ERA II 117, 207/13 (2)

era211702070002
Setumaa
Orusaar, Jaan
1934

Types

Lüroeepilised laulud
└ Laulud sõjast
 └ Venna sõjalugu
Venna sõjalugu

Metadata

COL: Jaan Orusaar
ID: ERA II 117, 207/13 (2)
INF_ELUL: 40 a.
INF_NIMI: Tatjana Tamm
LLIIK_YHT: Lüroeepilised laulud (Laulud sõjast)
LOC: Setumaa khk., Vilo v., Alaotsa k.
TMP: 1934
TYP: Venna sõjalugu
TYP_YHT: Venna sõjalugu

Vanaaolinõ pööralaul (Sõjaskäik.)
     2  Lõivo linnas õks lõunast
     3  Pääsökõnõ õks päävä nõsõngust.
     4  Lasi õks kirä lavva päle,
     5  Mia ol´l õks sinnä' kirja kirotõt?
     6  Mia ol´l õks pant paprilõ?
     7  Tuu ol´l õks kirja kirotõt,
     8  Tuu pant paprilõ:
     9  "Õt sõsaril õks sõtta minnä',
     10  Velül õks nooril kodo jäiä!"
     11  Mia õks tetä', kohe minnä!
     12  Sõsar läts õks aita ehtimä,
     13  Päälikulõ õks läts päätümä.
     14  Esi' õks tä ehte esi' ikkõ,
     15  Esi' õks tä kaabits', esi' kahets.
     16  Piä õks sis lävele lähesi,
     17  Ütel õks umalõ imele:
pag. 208
     19  "Kes om õks setä inne nännü',
     20  Õt sõsaril õks sõtta minnä',
     21  Velil nuoril kodo jäiä."
     22  Esi' õks jal' ehe, esi ikke,
     23  Esi õks jal' kaabits, esi kahits,
     24  Kiä' õks jal' lävele lähesi?
     25  Esi õks lävele lähesi.
     26  Ütel õks jal' umalõ esele1
(isale)
:
     27  "Esekene õks sa helläkene,
     28  Kes om õks settä inne nännü'
     29  Inne õks nännü, inne kuulnu',
     30  Õt sõsaril õks sõtta minnä'
     31  Velil õks nooril kodo jäiä'."
     32  Esi' õks jal' ehe, esi ikki,
     33  Esi' õks jal' lävele lähesi.
     34  Vellö õks lävele lähesi
     35  Vellö õks kündü küsümä:
     36  "Sõsar õks sa hellä linnukõnõ.
     37  Kas om õks sul süänd muidõ süvva,
     38  Julgust om õks muidõ vere juvva'?"
pag. 209
     40  Sõsar õks lausi meelestäni,
     41  Lausi meele poolõstäni:
     42  "Olõ-õi õks mul süänd muidõ süvvä'
     43  Julgu olõ-õi õks muidõ verd juvva'"
     44  Vellö õks lausi meelestani,
     45  Lausi meele poolõstani:
     46  "Saa-ai sis sust sõtta sõitjat."
     47  Nakas' õks sis vellö ehtimä,
     48  Ime- nakas õks -kana kabistama.
     49  Kiä õks sis saie saatõmaie?
     50  Ime õks saie saatõma,
     51  Ja ime õks lätsi lähätämä.
     52  Ime õks kündü küsümä:
     53  "Puja-õks-kõnõ, poisikõnõ,
     54  Kuna õks ma sinno kodo ooda,
     55  Kodo õks ooda, tarrõ taha?"
     56  "Imekene õks sa helläkene,
     57  Sis õks sa' minno kodo ooda',
     58  Kui õks sa paiust villa püät,
     59  Kui õks kivist niidse kisut,
pag. 210
     61  Sis õks minno kodo ooda'."
     62  Kiä õks saie sis viil saatõma,
     63  Kiä' õks läts lähätämä.
     64  Ese õks saie saatõma,
     65  Ese õks jal' kündü küsümä:
