID: ERA II 126, 456/8 (1)
INF_ELUL: s. 1861. a.
INF_NIMI: Lati Aasa
LOC: Vastseliina khk., Misso v., Napi k., Ruusa t. < Setu khk., Meremäe v., Tobrova k.
ZANR: kombekirjeldus/regilaul
TMP: 1936
TYP: Tsõõtamine

Häl´misest.
Latsõ häl´se urbepäiva latiga aia pääl. Vahel ol´l kah laud üle aia pantu ja esi nä lauli:
     4  "Tsõõ, tsõõ urbõpäivä
     5  tsõõ, tsõõ kallist aigu,
     6  tõi iks sulgu suuri tsiku
     7  tõi põhku põrssid.
     8  Tsõõ, tsõõ urbõpäivä."
Tuud kutsuti tsõõtamine.
Kar´a man häl´se latsõ kõo osse küllen, muial es saaki. Võti ossa alla, köitse kokku ja häl´se. Häl´lü ollikina inämbide Lihavõte aigu, sis tetti moru pääle kablune häll. Puu panti pisti, üts näist üle ja sinnä panti kabla külge ku hällu. Inämbide olli inne vitsutsõ hällu. Kõovitsa võeti, ala ol´l tüve jätetü, ladva pööreti är, panti üle olihirre; sääl ol´l vahru; kõoladva, mis olli ar pööretü, panti kõvaste vahrele külge. Ala otsa panti suur laud, sääl sis hällütija kul´atadi. Poissmehe lätsi'ks kokko ja panni häl´lü üles. Mõtsast tuudi hirre ja tetti inne. Häl´lütegija palk ol´l muna. Tütriku'ks anni häl´lütegejäle, kua üte, kua paari, nigu and kiaki. Ku mõni es anna, sis poisi'ks pidi nal´la, võti räti pääst, ku munna anna'i, ma võta räti. Jaanipäivä es hällutä, pallõldi inne. Häl´lüti kõge'ks Lihavõte aigu. Häl´l panti'ks säändsede paika, kos tandsi kah sai. Koa ol´l väikene külä, sis ole's mi- dä tantsmist häl´lü man. Niisaa lätsi poisi ja tütriku ja vana baaba kokku ja lauli inne. Koh ol´l pill ja suur külä sääl mängiti lõõtsapilli ja karati neläkesi. Tandsiti niisaa pal´la platsi pääl, es viijä kõive ümbre, es midägi.
Hermolilüüjäle anti munne häl´lü man. Tsõõri tetti'ks häl´lü man. Kolmekesi tetti, kat´s naisterahvast ja üt´s meesterahvas ja es laulda. Ku lauleti, sis ol´l suur püürtsõõr, üt´s ütel iist sõnnu, sis tõse lauli. Lihavõtte alas häl´lmine nika ku Suvistepühini. Edimädse pühä viil tetti häl´lü. Tõsest pühäst alost tuu häl´lminõ.
Pühapää terve päiv, ku süümä inne käve kodo, olli sääl poisi ja tütärlatsõ ja tüüpäivil õdagide kah, ku aiga sai.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

ERA II 151, 427 38 %
ERA II 278, 489/90 (4) 23 %
ERA II 151, 375/6 (6) 18 %
ERA II 194, 411/3 (17) 17 %
ERA II 103, 350/1 (37) 17 %
E 44819/20 (31) 14 %