ERA II 80, 131/8 (101)

era208001310101
Setumaa
Kivi, Karl; Kalk, Olga
1934

Types

Lüroeepilised laulud
└ Laulud sõjast
 └ Venna sõjalugu
Looduslaulud
├ Aastaajad ja loodusnähtused
│ └ Meri õue all
└ Loomad ja linnud
 └ Lindude õlu
Kolm venda
Venna sõjalugu
Meri õue all
Lindude õlu

Metadata

COL: Olga Kalk, 13 a. (koguja) & Karl Kivi (saatja)
ID: ERA II 80, 131/8 (101)
LLIIK_YHT: Looduslaulud (Aastaajad ja loodusnähtused - Loomad ja linnud) ; _ ; Lüroeepilised laulud (Laulud sõjast)
LOC: Setumaa, Petseri v., Latsarevo k.
TMP: 1934
TYP: Meri õue all + Lindude õlu + Kolm venda + Venna sõjalugu
TYP_YHT: Meri õue all + Lindude õlu + _ + Venna sõjalugu

     1  Lätsi vällä kaemahe
     2  Kiä väläh ollines.
     3  Lumi väläh ollines.
     4  Mia lumõl pääl olli?
     5  Saani lumõ pääl olli.
pag. 132
     7  Kiä saanis istunes?
     8  Imänd saanis istunes.
     9  Mia imändal üsah olli?
     10  Latsi imändal üsah olli.
     11  Mia latsõl käeh olli?
     12  Mõõka latsõl käeh olli.
     13  Mia mõõgal otsas olli?
     14  Muna mõõgal otsas olli:
     15  Mia muna koorõ all?
     16  Kuldaharja kikokõnõ,
     17  Kanepkaala kanakõnõ.
     18  Kiko linnas kesvä pääle,
     19  Kana linnas kaara pääle.
     20  Kiko tõie kesväterä,
     21  Kana tõie kaaraterä.
     22  Kiko uma ollõs teti,
     23  Kana uma kamast kasti.
     24  Kedä kutsus söömisele,
     25  Söömisele, joomisele?
     26  Kutsi katõ vaesta,
     27  Kutsi katõ kah´ölista.
     28  Midä iki imeldä tütar,
pag. 133
     30  Midä vaagi vaenõlatsi?
     31  Olõs koto kangast kuta,
     32  Pere tarrõ peeled panda.
     33  Kutsi küläst köidijätä,
     34  Üle aia alostajat.
     35  Seeni varõs vassõ langu,
     36  Seeni kaarnõ kaki katski,
     37  Susi veie suakolo,
     38  Jänes vei jalglavvagu.
     39  Jäi kangas kudamalda,
     40  Olalitsõ opimalda.
     41  Sedä õks iki imäldä tütar.
     42  Midä iki eseldä poiga?
     43  Lätsi tä nurmõ kündemaie,
     44  Kalduvata kandõmaie.
     45  Kutsi õks külast köidijäta,
     46  Üle aia alostajad.
     47  Susi õks seie siss hobõsõ,
     48  Murri varsa vao pääle.
     49  Jäi õks küüdsil kündemaie,
     50  Pässil päädä ravitsõma.
pag. 134
     52  Lõivõ linnas lõunõst,
     53  pääsö päävä nõsõngust.
     54  Tõi õks sõasõnumit,
     55  Tõi õks kirä kibotahe,
     56  Tõi õks paprõ paja pääle.
     57  Kiä tull õks kirjä lugõma?
     58  Velle tull õks kirjä lugõma.
     59  Velle õks lausi meelestani:
     60  "Sõsaril om sõtta minna
     61  Velil nooril kodo jäiä."
     62  Sõsar nakas sõtta ehtimähe.
     63  Velle õks lausi siss meelestäni:
     64  "Sõsar sa hellä linnukõnõ,
     65  Helmekaala imekana,
     66  Saa sust õks sõah eläjät.
     67  Om kas taidu sul tõist tappa?"
     68  Sõsar siss ütel meelestani:
     69  "Velekene noorõkõnõ,
     70  Olõ-i mul taidu tõist tappa,
     71  Julgu tõõsõ verd juvva."
     72  Veli nakas sõtta ehtimähe.
     73  Ime ummõl udsuhamõht,
pag. 135
