ERA II 80, 138/44 (102)

era208001380102
Setumaa
Kivi, Karl; Kalk, Olga
1934

Types

Looduslaulud
└ Loomad ja linnud
 └ Kurg kündmas
Kurg kündmas
Taevased kosilased

Metadata

COL: Olga Kalk, 13 a. (koguja) & Karl Kivi (saatja)
ID: ERA II 80, 138/44 (102)
LLIIK_YHT: Looduslaulud (Loomad ja linnud) ; _
LOC: Setumaa, Petseri v., Latsarevo k.
TMP: 1934
TYP: Kurg kündmas + Taevased kosilased
TYP_YHT: Kurg kündmas + _

     1  Tulli üles ma hummogulla,
     2  Varra inne valgõta,
     3  Lätsi ma mõtsa käümahe,
     4  Hummogulla hulkimaie.
     5  Astõ ma ütele põllulõ,
     6  Toetsõ minna viil tõõsõlõ,
     7  Näi ma kurõ kündevätä,
     8  Säält ma kurõ kinni võti,
     9  Panni ma kurõ kangliala,
     10  Käre kura käe pääle.
     11  Säält ma kurõ kodo tõie
pag. 139
     13  Veie aita tä vinnümähe,
     14  kaarasalvo kasumahe.
     15  Esi ma lausi meelestäni:
     16  Kasu õks kurõst korgõ neio,
     17  Kärest käpe kabokõnõ.
     18  Kirgõligi, kargõligi
     19  Kitt ummi tä kindita,
     20  Arvust ummi andita.
     21  Kia siss tulli kossövalõ,
     22  Kiä siss viirdü viinuga?
     23  Kuu siss tulli kossövalõ,
     24  Kuu siss viirdü viinuga,
     25  Ai õks hobõsõ morõlõ,
     26  Paadi perä paja ala.
     27  Esi tä tulli tarrõ teretämä,
     28  Teretämä, tehrütämä:
     29  Tere, ese, tere, ime!
     30  Saa kas siista kuu naista,
     31  Kuu puja mõrsijata?
     32  Ime siss astõ aida polõ,
     33  Sai tä salivi veerele:
     34  Kuulõ sa, hellä tütereni,
pag. 140
     36  Kas õks saa sust kuu naista,
     37  kuu puja mõrsijata? -
     38  - Õka õks saa-i must kuu naista,
     39  Kuu puja mõrsijata, -
     40  Kuul õks ommõ pallö tüüdä,
     41  Pallö tüüdä, pallö vaiva,
     42  Hummogu minnä, õdagu tulla,
     43  Kest üüd kistüdä. -
     44  Ime siss tandsõ tarõ poolõ
     45  Ütel tä nuilõ kosölõ:
     46  Saa-i õks siista kuu naista,
     47  Kuu puja mõrsijata.
     48  Kiä siss tulli kossövalõ,
     49  Kiä viirdü viinuga?
     50  Päiv siss tulli kossövalõ.
     51  Kiä viirdü viinuga.
     52  Ai tä hobõsõ morõlõ,
     53  Paadi perä paja ala,
     54  Esi tä lätsi tarrõ teretämä,
     55  Teretämä, tehrutama:
     56  - Tere, ese, tere, ime,
     57  Saa kas siista päävä naista,
pag. 141
     59  Päävä puja mõrsijata? -
     60  Ime siss astõ aida poolõ,
     61  Sai õks salivi veerele:
     62  - Kuulõ sa, hellä tütereni,
     63  Kas saa susta päävä naista,
     64  Päävä puja mõrsijata? -
     65  - Õka õks saa-i must päävä naista,
     66  Päävä puja mõrsijata.
     67  Pääväl õks ommõ pallö tüüdä,
     68  Pallö tüüdä, pallö vaiva.
     69  Hummogu minnä, õdagu tulla. -
     70  Ime siss tantsõ tare poolõ,
     71  Ütel ta nuilõ kosölõ:
     72  - Saa-i õks siista päävä naista. -
     73  Kiä siss tulli kossövalõ,
     74  Kiä viirdü viinuga?
     75  Täht siss tulli kossövalõ,
     76  Tähte viirdü viinuga.
     77  Aie tä hobõsõlõ morõlõ,
     78  Paadi pera paja ala.
     79  Esi tä tulli tarrõ teretämä,
pag. 142
     81  Teretämä, tehrütämä:
     82  - Tere, ese, tere, ime,
     83  Tere sa, kurgi korgõ näio!
     84  Kas õks saa siista tähe naista,
     85  Tähe puja mõrsijata? -
     86  Ime siss astõ aida poolõ:
     87  - Tütär, sa hella linnukõnõ,
     88  Saa kas susta tähe naista,
     89  Tähe puja mõrsijata?
     90  Täht õks ommõ täüsi miis. -
     91  - Saa õks musta tähe naista. -
     92  Tütär siss nakas aidah ehtimähe,
     93  Imekana kabistama.
     94  Ime siss tantsõ taro poolõ,
     95  Ütel tä nuilõ kosölõ:
     96  - Saa õks siista tähe naista. -
     97  Võti nä vallalõ hobõsõ,
     98  Veie laugi lahterahe.
     99  Joodi tähte, nä söödi tähte.
     100  Sai õks tähte süünüssä,
     101  Süünüssä, juunussa.
     102  Tähte mõõka siss tiristeli,
pag. 143
     104  Kaalarauda raputõli:
     105  - Otskõ õks vällä mu ostodu,
     106  Kaegõ õks vällä mu kaubõldu! -
     107  Ime siss lausi meelestäni:
     108  - Anni sa aigu kasvatõlla,
     109  Anna ka aigu ehitellä! -
     110  Sai õks tütär siss ehitüt,
     111  Imekana kabistõtud,
     112  Tähte siss aie hobõsõ aidalõ,
     113  Ai õka aida lävele.
     114  Tütär siss tulli vällä aidasta,
     115  Pand tä jala parga pääle,
     116  Kundsa õks pand tä kõdara pääle.
     117  Rii parras siss praksatõli.
     118  Rii kõdar krõksatõli.
     119  Ime siss saie näid saatõmahe,
     120  Ime saie kallutama.
     121  Ime siss küündü küsümähe:
     122  - Tütär, sa hellä linnukõnõ,
     123  Kuna ma sinnu kodo ooda? -
     124  Tütar siss lausi meelestani:
     125  - Saa-i inäp taivast tagasi.
pag. 144
     127  Kui sa veerüt vii perrä,
     128  Kui sa kallut kao mano,
     129  Mia om tähte ilosapa,
     130  Ilosapa, valusata,
     131  Tuu om sino tütereni.-
     132  Lätsi nä tähest är taivahe,
     133  Sõidi nä pilvi perältä.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

H II 4, 472/83 (199) 18 %
E, StK 22, 46/8 (34) 18 %
H I 6, 82/3 (4) 12 %
H II 4, 151/8 (63) 11 %
AES, MT 40, 16/7 (19) 10 %