ERA II 103, 473/8 (7)

era210304730007
Setumaa
Pihlapuu, Mihkel
1935

Metadata

COL: Mihkel Pihlapuu, Tartu Pedagoogiumi õpil., s. 1912. a.
ID: ERA II 103, 473/8 (7)
INF_ELUL: 65 a.
INF_NIMI: A. Heering
LLIIK: Kalendrilaulud
LOC: Setumaa, Meremäe v., Küllätüvä k.
TMP: 1935

Pöör´älaul
(Tihti tehti ka jaanitule ümber püür´ä; Vt. pööralaule I vihik).
     4  Külbi õks upa, hiidi herneht,
     5  Upa ma' mustalõ mullalõ,
     6  Herneht hel´lä liivakohe.
     7  Lätsi' katsi nää' kasumahe,
     8  Mõlõmba' kül´ vinnümähe,
     9  Ära õks nää' katsi höüsteli',
     10  Höusteli' õks võistõli',
     11  Kua ommõ õks meid kõdrolõ kõvõmb,
     12  kua ommõ meid lakolõ laemb;
     13  Uba ommõ õks kul' kõdrolõ kõvõmb,
     14  Herneh ommõ lakolõ laemb,
     15  Esi õks ommõ tää illos häiermilla.
     16  Uba õks tuu naidi noorõ poja,
     17  Herne naidi hellädse minija.
     18  Viidi õks nää' aita magama
pag. 474
     20  Taba õks üt´sä taadõ,
     21  Võtmõ kümne külele.
     22  Mano õks püüdse' pühäläse',
     23  mano tahtsõ' taivalasõ',
     24  Päse-s õks mano pühäläse',
     25  Tammas saia' taivalasõ',
     26  Tulli õks ütsi äiolanõ1
("Vana Jaak"-vanapagan)
,
     27  Tuu õks veie ülä vildi alt,
     28  Ar' õks kand´ katimilt.
     29  Õka' õs kuulõs kulla näio,
     30  Õka' helkus heränes.
     31  Kire' õks sis jumaldõ kiko',
     32  Kire' õks aida har´ä pääl,
     33  Õka' õs kuulõs kulla näio,
     34  Õka' helkus heränes.
     35  Hirnõ' õks sis jumaldõ hiiro',
     36  Hirnõ' õks tsõõri moro pääl,
     37  Õka' õs kuulõs kulla näio,
     38  Õka' helkus heränes.
     39  Haugi' õks jumaldõ harmi',
     40  haugi' õks - aida läve pääl,
     41  Õka' õs kuulõs kulla näio,
     42  Õka' helkus heränes.
pag. 475
     44  Müvve' õks sis jumaldõ lehma
     45  Müvve' õks nää' mõtsa minneh.
     46  Õka' õs kuulõs kulla näio,
     47  Õka' helkus heränes.
     48  Kuugi' õks jumaldõ kokõ',
     49  kuugi' õks salvõ veere pääl.
     50  Õka' õs kuulõs kulla näio,
     51  Õka' helkus heränes.
     52  Päivä' õks jo' paisti pähütsehe,
     53  Ago hõlma hõrõdi,
     54  Õka' õs kuulõs kulla näio,
     55  Õka' helkus heränes.
     56  Kääni sis õks kül´e löüse külmä,
     57  Nõsti jala, löuse jahe,
     58  Mõtõl´ õks vildi veerüvädä,
     59  Katimõ ar' kalluvada.
     60  Õka õks tuu vilti höörüs,
     61  Õka õks tuu katim kallus,
     62  Tuu õks viidi noori vel´lo,
     63  Imekana õks kannõtigi;
     64  Näio õks sis tarrõ joostõh joosi,
     65  Kiä' õks sääl tarõh eenä ol´li?
     66  Ülä õks ime helläkene,
pag. 476
     68  Kasa mamma mar´äkõnõ,
     69  Sullõ saie õks kaihu, mullõ kaihu,
     70  sullõ saie õks kaihu katõ võrra,
     71  Mullõ ohtu kül' üte võrra;
     72  Sinol õks kattõ kul´lä poiga,
     73  Minol õks kattõ kallis kasa,
     74  Kallis kasa õks hüä ülä,
     75  Läke' õks mii' katsi otsima,
     76  Mõlõmba' õks löüdemä.
     77  Ülä õks ime tuu helläkene,
     78  Kasa mamma mar´äkõnõ,
     79  Ära'ks tää lausi meelestäni,
     80  Lausi meelepoolõstani,
     81  "Kui sul õks kattõ, sis otsi',
     82  Kui sul viidi sis murõhta'.
     83  Näiokõnõ tuu noorõkõnõ,
     84  Kallis imekanakõnõ,
     85  Ära'ks tää tandsõ talli poolõ;
     86  Kiä' õks täl sääl eenä olli?
     87  Üla õks ese helläkene
pag. 477
     89  Kasa kallis kasvataja.
     90  "Ülä'ks ese sa' helläkene,
     91  Sullõ õks saie kaihu, mullõ kaihu
     92  sullõ õks saie kaihu katõ võrra,
     93  Mullõ ohtu üte võrra,
     94  Sinol kul' kattõ kullä poig
     95  Minol kul' kattõ kallis kasa,
     96  Kallis kasa kül' hüä ülä.
     97  Ülä õks ese tuu helläkene,
     98  Ära'ks tää lausi meelestani,
     99  Lausi meelepoolõstani:
     100  "Näiokõnõ sa' noorõkõnõ,
     101  Kui sul õks kattõ, sis otsi',
     102  Kui sul viidi, sis murõhta'."
     103  Näiokõnõ tuu noorõkõnõ,
     104  Mia täl sis tetä', kohe minnä',
     105  Ära'ks tää sis lasi lauda poolõ.
     106  Kiä'ks sääl laudan eenä olli?
     107  Ülä õks sõsar´ sa' hellakene,
     108  Sullõ saie'ks kaihu, mullõ kaihu,
pag. 478
     110  Sullõ saie kaihu katõ võrra,
     111  Mullõ kaihu üte võrra,
     112  Sinol õks kattõ hüä vel´lo,
     113  Minol kattõ kallis kasa,
     114  Kallis õks kasa, hüä ülä,
     115  Läke' õks mii' katsi otsima,
     116  Mõlõmba mii' löüdemä.
     117  Lätsi' õks sis nää' katsi otsima,
     118  Mõlõmba' jo' löüdemä;
     119  Lätsi' sis aita nää' ehtima,
     120  Päälikohe päätimä,
     121  Löuse' nää' ehte' ikõvat,
     122  Puutõ' päite' puhtivat;
     123  Midä õks tii ikõt eheh suur´,
     124  Mida puhit tii' puutõ' päite'?
     125  Ära õks iku-i' tii' eheh suur´,
     126  Ära'ks puht´ku-i' puutõ' päite',
     127  Õka'ks näio ma' iäst lää-i',
     128  Õka'ks kallu-i' ma' kaugust.
(Edasi ei tea: kas on lõpp või ei mäleta).
1 ("Vana Jaak"-vanapagan)

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 4, 420/5 (178) 16 %
H, Jagomann 133/4 (15) 14 %
EKmS 8° 4, 323/4 (25) 14 %
H II 3, 11/3 (8) 12 %
ERA II 155, 589/91 (1) 11 %
E, StK 25, 139/44 (23) 11 %
H, Jagomann 629/32 (51) 11 %
ERA II 175, 209/19 (1) 10 %
H I 6, 588/90 (1) 10 %