ERA II 108, 513/8 (7)

era210805130007
Setumaa
Oinas-Tammeorg, Anna
1937

Metadata

COL: A. O. Tammeorg
ID: ERA II 108, 513/8 (7)
INF_NIMI: Anna Loomik
LOC: Setumaa, Vilo v., Saputje k.
TMP: 1937

Pöörälaul
Tütrigu' saistsi' koh ilopaigah, kirmasõh ja külä seeh püürä, üts ütel iist, tõõsõ perrä ja kõrrast egaüts läts karas ümbretsõõri pöörä kespaigah.
     4  Imel ol´l pal´lö tütrit
     5  Liiga linahiussit
     6  Vel´lö ütel vii vette
     7  Sõsar ütel sõku mutta
     8  Lätsi vette viimähe
     9  Kaivõnguhe kandõmahe
pag. 514
     11  Arä lätsi tükü tiid
     12  Maada mar´ä võrrakõsõ
     13  Lätsi istõ pisust pindrele
     14  Mättä pääle mähkmähe
     15  Linnas sinitsiibo tsirgokõnõ
     16  Vahajalga varbõlanõ
     17  Kui sa vere vette viide
     18  Viit vaiva vaovahe
     19  Olõ-s seö veri viist saanu'
     20  Vaiva saanu' vaovast
     21  Läts hanni halõhõst
     22  Läts kapo kallist
     23  Sis panni uibost ojaviirde
     24  Vii viirde vislapuust
     25  Säält saie sääne uibo
     26  Viirdü sääne vislapuu
     27  Talvõl oidu ubinita
     28  Talvõl mar´ölõ minehtü
     29  Müüdä kaldu' suurõ' säksa
     30  Kaldu müüdä kaubamehe
pag. 515
     32  Määne om seö imeh ilma pääl
     33  Rahva naaru maa pääl
     34  Määnes seö om uibos ojaveereh
     35  Vislapuu vii veereh
     36  Talvõl oius ubinilõ
     37  Talvõl mar´ölõ minehüs
     38  Uibos ossõsta kõnõli
     39  Vislapuu vitsakõsõst
     40  Ommõ seö uibos näio suku
     41  Vislapuu näio verd
     42  Selle talvõl oius ubinilõ
     43  Talvõl mar´ölõ minehüs
     44  Saie sis kuulta' kuusi pooli
     45  Veie tiidä viisi pooli
     46  Tulli sis kos´ä' uibolõ
     47  Veere viina' vislapuulõ
     48  Anni olt uibolõ
     49  Anni viina vislapuulõ
     50  Uibos ossõsta kõnõli
     51  Vislapuu vitsakõsõst
pag. 516
     53  Ega s´öö uibo olt võta-ai
     54  Võta-ai viina vislapuu
     55  Ommõ koh kodo kossi
     56  Omma' vele' viina juvva
     57  Arä nä lausi meelestäni
     58  Lausi meele poolõstani
     59  Ega mii tiiä-i sino koto
     60  Mar´ä tiiä-i sino maija
     61  Uibo jal' ossõsta kõnõli
     62  Vislapuu vitsakõisist
     63  Võtkõ tii upin uibost
     64  Verrev mari vislapuust
     65  Oidkõ takah ubinal
     66  Veerke vereväl mar´äl
     67  Lätt tuu upin näio kodo
     68  Mari lätt näio majja
     69  Tuudva' kas uma ubinast
     70  Tuud maama mar´äst
     71  Lätt õks imel halõhõst
     72  Kasvatajal kallist
pag. 517
     74  Võti nä' ubina uibost
     75  Verevä mar´ä vislapuust
     76  Panni nä' ubina oiuma
     77  Verevä mar´ä veerümä
     78  Anniks ubina ummilõ
     79  Anni maamalõ tuu mar´ä
     80  Tuudsõ ime ubinast
     81  Tuudsõ maama tuust mar´äst
     82  Õt ommõ imel uma tütär
     83  Om kallis kanakõnõ
     84  Läts sis hanni halõhõst
     85  Läts kapo kallist
     86  Ime läts kodo kutsuma
     87  Maama majja manitsama
     88  Tulõ kodo mu tüteri
     89  Kallu kodo imekana
     90  Ommaks kos´ä' mii kotoh
     91  Viina' mii velisil
     92  Imekene sa helläkene
     93  Maamakõnõ mar´äkõnõ
pag. 518
     95  Ega ma imp siist kodo lää-i
     96  Lää-i majja mar´äkõnõ
     97  Hallõ olõ-õs sul minnu siiä tuvva
     98  Kanna siiä kallutõlla
     99  Hallõ olgu-i minnu kodo kutsu
     100  Mar´ä kodo manitsõlla
     101  Seöks laulu lõpõtõlõ
     102  Tõõnõks tii armas alostõlgõ.
Neid mängusid on laulik ise kaasa mänginud ja laulnud.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

ERA II 286, 696/7 (27) 40 %
E 51816/8 (5) 20 %
ERA II 267, 17/9 (1) 16 %
E, StK 22, 122/5 (2) 15 %
E, StK 22, 129/31 (6) 14 %
ERA II 151, 179/82 (10) 13 %
E 81749/52 (5) 13 %
H II 3, 75 (67) 12 %
H II 32, 967/9 (3) 12 %
ERA II 278, 630/3 (8) 10 %