     75  Sõsar kudi sõrmõkindid.
     76  Sai õks hamõh ummõldus,
     77  Sai õks kinda koetus.
     78  Ese sugõ suurt ruuna,
     79  Veli voolits vehmerida.
     80  Nakas veljä jo veerümähe.
     81  Ese küündu küsümähe:
     82  "Pujakõnõ, poisikõnõ,
     83  Kuna sinnu mi kodo ooda?"
     84  Poiga säält õks ütel meelestäni:
     85  "Inne õks minnu kodo uutu-i,
     86  Kasus kuus kodo ette,
     87  Kõiv õks kõlgusõ lävele."
     88  Ime siss küündü küsümähe:
     89  "Pujakõnõ, poisikõnõ,
     90  Kuna mi sinnu kodo ooda?"
     91  Poiga õks ütel meelestäni:
     92  "Inne õks minnu kodo uutu-i,
     93  Juusk õks uja ussõ alta,
     94  Läteh tarõ läve allta."
     95  Veli siss küündü küsümähe:
     96  "Kuna ma sinnu kodo ooda?"
pag. 136
     98  vello õks lausi meelestäni:
     99  "Läät õks niitü niitemähe,
     100  Kallut kaari ajamahe,
     101  Varõs siss tulõ valgõ vao pääle."
     102  Sõsar siss kündü küsümähe:
     103  "Kuna ma sinnu kodo ooda?"
     104  Vello õks lausi meelestäni:
     105  "Läät õks niitü riibumähe,
     106  Kaarnas tulõ kullakarvalinõ."
     107  Kaski kuusi siss kodo ette,
     108  Kõiv kasvi kõlgusõ lävele.
     109  Õka viil poiga kodo tulõ-s.
     110  Juusk jo uja ussõ alta,
     111  Läteh tarõ läve alta -
     112  Õka õks poiga kodo tulõ-s,
     113  Imekanna kodo kallu-s,
     114  Veli jo lätsi niitü niitemähe,
     115  Sõsar niitü riibumähe,
     116  Varõs sääl linnas valgõ vao pääle,
     117  Kaarnas kullakarvalinõ.
     118  Siss õks poiga kodo tulli,
     119  Sõidi sõahobõsõga.
pag. 137
     121  Ese siss tulli poiga tundõmahe.
     122  Ese õks inäp poiga tunnõ-s,
     123  Umma kanna kavatsõlõ-s.
     124  Ese siss lätsi tarrõ tagasi.
     125  Ime siss lätsi poiga tundõmahe.
     126  Õka õks ime poiga tunnõ-s.
     127  Ime siss lätsi tarrõ tagasi.
     128  Veli siss lätsi veljä tundõmahe. -
     129  Õka veli veljä tunnõ-s.
     130  Sõsar siss lätsi veljä tundõmahe -
     131  Sõsar tundsõ sõrmõkindest.
     132  Sõsar siss lausi meelestäni:
     133  "Veerä sa maaha noori vello!"
     134  Vello säält lausi meelestäni:
     135  "Päse-i käe päiste külest,
     136  Päse-i jala jalusõsta."
     137  Sõsar siss lätsi tarrõ tagasi.
     138  Sõsar lausi meelestäni:
     139  "Pangõ piim piisümä,
     140  Lämmi rasõv lähätüma!
     141  Pästä käe päiste külest!"
pag. 138
     143  Pässi käe päiste külest,
     144  pässi jala jalusõsta.
     145  Viirdü tarrõ noori veljä.
     146  Nakas ese ikõmahe;
     147  Selle õks nakas ese ikõmahe,
     148  Mille ese poiga tunnõs.

The similar poems were computed automatically using an optimized weighted alignment algorithm (Janicki, 2022) on sequences of verses.

Similar poems

E, StK 33, 19/20 (5) 15 %
ERA II 190, 199/201 (5) 14 %
ERA II 267, 331/3 (10) 14 %
ERA II 144, 374/7 (8) 13 %
H II 3, 61 (45) 13 %
E 81744/5 (1) 11 %
ERA II 117, 207/13 (2) 10 %
ERA II 204, 484/6 (19) 10 %
ERA II 190, 447/57 (27) 10 %
H III 29, 889/91 (22) 10 %