     66  "Pujakõnõ õks poisikõnõ,
     67  Kuna õks ma sinno kodo ooda?"
     68  "Esäkene õks hellakene,
     69  sis õks sa minno kodo ooda',
     70  Ku läät õks sa kündmä nurmõ päle
     71  Kui näet õks sa valgõ varõsõ.
     72  Ja kaarna õks kurõkarvalitsõ,
     73  Sis õks sa minno kodo ooda'."
     74  Kiä' õks sääl saie saatõma,
     75  Sõsar õks kündü küsümä:
     76  "Vellökõnõ õks sa noorõkõnõ,
     77  Kuna õks ma sinno kodo ooda?"
     78  "Sõsar õks hellä linnukõnõ,
     79  Kui kasus õks kuus kodo ette,
pag. 211
     81  Ja tamm õks tarõ läve ette.
     82  Jõgi nakkas õks juuskma alt ussõ,
     83  Ja vällä õks müüdä värehtit.
     84  Kae' õks oia ujavett
     85  Kae' õks merde merevett.
     86  Ku om õks ujäh hobõsõ verd,
     87  Olõ-õi õks mereh meeste veri.
     88  Sis õks minno kodo ooda'."
     89  Ime õks ar paiust villa pügi
     90  Maama õks kivist niidse kiske,
     91  Oodi õks tä kodo umma poiga,
     92  Ese läts õks kündmä nurmõ päle.
     93  Sääl näkk õks valgõ varõsõ.
     94  Ja kaarna õks kurõkarvalitsõ.
     95  Oodi õks jal' kodo umma poiga.
     96  Kasvi õks kuusi kodo ette
     97  Tamm õks tarõ läve ala,
     98  Jõgi nakas' õks juuskma alta ussõ.
     99  Vällä müüdä värehtit,
     100  Oodi õks jal' kodo umma vellöt.
pag. 212
     102  Tulli õks tä kodo kullakõnõ
     103  Imä läts õks vasta värehtihe.
     104  "Tulõ õks sa maalõ maräkõnõ,"
     105  "Lää-äi õks ma maalõ marakõnõ,
     106  Mille om õks moro teil muanõ,
     107  Tarõ om lävi tahmatõt?" -
     108  "Pujakõnõ õks poisikõnõ,
     109  Selle om õks moro meil muanõ,
     110  Eelä' õks siin puskli' pulli härä'
     111  Maadli õks lehmä' siin madala'."
     112  Sõsar õks hellä linnukõnõ,
     113  Läts õks vasta värehtilõ:
     114  "Tulõ õks sa maalõ marä vellö!"
     115  Ara õks tä lausi meelestäni
     116  Lausi meele poolõstäni:
     117  "Sõsar õks hellä linnukõnõ,
     118  Sõrmõ' omma' õks mul sulanu!
     119  Pässä' omma' õks päitsihe päävätetu."
pag. 213
     121  Sõsar õks lausi meelestäni,
     122  Lausi meele poolõstäni:
     123  "Kuum om õks mul vesi katlah,
     124  Pallav om õks vesi paakõsõh,
     125  Sõrmõ' õks sul suitsilt sulatõli,
     126  Pässa õks päitsilt päävätele."
     127  Tulli õks sis maalõ maräkõnõ
     128  Astõ maalõ armas veli. -
1 (isale)

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

ERA II 103, 388/97 (40) 17 %
Veske 6, 299/311 (45) 14 %
H II 4, 325/8 (138) 13 %
H I 6, 189/190 (3) 11 %
ERA II 155, 595/8 (5) 11 %
H II 32, 227/8 (3) 11 %
ERA II 204, 472/5 (13) 11 %
ERA II 80, 131/8 (101) 10 %
H II 3, 13/6 (9) 10 %
ERA II 126, 380/6 (4) 10 %
E, StK 33, 140/9 (8) 10 %
E, StK 22, 61/7 (36) 10 %